Skip to main content

THENAWM THA

  

Kannu chu fon a biain Italy atanga ka kual tur thu leh ni thum hnua thlen theih ka in beisei thu ka sawi. Hetih lai hian kannu chhung te an thih avangin khawdangah kal turin an in buatsaih ve mek bawk. Ka thlen hmaa thlen leh hman an in beisei a ni. 


Italy khawpui pakhat, Milan ka thlenga, ka chuanna thlawhtheihna chu a tlai deuh avangin ka kal lehna tur (connecting flight) ka nang lo tlat mai. PCO atanga kannu biak ka tum lahin motor a tlan mek an lo ni nen, 'hello, hello' tih vel bak in tawng kan in hre thei tlat lo. Delhi a ka thianpa pakhat lah ka be tlang thei bawk si lo. A ni hi social media a a ka luh tamna tak, misual.com lam atanga thiana ka neih tak a ni. A hnu a ka hriat leh danin fon ri kha chu a hre naa class a lak lai anih avangin a la theilo a lo ni. 


Computer an dah atang chuan a ni chu biak dan a awm lo maw? tiin a thil post-ah chuan off topic in ka chanchin hrilhin kannu ka biak theihloh thu leh India ramchhunga thlawh na man a cut tawh chu cancel tura hrilh turin ka ti ta tawp mai. Dik tak chuan cancel em em chu ka duh lemlo. Pospond ringawt turin ka duh. Mahse, ral atang chuan duh ang diak diaka thil demand a rem silo. Ka cancel tir ta tawp mai a ni.


Ka thianpa hi a hma daihin ka chanchin ka hrilh tawh a, tunhma lama Kolkata airport hotel a ka lo riah tawh avangin Delhi airport a riahna tur a awm ve leh awm ve loh thu ka zawt a, Delhi kal ve ta lema an ina innghah loh chu a lo remti hauhlo mai. A address te pawh min pe in fonah ka ziak thlap kha a ni a.


Ka thiana hian ka comment kha a hmu nge pawh ka hrelo. Ka tan tihngaihna a awm miau loh avangin a nih nih ni teh se tih mai lo chu tihngaihna a awmlo. Darkar 24 hnu a ka thlawhchhuaha an in ka thlen hnu chuan ka thil comment a hmuh thu ka hre chiah a ni. Ka beisei ang ngeiin kannu pawh a lo be ngei e.


Hetih lai hian kannu pawhin hna a lo thawk ve ngei e. Kan thenawm rawlthar chu a ka thlawhna tura ticket a lo lakna lehkha la chhuaka, phone no inziak hrilh turin a ngen a. Kawng kalha chabi a ken daih avangin khawng thlaa tala dang hmang leh mai turin a ti bawk. Thenawm pa chetna chu thenawm lehlama nu pahnihin lo hmuin in neitu kan zin vek laia tala dang lo inkhai ta chu ngaih thaloin an lo vaw thla ve lehchhawng a, tala dang an lo khai ve leh!


Khi thu khi kum 12 zet liamta a Israel atanga Sihphir ka panna kawnga ka talbuai dan chungchang a ni a, a champha a lo thlen leh takah hian thenawmte lo hlut zia min hriatchhuah tir nasa khawp mai. Upa in 'Thenawmte do ai chuan khaw sarih do a thlanawm zawk' an lo ti pawh hian thenawm tha hlut zia a tarlang chiang viau in ka hria.


Tumhnih ngawt kan insawn leh tak hnu thleng hian kan thenawm te nen khan kan la inpawh viau a, kan thenawm thar te pawh an fel viau in ka hria. Engtin tak min ngai ve ang maw.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more