Skip to main content

STATE DAY OF PRAYER HMANG

 


Tunkar Ningani (February ni 20) kha Mizoram State din champhaphak vawi 38-na a ni a, Mizoram pumah ram tana a huho a tawngtai ‘State Day of Prayer’ hun atana hman a ni.

A hmanna pui ber Aizawl Lamual-ah chuan ‘I ram lo thleng rawh se’ tih hmangin tawngtai beihpui thlak a ni. Tin, kohhran hrang hrang atangin zaipawl sang chuang in hla an rem a, he hunah hian Sihphir Pastor bial zaipawl te pawh an tel ve nghe nghe.

He hun hi Sihphirah pawh hman ve a ni a, Rohrenga Hall, Kawnvengah he hun hi hman a niin mi 200 velin ṭawngṭaiin Pathian an au a ni. He hun hi Pu R Lalremruata VCP, Sihphir chuan a kaihruaia, Pu H Vanlalruata, Vice President Sihphir VC chuan tawngtai thupui chhiar chhuakin thuchah tawi a sawi bawk.

Pu H Vanlalruata chuan, thusawiin "Ram ro relnaah Pathian ram a thlen dawn chuan a dawhthleng lam pawh kan inenfiah a ngai a, ram hruaitute laka duh fir viau siin keimahni lamah tih hreh kan neih leh si loh chuan kan ram leh khawtlang hi a dam dawn chuang lo a ni. Ram rorelna ah chauh ni lo, khawtlang rorelnaah, chhungkaw rorelnaah Pathian ram a thlen a ngai a. Tuten nge khawtlang leh ram sum eiru kan tih chuan ruih hlo ngai te anni lo, a fawng vuantute zel anni. A fawng vuantute zingah kan chhungte an tel a nih pawhin Pathian ṭih leh zual turin i fuih ang u. Mizoram in State kan nih vawi 38 naah hian rilru thar pu chungin ram hruaitute, khawtlang hruaitute tana ṭawngṭai pui ṭhin turin kal khawm mipuite ka sawm a che u", a ti. Sihphir Branch YMA President, Tv Zohmingliana Hnamte pawhin thusawiin, "Chhungkaw rorelna fel lo hian khawtlang leh ram a tichhia a, chhungkaw pa berin fate a hauh ngai loh chuan a lo seilen hun atan khawtlang tana hnawksak turin a enkawl sei lian a ni. Chhungkua aṭanga bul ṭan ṭhat leh kan ngai tak zet a, kan khawtlangah pawh ruihhlo ngai an tam, natna ṭha lo vei pawh an tam. Heng zawng zawngte hi vawi leh khata rem duak thei a ni tawh lova, tawngtaina kan bei ang a, kan khawtlang dam lohna hi a dam leh ngei ang", a ti.

Pi Vanlalpari, President MHIP pawhin thusawiin, "Ram leh khawtlang tana tawngtai rualna hun tha khawtlang hruaituten an siam hi a lawmawm tak zet a, kan Pathian pawhin kan tawngtaina te min chhan sak ngei ka ring. Hetiang hun tha hi khawtlang hruaituten ruahmanna nei thin se ka duh hle a ni", a ti bawk.

Hun hlimawm taka hman a nih hnuin dar 12:30 velah khamlo takin an tin a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more