1st. Thursday : David Lallawmsanga c/o Laldawngliani, Kawnveng leh Mary Lalchhuanawmi d/o PC Vanlalhruaia Chhinga veng te chu Venglai Presbyterian Kohhran biakinah Rev H. Lalzuiliana kutah an innei.
2nd. Friday : Social Reform & Action Committee ten in an kalh sak, Pu Lalbiakliana (Patea) In, Arpu (Theihaingaw) tiam chin awm lovin mi tumahin luah a rem loh thu Sihphir leh Venghlun Joint V/C (SR) hriatpuina a tar a ni.
3rd. Saturday : Kumina a hmasa ber atan YMA Library chu hawn a ni leh ta.
4th. Sunday : Ni hnih awh, Aizawl Hmar Presbytery KTP meet, Sihphir kohhran a neih chu a tiak ta.
5th. Monday : Chief Minister, Pu Zoramthanga chuan Rohrenga hall-ah tunhnaia Agriculture Department hmalakna a siam Agriculture Link Road, hmun hrang hrang a mi bakah tuikhuah engemawzat siam te chu a hawng. He hunah hian Agriculture Minister, Pu C. Lalrinsanga chuan Chief Minister hi a tawiawm a ni.
Pu Zoramthanga chuan kuthnathawktute tana hmasawnna hnathawh hrang hrang hawn theih a ni ta chu a lawmawm a tih thu sawiin kuthnathawktute thlai thar phurhchhuahna kawnga kuthnathawktute harsatna tawh chu sawrkarin a hriatpui thu leh awlsam zawka thlai thar an phurhchhuah theihna tur kawng siam chu sawrkarin a ngaipawimawh thu leh hma an lak zel tur thu a sawi bawk.
6th. Tuesday : V/C house-ah niza inhlawhna chungchânah gram sabha neih a ni.
7th. Wednesday : Aizawl veng pali te bawlhhlawh
sawngbawlna hmun tur, Neihbawih (Zo
peng phei) a mi chu AMC engineer ten an rawn enfiah.
8th. Thursday : V/C house-ah NREGS hnuaia
April thla ni 11 mipui thawh hlawh sem
a ni. Job card neituten Rs 1,590/- hlawh lain,
khawtlang mamawh leh NREGS hna
thawh tak takna tur Rs 900/- mipuiten an
thawh bawk.
9th. Friday : Green
Mizoram Day 2023 a ni a, Chief Minister, Pu Zoramthanga chuan Sihphir a Rohrenga hall-ah hun rawn hmangin Sakawrhmuituai tlangah thing a phun bawk.
10th. Saturday : KTP
Sihphir Branch te chuan Synod, Hospital, Durtlang tan thisen unit 20 an pe a, thisen petute hi mipa
16 leh hmeichhia 4 an ni.
11th. Sunday : Ni hnih awh, Aizawl Hmar Presbytery Pavalai Pawl Meet, Bawngkawn kohhran biakina neih mekah chawhma inkhawmah Pu Lalchhuana, bial chairman chuan hunserh a hmang.
12th. Monday : Lalrinsangi (Nubawihi) d/o Langkhanchina, Arpu, Pu V. Challiana in luah tu hnen atangin Social Reform & Action Committee chuan zû engemawzat mansak.
13th. Tuesday : Social Reform & Action Committee chuan an committee room-ah nizan, zanlaia a
bike silencer a chhia tih hre chunga Sihphir khaw
chhûnga tlan kual chiam a, mi tam tak a tiharhtu,
Khamsangliana s/o Khamkhanchina (L), Venghlun chu an ko a, thu zawh fiah a niin ti tawh lo tura
zilh a nih bakah traffic dan a bawhchhiat bawk angin MV Act 189
tlawhchhanin Rs 5,000/- chawi tura tih a ni bawk.
14th. Wednesday : Zaliani, kum 70 w/o Zomawia (L),
Kawnveng chu Greenwood Hospital, Aizawlah 'Stroke'
avangin a boral.
15th. Wednesday : YMA day vawi 88 na a ni a, Sihphir branch chuan hnatlanna hun atan hmangin thlanmual leh a chhehvel tifaiin thlanmual bungraw in tur an sak mek chhunzawm a nih bakah Library thawm that a ni bawk.
16th. Friday : Power Supply chungchângah fuh chiah lo lai a awm avâng a a trip zeuh zeuh reng avangin department staff te an buai hle.
17th. Saturday : Thlanmual No. 1 bungraw dahna tur leh chenna In tur inkawp sak kal zelah Pi Lalnunpari w/o Upa T. Piangliana (L), Tlang veng chuan YMA hruaitute hnenah Rs. 3,000/- a pe.
18th. Sunday : Venglai Presbyterian Kohhran chuan tualchhung upa tur an thlanga, mi pali an dil laiin Pu H. Lalremruata chiah an thlang tling.
19th. Monday : Gas Card leh phone no thlunzawm lo tan gas a lak theih tawh dawnloh avangin helama thawktu te Pu Joseph Lalsangzuala te inah an lokal.
20th. Tuesday : Lalrintluanga s/o H. Laldanglova, Kawnveng hnen atangin Social Reform Action & Committee chuan zu engemawzat an man sak.
21st. Wednesday : Manipur raltlan relief committee, chuan raltlan te, an inluah man leh tuamhlawmna tur dang chungchangah khawtlang mipui te inphal theuh turin ngenna a siam.
22nd. Thursday : Mizoram State Co-operative Union chuan Annual General Assembly, Dawrpui Multipurpos Centre-ah an hmang a, he hunah hian kum 2023 atanga 2028 hruaitu tur thlang nghalin hetah hian board of director turin Pu Lalrinliana Royte leh Pu Lalṭanpuia Pachuau te chu thlan tel an ni.
23rd. Friday : Lalmawipuii w/o Lalrinchhana, Arpu veng puan champha vawi 39 na a ni a, social media lam atangin mi engemawzat in lawmpuina an hlan.
24th. Saturday : Ni hnih awh tur Bial KTP kum chanve intawhkhawm chu Sihphir Kohhranah neih tan a ni.
25th. Sunday : Venglai Presbyterian Kohhranah Masihi Sangati Awareness Campaign hman a ni a, Upa Lalrinmawia, Khatla South chuan Pathian thuchah a sawi a, Bawngkawn kohhran an zai bawk.
26th. Monday : Neihbawi field tur siam mek chhakah cricet practice pitch tur laih tan a ni.
27th. Tuesday : Venglai Presbyterian Kohhran hmeichhe inkhawm chu tluang taka neiih zel a ni a, tun tumah hian Pi Zamliani, Kawnveng xhuan Pathian thuchah a sawi.
28th. Wednesday : UPHC-ah Dental Doctor a lokal a, mi engemawzat an in entir.
29th. Thursday : Central Kohhran hmeichhe inkhawmpui lianin a lo rel tawh angin ram pumah mahni kohhran theuha ram leh hnam tana tawngtai tur a tih angin tualchhung kohhran hrang hrang te pawhin an hmang ve.
30th. Friday :
Durtlang atangin Neihbawi tanky-ah tui dah chhin a ni.
Comments
Post a Comment