1st. Thursday : A hmasa ber atan Sihphir Volleyball Club chuan
Pro Volleyball League 2025 khelin 25-15, 25-23, 18-25, 25-22 (3-1) in Anastasia, Electric Veng an hneh.
2nd. Friday: Freddie
Lalmuansanga s/o R. Lalthanzama,
Biak In veng leh Malsawmdawngliani d/o Lalrinliana Royte, Dam veng te chu Sihphir Kohhranah an innei.
3rd. Saturday : Rural Industries Association (R.I.A)
te chu kuang siamin an hnatlâng. He hunah hian kuang pariat an siam a ni.
4th. Sunday: Venghlui Kohhran Biak Inah Synod Mission Board hnuaia thawk tur Missionary 50 tirh chhuah inkhawm neih a ni. Mi 50 zingah hian Sihphir nula pahnih, Lalnunmawii (Mawiteii) d/o H. Zirsangliana, Kawnveng leh Lalnunsiami (Siamtei) d/o John Lalhmingliana, Venglai te chu an tel. Nl Mawitei hi Bardhaman, Kolkata-ah a awm anga, Nl Siamtei hi Pasigath, Arunachal North-ah a awm thung ang.
5th. Monday: Synod Revival Camping Centre-ah ruihhlo ngaite pual Camping thla khat awh (May 5 - June 5, 2025) chu tan a ni a, campers hi mi 900 chuang awmin chhuak leh nghal engemawzat an awm nghal!
6th. Tuesday : Mizoram Board School Education (MBSE) chuan Higher Secondary School Leaving Certificate (HSSLC) Examination 2025 result a ti chhuak. Sihphir Higher Secondary School zirlai 58 zinga 46 (79.31%) an pass a, Sanjay Thapa (A Mizo hming S.Lallawmawma) s/o Nur Bahadur Thapa, Sihphir Neihbawi, St. Joseph HSS zirlai chu Science stream-ah 4-na a ni bawk.
7th. Wednesday : Sihphir Saser Association te Arpua sa sahna dawhkan siam thain an hnatlang.
8th. Thursday : Pu K.Lalnunsanga te chhungkua chuan an fapa, Tv Lalnunmawia hriatreng nan bawlhhlawh bawm YMA an hlan a, an chungah YMA hruatu te an lawm hle.
9th. Friday : Pu Chalhmingthangaa, kum 88, w/o Kapzauvi (L), Tlangveng chu an chenna inah awmlaiin a boral.
10th. Saturday: Club 28 awmna, MFA Futsal Division One Session Ending 2024-2025, R.Dengthuama Multipurpose Indoor Hall a khelh mekah Sihphir Futsal Club chuan 8-4 in Bungkawn FC an hneh.
11th. Sunday: Presbyterian English School, Venglai a Matric pass thar te pualin Venglai kohhran chuan hun an hmang. He hunah hian zirlai pass thar, mi te hi lawmpuina pawisafai pek vek an nia, kohhran School zirlai zawng zawng ten lawmpuina hla sa in, Upa Lalneihkima Ralte, Managing board chairman chuan thuchah a sawi bawk.
12th. Monday: Vânlalzâri (71)
W/o Zokhuma (L), Arpu chu an chênna inah cancer natna avangin a boral. Pi Zari te hi Sihphir Venghlun khua leht tui, in an sak mek avanga Pu Vanhnuna te inhnuai rawn luah zawk an ni a. Venghlun YMA leh Kohhranin engkim an kengkawh ang.
13th. Tuesday: Bial kohhran hmeichhia ten intlawhkual program an hman mekah Hmarveng kohhran tlawhin, he hunah hian Pi Lalhlimpuii, Hmarveng chu hruaitu a nia, Pi Lalremmawii, Sihphir chu tantu niin, Pi Lalrohlui, Venglai chuan thu a sawi thung.
14th. Wednesday: YMA conference hall-ah PHE Department-a Engeneer in Chief ho in Sihphir leh Sihphir Venghlun a khawtlang hruaitute chuan meeting an nei. He hunah hian JJM Scheme hnuaia Water Connection, PHE Department in an thawh mek chu WATSAN Committee kutah an hlan.
15th. Thursday: Andrew Vanlalnghaka s/o Chuauhluna, Tlangveng leh H. Lalrinkimi d/o H. Lalrokima, Hualngohmun te chu St. Pauls the Apostol Church, Venghlunah an innei.
16th. Friday : Pi Ramnunmawii, Secretary, Self Help Group (PG), chuan Dt 19. 5. 2025 a mi turin committee a ko.
17th. Saturday: Sihphir Volleyball club chuan Pro Volleyball League 2025 1st.round an khel zo. He hunah hian Tuichangral nen inkhel in 1-3 in an chaklo a, point 6 hmuin, point 6 hmu ve tho, TNT chu ratio a an san zawk avangin semi final lutloin kan tla.
