Skip to main content

APRIL 2025, KA DIARY

 


1st. Tuesday: Diktea te in saknaah ka inhlawh leh. In luah tute an in thiar chhuak tih ka hriatin pawi ka ti hle.


2nd. Wednesday: U Parzama te inah ceiling leh inchung thiatin ka inhlawh. Zanah khawhar inah ka kal. U Bangloa kha YMA a kan member pui a nih angin dekchi, citation leh Rs 12550/- in kan ral nghal.


3rd. Thursday : U Parzama te futsal ground -ah cement chhungin ka inhlawh. Ka xhauh deuh avangin zanah ka inkhawm lo.


4th. Friday : Huanah mai zamna tur ka va siamthaa, fanghma bi nih phunin tui ka leih nghal. Harhna thlen ni a ni a, hemi pual hian zanah ka inkhawm. Inkhawm banah chanhinbu chhutnaah ka kal. 


5th. Saturday: Diktea te in sak naah ek khur tur laiin ChDa nen kan inhlawh. Feet-ah Rs 800/- in kan theka dawn a ni. U Parzama te hnena ka hlawh Rs 1300/- kan dawnga, ka lawm hle.


6th. Sunday : Chawhmaah Sunday school kan kala,(senior deptt.atanga lo chho mi pathum hnenah exam lawmman hlan an ni.) Zanah kan inkhawm leh bawk. (MSSU medal engemawzat sem chhuah a ni a, Chhuanmawii, ke zeng leh Malsawmtluanga, amah ka hrelo te chu kan kohhrana an lo luh thu an puang bawk. Tlaiah huanah mai tui kan va pe. Kumina Maawmi lokal hmasak na ber ani nghe nghe.


7th. Monday : Kan hna ngai kan thawk leh a, kan zo. Maawmi te kohhran hmeichhia angin Synod hmun hrang hrang fangin Durtlang leh Mission vengah te an kal.


8th. Tuesday : Kan inneih champha a nia, zanriah atan arsa kan kan hmeh. Ate Rinsanga hnenah PM Kisan dilna kan siam.


9th. Wednesday: Nu Awii te huanah UThazoi thirzai turin iskut zamna thiatinn ka inhlawh. Hlawh Rs 550/- ka la nghala, ka lawm hle. Banah huanah thlai leitha pe in tui ka leih nghal.


10th. Thursday : Au Zoliana fapa te inneih naah ka kall a, Maawmi U Vena te lung phun naah a kal thung. Zanah ka inkhawm. Mi 18 inkhawmin Rs 520/- thawhlawmah Rs 20/- ka thawh ve.


11th. Friday : U Thazoi hnenah ka inhlawh leh. Hlawh Rs 600/- min pe ta a, ka lawm hle. Rrs 50/- in min san a nih chu. Zanah chanchinbu chhutnaah ka kal. Ka article, ' Thenawm tha' tih February ni 20 a ka dah tawh chu a leng thei taa, ka lawm hle. Zing tawngtai inkhawmah ka kal.


12th. Saturday: U Thazoi hnenah ka inhlawh leh. Atei a lo chho a, Aizawl kal zuiin Chhantea te inah a riak leh nghal. Lalchhani a thi a, David a a thi bawk. Ka thian hlui te ve ve an ni. 22/4


13th. Sunday: David a thihnaah ka zu kal ve. Tlaiah yma te ruihhlo zuarte vaiin kan duty. U thazoi hnena nimina ka hnathawh hlawh, Rs 600/- ka dawnga, ka lawm hle. Atei Chhantea te inah a riak leh.


14th. Monday: Huanah mai zamna ka va siam. Atei Chhantea te inah a riak leh.


15th. Tuesday: Khaw nawmloh avang leh kan tul lutuk loh avang te in inah ka awm. Atei Aizawl aa kal a, Chhantea te inah a riak leh bawk. Ka article ziah lai, 'Milan airport -ah nawhlung a vang' tih chu ka zo ta. 22/2


16th. Wednesday: Huanah sawhting hmun ka va sam. Maawmi civil -ah a in entir leh a, a ziaawm viau a, ka lawm hle. Hutih rualin zai tamlo turin an rawn thung. Atei Chhantea te inah a riak leh. 'Kei leh phone' tih hmangin article ka ziak tan.


