Skip to main content

SIHPHIR VOLLEYBALL CLUB TE AN DUAILO

( Sawiremtlang editorial)

Tunlaia khelh mek, Mizoram Pro-Volleyball League-ah a hmasa ber atan Sihphir volleyball club (VC) te chu inlanin team paruk awmna-ah hian rinhlawhlo ber kan ni chungin pangana kan ni thei. Team paruk zinga pangana nih hi hetia ngaih mai chuan inchhuanna tham tling lo viau in a lang naa, kan khaw team te hian an match hmasa berah team tha ve pangngai tak, Anastasia chu an hneh a, hei hi thenkhat chuan team  infawmchawp chuk chuk niin kan hneh avanga tha ta viaua kan inngai kha thil awmlo tak niin an sawi hman a, Sihphir team te chhuanglo takin an lo sawi hmanhmawh a nih kha. Mahse, Anastasia team chhiat lemloh zia chu tun dinhmun an thlen theih dan atang hian a chiang mai awm e.


Sihphir team te that tawk loh zia sawi tute tiphur tur tingin kan pawl te hian a lehpek game hnihah an han tlawm leh a ni a, khaw mipui te pawh kan hnual hmanin pakhat kan hneh ve hram kha lungawi mai tur niin an ngai hman hial a ni.


Mahse, vawi li theuh an khelh zawh meuh chuan point 6 hmu intlar thut zingah kan tel ve ta reng mai. Vawikhat chaka semi final lut thei kan ni ta hial mai. Commentator te pawhin mak min tiin champion tur  pawhin min ring ve hman hial a nih kha. Amaherawhchu, kan match hnuhnung berah league hmahruaitu leh champion tura mi rin hlawh ber, Tuichangral nen kan insu a, kan ngam ta lo tih mai chauh a ni. Straight a kan tlawm pawh kan inrin thup laiin hemi tum pawh hian set  kan la hmasa hial a nih kha. Khawtual mipui pawh kan phurin rampum ang pawhin mipui mit fukna kan ni ve hial a ni.


Palina kan ni ve phak mai dawn emaw tih laiin TNT nen dinhmun inhnaih taka awmin ratio tlem te in kan phak talo chauh a nih kha. Khami tum phei kha chuan kan dinhmun a inhnaih em avangin official te pawhin kan tling zawk angin an chhut hman hial a ni. Hemi tuma official te standing siam sual siam erawh a lungawi thlak viau lo a tih theih ang. An ni ang chinchang hrethiam kha chuan point kan hmuh leh paih atang khan an lo chhut thlap thlap tur kha a ni a, a lehpek awmlo turah ngai ang. 


Engpawhnise, Sihphir volleyball club ten Pro volleyball league an khelh na hmasa berah team hnih ngawt kan hneh ve hrim hrim kha a lawmawm takzet a, team nem tak kan nilo tih a lan chian em em na chu kan hneh team pahnih ten final an thleng hi a ni awm e.


Mizoram a volleyball inelna sang bera kan khelh theih chhan hi Hunthar VC ten Pro Division ațanga an inhnuhdawh avang a ni a, an hmunruak hnawhkhat tur hi meeting chuan ngun taka a ngaihtuah hnuah Pro Division atana play off ni 29.5.2024 a neiha pahnihna Sihphir Volleyball Club te chu a dah ta a ni.


Sihphir Volleyball Club hi Club hlun tak niin kum 1991 a din daih tawh kha a ni. MVA-in ADVA a siam hmain MVA club nung tak ni țhin an ni a, kum 2023-24 season khan ADVA season Opening Tournament Champion niin Season Ending Tournament-ah Semi-Final an lut bawk a ni.


Khelmual kan nei thalo hle chunga player tha tak tak kan nei hi hi a ropui tehlul nen, Pro volleyball league refree pali chauh awm zinga kan khua in pakhat kan thawh ve te pawh hi inchhuanna tham a tling a tih theih ang. Sihphir khuaah volleyball vul zel rawh se.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more