1st. Tuesday : Bualpui (NG) ram chhûng, Sêrzâwl kawngah Myanmar lam mi hnên aṭangin methampetamine mûm 42000, kilogram 4 leh gram 600-a rit; tualchhûng rate-a chêng nuai 59 leh sîng 8 hûa chhût an man.
2nd. Wednesday : Vawk natna, ASF kai vawk 67 thiin vawk 7 suat a ni bawk.
3rd. Thursday : Vawk natna, ASF avangin hmun hrang hrangah vawk 32 a thi.
4th. Friday : Pi Ṭuanzingi (73), m/o Lalbiakremi, Khawzâwl Hermon Vêng chu an chuktuah huanah lum palhin a boral.
5th. Saturday : I-League season tawp ni a ni a, chak ngei ngei ngai, Aizawl FC chuan Namdhari FC chu khêlin si thum faiin an hneh hlauh mai. I-League season thar lo awm tûr an khelh chhunzawm thei dâwn ta!
6th. Sunday : Aizawl Police Station a duty te chuan Lalvenpuia (26) s/o Lalrinchhana, Keitum, Serchhip District (Parmanent Adress : Tuikhuahtlang) chu thu dik lo (False information) hmanga police a bum avangin an man. He pa hian mi in an sawisak avanga hliam tuar angin a insawi a ni.
7th. Monday : Sihhmui a Tlawng lei chu dawh kai a ni ta.
8th. Tuesday : Ruihhlo hawng 440 man chungchanga inhnamhnawiha puh, Henry Lalbiakzinga Chhundeng, Dinthar veng
te kawtah veng mipui thinrim pungkhawmin vengchhung chhuahsan turin an au rual a, mipui thinrim chuan hun rei tak chhung Vengchhung hruaitute hmalakna an nghah tawh thu sawiin hmalakna a awm mai loh avanga pungkhawm an nih thu an sawi. Mipui pungkhawm chuan Henry-a chu vengchhung ti mualphotu anih avangin an vengchhunga awm atan an duhloh thu sawiin an ensan thu an sawi bawk. Henry-a hi March ni 15-a Champhaia ruihhlo ṭhahnem tak an mana a khaipa bera puh niin lunginah a tang mek a ni.
9th. Wednesday :
Union Minister of State for Home Affairs, Pu Nityanand Rai chuan Mara leh Chakma Autonomous District Council te a tlawh.
10th. Thursday : Tv Lalbiakdika (24) s/o Lalbiakmawia, Tachhip leh a unau nu chu scooty a an khua atanga Aizawl pana an rawn inphurh laiin Ngaizel lung tlain a delh dun a, Biakdika hi boralin a unaunu hian a malpui-ah hliam a tuar bawk.
11th. Friday : Pu Vanlalliana (73) s/o Mangchhunga (L), Kulikawn chu an thenawma khawsa, Lalruatdika Varte S/o Lalthavunga chuan chempuiin na takin a sat. Pawikhawihtu hi
Kulikawn Police in an man nghal. Kut inthlak chhan hi kuttuar tu pa hian hna a thawk chu Ruatdika hian bengchheng a tih vanga a ngaih theihloh vang niin an sawi.
12th. Saturday: David Ramsangliana, kum 46 s/o Zoremthanga, Dawrpui vengthar chu Aizawl Hospital-ah thin thalo avangin a boral.
13th. Sunday: Tumkau ni a ni a, kohhran tam takin tumkau chawiin Lal Isua an chawimawi.
14th. Monday: Mizo damlai zinga upa ber, Pi Buangi (Lalneihsangi) Venghnuai pian champha, kum 108 na a ni. Pi Buangi hi Aizawl Municipal Corporation chuan nikum khan Aizawl khua leh tui zinga upa ber chawimawina a lo hlan tawh nghe nghe. A pian champha hi a chhungte'n an lawmsak. Pi Buangi hi Venghnuaia piang leh seilian a ni a, a pasal chu Rev. Sena a ni. A makpa, HV Lalringa, IAS in, Khatla-ah a khawsa mek a ni.
15th. Tuesday:
Zemabawkah Thingsulthliah tleirawl,, Angely Ramngaihawmi (18) d/o J. Lalrosanga chu truck, hnamdang khalh chuan a chila, ka chhawn lohin a boral. Angely te hi bike a inphur an ni a, kawng nala an tlu chu motor hian a chil zui ta a ni.