17th. Thursday: U Thazoi huan ah leiletin ka inhlawh. Hlawh Rs 600/- ka la nghala, ka lawm hle. Zanah ka inkhawm. Venpui zan a ni a, Rev. Rosiamliana Tichhawng, synod executive secretary, kan Pro Pastor thin chuan Lalpa zanriah sakrament a ṭheh. Kohhran zaipawl an zai bawk. Atei Chhantea te inah a riak leh.


18th. Friday: Good Friday a ni a, chawhmaah kan chhungin kan inkhawm. Kohhran zaipawl an zai. Atei Chhantea te inah a riak leh. Maawmi'n chhuah reng a nin avangin chanchinbu chhutna-ah ka kal lo.


19th. Saturday : Huanah sawhthing hmun ka va sam. Pi Lalhmuaki, Lalramhluni nu, Tlangveng chu stroke avangin an chenna inah a thi. Atei Aizawl a kal a, Chhantea te inah a riak leh bawk. Kristian tlangau a lo thleng.


20th. Sunday:  Easter Sunday a ni. Chawmaah thlan ka lai a, Maawmi te unau an inkhawm thung. Zanah Maawmi nen kan inkhawm leh. Ateu Chhantea te inah a riak leh.


21st. Monday: Huanah hmarcha ka va phun. Atei Aizawl a kal a, Chhantea te inah a riak leh bawk.


22nd. Tuesday: Loah thlai chinchang ngaihvenin ka va feh a, thlam luhka ka siam bawk. Atei chu a haw leh ta. 12/4. YMA chanchinbu a lo thleng.


23rd. Wednesday: Loah nimin lama ka hna ka va chhunzawm.


24th. Thursday: Diktea te inah leivyng paihin ka inhlawh. Zanah ka inkhawm. Rs 10/- thawh ve in thawhlawm zawng zawng hhi Rs 470/- a ni. Veizawng sawi leh tawngtai a hun hman a ni a, a pahnih hian apa a ding ve ve. Inkhawm banah Bawngkawn Shalom veng ten min rawn tlawh tur chungchang sawiin inkhawm zawng zawng, mi 18 kan thu hnufual. Chhunah Maawmi SHG thilah SR room ah an meeting a, nikum lama kan pawisa kkawl zinga an pawl pawisa bo chungchang sawiin RS 10000/- chu rul turin leh a dang Rs 2500/- chu pawlin rulhsak an rel. Ka lawm viau rualin Rs 10000/- pawh chu rulh huphurhawm kan ti hle. Changinbu enkawltute tana Mizotawng zirhona Aizawl a neihah joint editor zinga Sawmtluanga a kal. Nikum lama ka kal vangin leh hetiang lama ka kal hnem tawh avanga pha ka ni.


25th. Friday: Diktea te in saknaah ka inhlawh leh. Bial inkhawmpui kan kohhran in kan dawng a, zanah ka inkhawm. Thian ten an lo buaipui theuh avang leh pack ka neihloh avang te in chanchinbu chhutna-ah ka kal lo. Lalthasanga (27), Lalrampari fapa Arpu chu an chenna inah lungphuchawl in a boral.


26th. Saturday: Chawhma ah thlan ka lai a, chawhmuah huanah thlam vel tifelin kan va feh. Zanah ka inkhawm.


27th. Sunday: Chawhma, chawhnu (bialtu pastor, Rev. H. Lalzuiliana chuan Lalpa zanriah sakramen a theh) leh zanah te ka inkhawm. Chawhnu leh zanah hian Maawmi a inkhawm lo. Inkhawmpui chhunga ka inkhawm kim theih avangin ka lawm hle.


28th. Monday: Huanah hmarcha ka va phun. Atea hnenah eShram  ka ti. Hei hi accidental insurance a ni.


29th. Tuesday: Huanah hmarcha ka va phun leh. Zanah conference hall-ah YMA kan committee. Maawmin eSharm a ti ve leh.


30th. Wednesday: Huanah mai hmun ka va thlo.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more