Skip to main content

PHE HOTU TE LEH KHAWTLANG HRUAITU TE INHMUKHAWM

  (Sawiremtlang heading 17.5.2025)


Tunkar Nilaini khan YMA conference hall-ah
PHE Department-a Engeneer in Chief ho in Sihphir leh Sihphir Venghlun a khawtlang hruaitute chuan  meeting an nei.

Meeting-ah hian Sihphir, Sihphir Venghlun leh Nausel VCM-te an tel a, tlawmngai pawl : YMA, MHIP, MUP te leh Prominent Citizen member-te bakah party tin aiawh-te chu sawm an nih angin an tel bawk. He hunah hian Jal Jeevan Mission (JJM) Scheme hnuaia Water Connection, PHE Department in an thawh mek chu WATSAN Committee kutah an hlan.

He hun hi Pu R Lalremruata, VCP Sihphir chuan a kaihruaia, PHE Department atangin Engineer in Chief, Er. HT Duhkima leh a thawhpui thahnem tak an lo kal a ni.     Sihphir lam atangin tun dinhmunah Tui connection chu an tan enkawl a la harsat dawn thu leh tui kham khawp hmuh a la nih loh avangin a enkawl zui zel chu phurrit a nih dawn thu an sawi a. Tui connection pipe (T Cluster) chhia leh T Cluster te UPVC pipe chhiat hma te an sawi bawk. Tin, UPVC pipe hi G.I Pipe a thlak rawtna an lo thlen bawk a ni.

PHE lamin tun dinhmunah Tui kham khawp la hmu lo mah se JJM inkaihhruaina ang a khawtlangin an enkawl phawt a ngaih thu te an sawi a. Aizawl Water Supply Scheme Phase III chu Sihphir bikin Tui a pump chhuah hmaa pek zel tur a nih thu te an sawi bawk a ni. PHE Department hian khawtlang hruaituten tun  dinhmuna an duh khawp lohna te chu an hriatthiam thu leh tunah khawtlangin lo handover phawt se, enkawl zel an la tum thu te an sawi bawk. Engineer in Chief, Er.H Duhkima chuan thusawiin, "Aizawl Water Supply Scheme Phase III indawn that theih chuan khawpui chhungin an thik zawk dawn che u a, Aizawl chhim lama khaw thenkhat, Muallungthu leh Kelsih khuaah te pawh Aizawl atangin tui an dawng a, tui meter invuah a ni bawk si lova, Sorkar-ah chhiah an chhung lut bawk si lo, an khuain an hlawkpui viau tawh a ni. Chutiang dinhmunah chuan Sihphir pawh in awm a, PHE Department in a kal san dawn chuang lo che u, thawktu tur pawh tualchhunga mi induh inla thei dawn a, in tui bill tling khawm atangin thawktu hlawh leh a chhe lai siam that te in lo tum ve dawn a ni", a ti.

Jal Jeevan Mission hi Mizoram khaw pum hi Household Tap Connection thawh zawh tawh a ni a, Sihphir, Sihphir Venghlun leh Nausel khua te pawh in tinah Pipe fit luh tawh a ni a, hemi atan hian sorkar chuan cheng nuai 402.96 a dah a ni. PHE Department hotute chuan scheme lian zawk hnuaiah Tuirial lui tui pump chhuah a, Aizawl Hmar lam chawm tur buatsaih mek a nih thu an sawi bawk a ni. Hun hman zawh a nih hnu hian kal khawm ten zanriah tui tak an kil ho bawk.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more