18th. Sunday : Lamlian hlui, Rescue centre gate chhakah hnamdang khalh, mahindra pick-up chu kawng chho ah zoloin a back liama, meter 20 vel lumin driver hi a liampui a, vanneihthlak takin hliamna a tuarlo hlauh.
19th. Monday : Pu Lalropuia Pachuau, Kawnveng huan, Neihbawi-ah bike, R15 MZ01 AC 6180 chu Inrinni khan kawngthlangah Synod camping Centre atanga tlanchhuak thenkhat ten an hmu. Bike neitu te hi Sesawng lam mi an ni a, anni rawn thang mek lai hian bike hmu hmasa tu te hian an thiante sawmin an lo han la chhuak a, Selesih an thlenin bike la tur a Sesawng atanga lo kal te nen innangchingin Bawngkawn Police station-ah report nghal a ni a, Police te hian a hmunah rawn kalin an hruai thla nghal.
20th. Tuesday :
Mizoramah danglamna (transformation) a thlen theihna tura a tul anga hma la turin pawl thar, Mizoram Transformation Movement (MTM) chu Donum Dei Restaurant, Aizawl ah tlangzarh a ni. He pawlah hian President chu Dr. Lalbiakmawia Ngente, Bungkawn a ni a, Sihphir pa, Laldingluaia, Arpu chu Vice President atan thlan a ni bawk.
21th. Wednesday : Kawngpui siam mek chungchangah kawngpui leh kawnghnuai (Venglai biakin peng) inpawhna tur chu cement a chhun a ni.
22nd. Thursday: H. Lalhmangaiha, kum 86, f/o H. Lalremruata, Biakin veng chu Section) chu zan dar 11:00 ah a boral a, a hnu darkar chanve-ah Pu RK Lalduha, kum 93, c/o Lalengkima, Damveng chu a boral ve leh.
23rd. Friday : Lalchhanhima s/o Liankima, Tlangveng leh Lalfakkimi d/o H. Lalengmawia, Aibawk te chu Sihphir Kohhranah an innei.
24th. Saturday : Pu Lalnunsanga, kum 42, RL Thangluia fapa, Kawnveng chu chawhma lamah a boral a, Nl Silchuhthangi, kum 88, Pu Chuauhluna u, Tlangveng chu tlai lamah a boral ve leh.
25th. Sunday: Taitesena section YMA OB te chu Asst. Leader, Pu Lalchhanhima Varte te inah YMA day lo thleng tur atana hmalak dan tur relin an committee.
26th. Monday: Sihphir Branch KTP ten hun engemawchen sports an hman chu zo felin closing function an hmang.
27th. Tuesday : Pu Benjamin Hnamte (38) s/o Zonundangi, Rinchhan veng chu Greenwood Hospital-ah thin thalo avangin a boral.
28th. Wednesday : Synod Camping Centre a Camper pakhat, Tv Lalsiamkima kum 31, Bawngkawn lam mi camping atanga a tlan chhuak chu camping centre area ramhnuai-ah thi a hmuh a ni. Khawtlangin kuang nen thlah liam a ni. A ni hi May ni 7 a tlanchhuak huk zingah khan a tel a, a nawlpui angin a rem dan dan a Aizawl lam pan ve mai tur a ngaih ve tho a ni. Mahse khawiah mah hmuh chhunzawm a nih tak mai lohah chuan Camp ram velah te hian 'A lo la chambang reng mahna...' tiin rin thil thuin an dap thin a, tun tuma an dap leh hian vanneihthlak takin Camp thlang lam ramah a ruang chhe tawh tak hi an hmu fuh ta hlauh a ni.
29th. Thursday : LBS Suzuki Inter Branch YMA Quiz Competition July ni 3 a Ignite Studio, Khatla a tel turin Sihphir branch YMA Tv Rodingliana s/o Dokhuma (L) leh Nl Lalrinhlui d/o C. Lalṭhazuala (L), Vanapa section ve ve te chu an ruat.
30th. Friday : Ministry of Agriculture and Farmers Welfare, Government of India ruahmanna in rampumah Viksit Krisni Sankalp Abhiyan Campaign hman a ni a, he hun hi Sihphirah pawh YMA Conference Hall-ah hman ve a ni.
31st. Saturday : Ni hnih awh tur, Aizawl Hmar Presbytery KTP Meet vawi 5 na chu Bawngkawn Kohhran Biak Inah tan a ni. Sihphir atang pawhin KTP member engemawzat an kal. Meet-ah hian Upa Dr. C. Lalhrekima, Mission veng chu speaker a ni ang.
Comments
Post a Comment