Skip to main content

APRIL 2025, SIH(PHIR) DIARY

 


1st. Tuesday: Power & Electricity Department, Sihphira thawk Pu

Lalhmachhuana, EO II leh Pu Okil

Rai, Electrical Worker te chuan March thla

atanga an pension avangin chawlh an hmang tan.


2nd. Wednesday: 

YMA president, Tv Zohmingliana Hnamte leh Treasurer, Pu C. Lalrinawma te chuan sanctuary chunghangah DFO     an dawr.


3rd. Thursday: Pi

Lalchhawni te unau chuan an nu leh pa, Pi Sawiluaii leh Pu Lalthantlawma

bakah an unau te, Bulthawithanga leh K.

Lalnunmawia te hriattengna lung an phun.    


4th. Friday:

Sihphir Badminton

Club te chu Mizoram a Badminton

Club inelna sang ber, Badminton Stadium, Zuangtui a khelhah MBA Inter Club Men’s Team-ah an Champion. Anni hi

Aizawl District North Zone Men’s

Team-ah leh 65+ ah Champion lai an ni mek bawk.


5th. Saturday: Venglai KTP hnuaia Daniala group te chu Kawnvengah  motor sil in an hnatlanga, Isaia group te Upa PC Lalthlamuana in slab chhungin an hnatlang bawk. Venglai KTP-ah hian group pali an awm a ni.


6th. Sunday : 

Sihphir to Durtlang kawng siam mektu SLT Infracon Pvt. Ltd. chuan Neihbawi-ah (Melsawmkham chhak) Hume Pipe an phum.    


7th. Monday : Venglai kohhran hmeichhia te chu Synod hmunpui hrang hrang te fang in an kal.


8th. Tuesday : Tv Tlangkhuma, Neihbawi leh a thiante pahnih (veng dang mi) te chu bazar chaw (mai) an ruka  bazar kharchhawng hnena an hralh avangin Bawngkawn YMA ten an man.


9th. Wednesday:  YMA Rorelna sang, Central Co-ordination Committee (CCC) vawi 102 chu Central YMA  Hall, Tuikhuahtlangah neih a ni.

He hunah hian Sihphir branch aiawhin Tv Vanlalringa,  BEC a kal.


10th. Thursday: Laltlanfala s/o Lalnunsanga, Damveng leh Lalnunpuia s/o HVL Zarzoliana (CVM), Tlangveng te chuan Sihphir kohhranah nupui an nei.


11th. Friday: Kawnvenga Synod bookroom bul  tuiluankawr bawlhhlawh in a hnawh chu VC ten an ti fai 


12th. Saturday: R.Lalchhanhimi, kum 46, h/o TC Lalchhandama, Arpu veng chu

Ebenezer Hospital-ah thin thalo avangin a boral.


13th. Sunday: YMA chuan No. 4 kaihhnawihah  Venghlun lam mi pakhat leh zu kaihhnawihah Lalchhanchhuaha h/o Lalparmawii, Arpu chu te chu an man.       


14th. Monday:

Village Council Sitting No. 7/25 chuan Neihbawia City Bus tlan dan kawng zawn ni se a tih angin an tlan tan. Neihbawihah hian regular taka Bus Service

tur hian mihring kan la tam loh avangin ni khatah

vawi hnih; zing lam leh tlai lamah a tlang chho thin dawn a ni. 


15th. Tuesday: Thenawm State, Manipur-ah nasa takin ui a hri (Rabies) a len avangin Sihphir Village Council chuan ui vulhtu te chu YMA hall-ah a ko khawm.


16th. Wednesday: Venglai kohhran chuan kohhran hall-ah biak in sak chungchang ngaihtuahin Joint Committee an nei. Joint Committee-ah hian Kohhran Committee, Building Committee leh Fellowship tin Office Bearers-te an tel a ni.


17th. Thursday: Central YMA football tournament khel tura in buatsaih mek, Sihphir te chuan Venghlun khelmualah Durtlang 'N' nen friendly match an khel a, Sihphir hi 5 - 3 in an chak.


18th. Friday : Good Friday a ni a, tualchhung kohhran hrang hrang te chuan Lal Isua tuarna tawmpuiin hun an hmang.


19th. Saturday: Lalhmuaki, kum 73, m/o Lalramhluni, Tlangveng chu an chenna inah stroke natna avangin a boral.


20th. Sunday: Easter Sunday a ni a, tualchhung kohhran hrang hrang te chuan Lal Isua thihna hneha a thawhlehna an lawm.


21st. Monday: Kristian Thalai Pawl, Sihphir Branch te chuan Project 350 an hmang a. Pu Salim Zothanpuia, Synod Revival Speaker chu Speaker niin Nl. Zoramchhani'n zaia rawngbawlna a nei bawk.


22nd. Tuesday: Petera Lalrinnunga s/o H. Lalrinliana, Venglai te nupa chuan UPHC-ah dengue hri an kai tih hmuhchhuah a ni.


23rd. Wednesday:

Lalnuna s/o Khualhnuna, Arpu chu Selesihah ruk ruk thil avangin Selesih YMA in an man.


24th. Thursday: MSACS leh School Education Dept. ṭangkawpin ruihhlo hmansual leh mipat hmeichhiatna hluar zel laka inven thiam nan leh, nun hrisel zawk neih a nih theih nan Sports kaltlanga inzirtirna nei tura ruahmanna a siam bawhzuiin HSS te chuan 'Awarness Sports' Sihphir Venghlun Playground-ah an nei.


25th. Friday: Tv Lalthasanga, kum 27, s/o Lalrampari, Arpu chu an chenna inah lungphuchawl in a boral.


26th. Saturday: Venglai kohhran a bial inkhawmpui neih mek chu rorela chhunzawm a ni.


27th. Sunday :   Zirtawpni a boral ta, Tv. Lalthasanga chu YMA member a nih angin Rs. 13,350/- bakah ekchi leh thuziak hlan a ni.


28th. Monday: Lalchanhlua s/o Khelchhunga Kawnveng leh Lalchhuanmawii, Dinthar veng te chu Presbyterian kohhran Venglai-ah an innei. Inneih inkhawm hi monu hi kal theilo a nih avangin monu te inah neih a ni!


29th. Tuesday: MBSE chuan HSLC results, 2025 a ti chhuak a. Sihphir a zirna in 5 a zirlai 110 atangin zirlai  mi 87 in an pass. Young Learners (PES Venglai) a zirlai - 21 te chuan an pass vek.


30th. Wednesday: Self help group hnuaia PG  Committee chu  SR room, Kawn veng neih a ni. He hunah hian Aizawl lam atangin hotute an lo kal nghe nghe.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more