1st. Wednesday : January ni 26-a Republic Day
lawmna pui ber New Delhi-a neih
turah Mizo hnam lam Sarlamkai,
Solakia leh Cheraw entir turin Sihphir thalai panga te chuan Mizoram an chhuahsan.
2nd. Thursday : Pu Thangliana, Dinthar vengte vai (bawngpu), Suresh
Bahadur, accident avanga damdawi ina awm
mek chu doctor te thurawn angin in lam a enkawl turin damdawi in atangin a rawn chhuak.
3rd. Friday : Pu Tc Lalrindika, Kawnveng te inhmun tur, Upper Dinthar veng a mi chu JCB hmanga laih tan a ni.
4th. Saturday : Pu Suresh Bahadur, kum 55, Pu K. Thangliana, Sihphir Dinthar Veng te bawngpu chu a pu, Pu K.Thangliana inah kar kalta a a accident na hliam tuarlo in a boral. Hun hmasa lam atanga khaw hmun nghet ni lo hnamdang thi te YMA leh khawtlangin a lo kalpui tawh thin angin vui liam nghal a ni.
5th. Sunday : Kum 2025 Sihphir branch YMA hruaitu tur chu YMA hall-ah thlan a ni. Inthlan hi adviser, Pu Lalrinzuala, RO chuan a kaihruai. He hunah hian kum hmasa lama hruaitu te bawk thlan chhuah leh vek an ni.
6th. Monday : PYD te chuan zan inkhawmah hruaitu tur an thlang.
7th. Tuesday : Sihphir nula leh tlangval te lehkhabu buatsaih, 'TreeInventory and Carbon Storage, Assam Rifle Campus,
Aizawl, Mizoram' tih chu Nl. Lalchhuanmawii, Arpu chuan
YMA Library a dah turin a pe.
8th. Wednesday:
Pi Zatangi, kum 98, Pu Lalramthanga farnu, Damveng chu an chenna Inah 'Awmlai'-in a boral.
9th. Thursday:
Sihphir khua a Self Help Group hrang
hrang te chuan Rohrenga Hall,
Kawnvengah Gram Sabha an nei.
10th. Friday:
Sihphir Branch YMA hnuaia Chanchinbu
(Sawiremtlang) enkawltu Editorial Board member mi 7 (member pakhat
harsatna vangin a kal thei lo.)te chuan kum 2024 a an sulhnu leh sum chetvel danthlirho pahin committee an nei a, harsatna leh buaina em
em awm lova chanchinbu an chhuah kim theih avangin
an lawm hle. Tlaiah chawhlui an kilho nghal.
11th. Saturday: Reuben Lalmalsawma, kum 37 H/o Sailopari, Biak In Veng chu an chenna inah 'Pumna' avangin a boral. An inluah a zim deuh avangin a nupui te Inpui, Pu Ngurdawla Inah a ruang hi dah a ni.
12th. Sunday: Presbyterian Kohhran chuan
Mizoram chhung leh pawn hmun
hrang hrangah Pastor leh Pro. Pastorthar tur bakah bial dang atangainsawnte induction service hun anhmang hlawm. Heng zingah hian
Arpu tlangval, Pro Pastor R.
Vanhmingmawia pawh telin, Zawlpuikohhran biakinah Rev. Michael
Lalchhuanawma, Lunglei bialtu a
chuan a la lut.
13th. Monday: Lalthianghlima, kum 89 w/o Rualchhingi, Tlang Veng ch 'Thawhah' avangin Greenwood Hospital, Aizawlah a boral.
14th. Tuesday :
Sihphir leh Kawnpui inkar kawng khar chungchangah Aizawl SP chuan thuchhuah a siam. A thuchhuah a a lan dan chuan an
siam zawh hma chu dar 9 am - dar 4 pmthleng khar thin tur a ni. He thupek hian chhiatrupna thil, kangmei leh emergency kaihhnawih a duty, dan leh thupek pawimawh bik a Police leh Magistrate duty te chet velna a huam lo thung ang.
15th. Wednesday : Sihphir Pastor Bial Kohhran Hmeichhia te chu Sihphir Venglai KohhranBiak Inah khaw hlan in an tawngtai.
16th. Thursday : Central YMA Science &
Environments sub-committee meeting chu Central YMA
committee room (Tuikhuahtlang) ah neih a ni a, Sihphir Branch aiawhin Pu T. Lalremruata a tel.