16th. Wednesday:
Judicial Magistrate First Class, District Court, Champhai chuan Dungtlang khuaa nu pakhat, hriamhrei hmanga a fapa, thla 10 mi, na taka kutthlaktu bail dilna chu a hnawl. Child Welfare Committee, Champhai Member pakhatin FIR a thehluh bawhzuiin Dungtlang khua a nu pakhat chu kumin March ni 5 khan a fapa thla 10 mi hriamhrei hmanga na taka kutthlak thubuai leh naupang kum tlinglo a enkawltu in a ngaihthah leh nghaisak thubuaiah man a ni a. Lung inah khung nghal a ni.
17th. Thursday: Mizoram a thisen pe hnem ber nihna chelh mektu, Tv. C Lalremruata, Electric Veng, Aizawl chuan a vawi 95 na atan a mamawhte hman atan Civil Hospital, Aizawlah thisen a pe leh ta. Tv. C Lalremruata hian kum 1998 atangin thisen a pe tan a ni.
18th. Friday : Good Friday a ni a, kohhran hrang hrang te chuan Lal Isua tuarna tawmpuiin hun an hmang.
19th. Saturday: Chanmari FC chu I-League khel turin an tling. An hnuaia awm team pahnih, Sporting Club de Goa leh Bengaluru United te an in draw avanga I-League a tling hi an ni. Heti hian I-League-ah Mizoram team pahnih an tel dawn ta a ni.
20th. Sunday: Easter Sunday a ni a, kohhran hrang hrang te chuan Lal Isua thihna hneha a thawhlehna an lawm.
21st. Monday: Toyota Kirloskar Motor Private Limited ten Mizoram sorkarin a mamawha hman turin JCB pahnih chu Chief Minister, Pu Lalduhoma hnenah an hlan.
22nd. Tuesday: Mizorama phir dam rei ber ni a hriat, Pu Lalchhingpuia chu a thi. Pu Lalchhingpuia leh a phir pui (amah hi a upa zawk) Pu Phirdailova te hi July 18, 1934 khan Pu Rohnuna leh Pi Rualchhingi te inkarah, Mission Veng, Aizawlah an lo piang a ni.
23rd. Wednesday: Vanapa Hall-ah Mizo Hmeichhe Insuih khâwm Pâwl (MHIP) chuan kum 2025 aṭanga kum 2027 chhûnga MHIP hruaitu tûr an thlang.
24th. Thursday : Central YMA hnuaia ruihhlo do pâwl, Central Anti Drugs Squad (CADS)-te chuan heroin hâwng 400 (kilogram 4 leh gram 821), chêng 1,12,00,000/- hûa chhût chu car pakhat, Thangsângpuia (28), Zawra Vêng, Fârkâwn khua; Ramhlun North, Aizâwla khawsa mêk khalh leh car dang, Malsâwmdawnga (29), Zawra Vêng, Fârkâwn khuaa mi vêk, Khawmâwi, Myanmar-a khawsa mêk nia insawite khalh aṭangin an man a; hemi kaihhnawihah Lalhmingmâwia, Ngûr khua an man bawk.
25th. Friday: Mizoram University Auditorium-ah Mizoram University (MZU) din champhaphâk vawi 25-na (Silver Jubilee) lawm a ni.
26th. Saturday:
Pope Francis vûina hun Vatican City-a neih rualin a sûnna Mass Thianghlim inkhâwm chu Mizorama Roman Catholic kohhrante pawhin Christ the King Cathedral Kulikâwn, Aizâwlah an lo hmang ve.
27th. Sunday: Tuikual North Presbyterian biakina inkhawm lai, Lalromawii (50) chu chau thutin a thi zui.
28th. Monday : Aizawl atanga Lengpui thlen hma deuha tuikhawthla chhak deuhah kawng chhak atanga lung tlain car (grand i10) MZ/04A - 0330, Falkland veng-a Pu Lalrinliana te chhungkaw chuanna chu a delh a, motor-ah hian mi pali chuangin pa ber, Pu Lalrinliana leh a nupui, Pi Lungtiawii bakah an fanu, Vanlalhruaii te hi a hmunah an thi nghal a, motor khalhtu an fapa, Lallawmzuala hian hliam na tak tuarin Aizawl Civil Hospital pan pui nghal a ni.
29th. Tuesday: MBSE chuan HSLC results, 2025 a ti chhuak a. Exam beitu zirlai 18,603 atangin mi 14,527 (76.68 %) an pass. A pumpui-ah PC Lalthakimi
D/o Darthuama
Armed Veng,
KD High School, Aizawl zirlai chu pakhatna niin full mark 500-ah mark 479 a hmu a, English, Maths, Science, SS leh Mizo-ah te letter a hmu bawk.
30th. Wednesday: Rajya Sabha MP hlui, Ronald Sapa Tlau (71) Zonuam, chu AIIMS, Delhi-ah lung lam tha lo (open heart surgery) avangin a thi.
Comments
Post a Comment