Skip to main content

YMA MEMBER NIH HLUTNA

  (Sawiremtlang editorial)


YMA kumthar duan committee January ni 18 a neih chuan January thla chhunga member lak fel ni se a ti a, (thurel 4-na) tichuan, ECM ten mahni bial theuha an chetchhuah sang sang hnu-ah January thla chuan ti fel hman ta chiahlo in February thla-ah erawh kan inching fel hman thung.

YMA member atan hian dan bu in a sawi ang in tleirawl/rawlthar atangin member hi a nih theih a, upat lamah bituk a awmlo thung. Hei hi YMA tih a 'young' hi thalai sawina niloin hnam thanglai sawina a nih zawk thu sawi a nih vang a ni. Life member tih loh chu member hi kumtin inlak thar thin a ni. YMA kalphung anga nun tum mi apiang tan member hi a nih theih a ni. YMA chu pawl thianghlim a nih avangin khawtlang tana mi hnawksak tan erawh tel ve a remchang lo thung. Tichuan, tunah hian member chu hmeichhia 1344 leh mipa hi 1503 niin kan vaiin 2847 kan ni ta a ni. Kumin atana kan inchin fel hnu hian member boral hi 7 awm tawhin (Dt.11.2 - 25.4) an nungchangin a zirloh avanga YMA member a lak tawh fee pek let 12 an awm bawk! Hei hi tamtak hrethiamlo leh lungawilo kan awm nia hriat a ni. Lungloh a la mai loin thununna a ni tih hriata, member tlak nih tum mai tura inbuatsaih a tul zawk awm e.

Chatuan ram pan mi 7 leh thununna tawk lai mi 12 paihin member hi 2,828 kan ni ta a, kar hmasaa thla committee neih a nih khan member nih dil mi pali awmin, chung mite dilna pawmin member a Iak luh nghal an ni bawk. Tichuan, member hi 2832 kan ni ta mek a nih chu.

Mizo thalai tawh phawt chuan tel kan tum avang hian he pawl hi a ropui tih a chianga, thununna tawk te pawh an lawmloh thu hriat te hian YMA hlutna a tarlang a tih theih anga, hun liam hnua member nih dil kan awm hian a ti chiang lehzual awm e. Hetia member kan nih takah chuan pawl tan member ni satliah ngawt loin kan theihna zawn theuhah member tangkai tak nih pawh i tum theuh ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more