17th. Friday : VCP,
Pu Lalnelawma chuan ZPM a zawm. Pu Lalnelawma hi Aizawl East - I MLA, Minister ni bawk Pu Lalthansanga chuan lawm lut a ni. Minister hi bial chhung Unit leh Block hruaitute bakah, Gen.Hqrs atangin General Secretary pakhat bakah Pu Isak
Malsawma, Adviser ten an tawiawm a ni.
18th. Saturday : YMA chu conference hall-ah kumthar duangin an committee. He hunah hian President leh Assistant Secretary ten an nihna chhungkaw thil avanga an phat avangin President atan Secretary ni lai, Tv Zomingliana Hnamte thlan a ni a, Secretary atan Tv C. Lalremsanga leh Asst. Secy. atan Pu Vansangliana te thlan an ni.
19th. Sunday : VCP ni lai, Pu Lalnelawma chuan ZPM party a zawm tak avangin VCP atan Vice President ni lai, Pu Thanglianchhunga chu thlan a ni a, Vice President atan Pu H. Lalnghinglova thlan a ni bawk.
20th. Monday : Golden card chu Rohranga hall-ah a thlawna siam a ni.
21st. Tuesday : YMA emercy meeting chu Conference hall-ah neih a ni a, he hunah hian kumthar duan an neih ni a hmalakna tur chhawpchhuah hmanhmawhthlak zualte thir ho a niin Asst. Secy. Pu Vansangliana'n eizawnna avanga a nihna a phat avangin a aiah Pu T. Lalremruata, Taitesena section chu thlan nghal a ni.
22nd. Wednesday : Kan khawtlâng hruaitute leh PHE Department a thawk te chuan Sihphir khaw tana tui pump chhuah dan tur enin Kawrbel lui leh a chheh velah survey an nei.
23rd. Thursday : February ni 12, 2025, Nilaini a Village Council inthlan lo awm turah chuh tura hming pek luh hun hnuhnung a ni a, nomination hi file mi 27 _(General Seat -18, Reserved Seat - 9)_ an awm a. INC aṭangin mi 9, MNF aṭangin mi 9, ZPM aṭangin mi 9 ten an chuh dawn a. Independent Candidate kan awm dawn lo thung.
24th. Friday : Bial KTP Inkhawmpui, Pathianni thleng awh tur chu Sihphir kohhranah tan a ni.
25th. Saturday: National Voters’ Day a ni a. Sihphir a BLO pathum te ruahman angin Govt. Primary School -I, Sihphir Arpu Veng-ah hun hman ve a ni. Hre hunah hian India khua leh tui, democracy zawma pawm tuten Democracy nihna leh thil tum te, zalen leh ralmuang taka kan dikna chanvo, duhthlan theihna neia *Vote* thlak theihna kan nei hi humhim tur leh zawm tlat tur te. Sakhuana hawi zawng te, chi leh chi leh ṭawng hran avanga inthliarna hawi zawng leh dan pawna thil tihna laka fihlim tura *intiamna* neih a ni a, kum tling thar te hnenah Epic hlan zui nghal a ni bawk.
26th. Sunday : Tv Eddie Lalhmangaihzuala, VCM chuan Arpu atanga Tlangveng pan chhohna kawng siam tu PWD hotute chu bia in Damveng pheia culvert chung la siam mar loh chu siam tel turin a ngen. An bungraw rawn ken dan a zir a siam theih an tum thu in an lo chhang.
27th. Monday: VC term kal meka a hnuhnung ber atan sitting neih ani a, zanriah an kilho nghal.
28th. Tuesday: YMA hnuaia Media sub-committee chu Pu V. Lalthanga in, biakin vengah an thukhawm a, he hunah hian kumin chhunga chanchinbu enkawltu tur te an rel a, editor atan vice chairman, editor ni lai ni bawk, Pu Lalchhanhima Varte chu an ruata, chanchinbu kalphung tur thil pawimawh hrang hrang an rel bawk.
29th. Wednesday: YMA kumpuan Sub-committee Conference Conference hall-ah an committee a, kumin chhoa hmalakna tur hrang hrang te an ngaihtuah.
30th. Thursday: Self Help Group, VO I te chu SR&AC room-ah an committee a, he hunah hian loan chungchanga an kal dan te an thlir ho.
31st. Friday : Niza inhlawhna, January thlaa ni sawm lo chhuak chu thawh zawh a ni.
Comments
Post a Comment