Skip to main content

DECEMBER 2024, KA DIARY

 


1st. Sunday : Chawhmaah Sunday School kan kal a, keimah bik chu khawhar in thingpui lumnaaah awm nghalin chawhnu ka inkhawm zui. Chuan, zanah ka inkhawm leh bawk.


2nd. Monday : Loah kuhva hmun ka va sam.


3rd. Tuesday : Loah kuhva hmun ka va sam leh a, ka zo ta. Ka lawm hle mai.


4th. Wednesday : Ka feh lo. Zanah ka inkhawm a, Dawnga, U Rinzuala fapa leh Esi te dan chhungah an lut. Inkhawm banah branch treasurer, U Marina te inah kan section YMA te kan comtt. Member budgect kan khawn chhuah Rs 15200/- (70%) leh krismas carol na tur, Rs 5000/- te chu leader ka nih angin branch hruaitu te hnenah ka hlan nghal.


5th. Thursday : Loah panhnah hmun ka va sam.


6th. Friday : Loah panhnah hmun ka va sam leh a, ka zo. Huanah thingzai la in ka kawi. Atei a lo chho a, kawmchhakah a riak. 13/12


7th. Saturday : YMA chanchinbu, October issue ka chhiar chhuak. Zion venga kan in tui dehna vel ka va siam. Atei Aizawl a kal a, kawmchhakah a riak leh. 


8th. Sunday : Chawhmaah Sunday School kan kal a, chawhnuah ka inkhawm leh bawk. YMA chanchinbu, November issue ka chhiar chhuak. Pavalai pawl ten an member te mawza an sem ka dawng ve a, ka lawm hle.


9th. Monday : Kudam ka ti fel a, bualin chhuar ka ti te bawk. Atei Aizawl a ka;l a, kawmchhakah a riak leh.


10th. Tuesday : Thenawm Sawmzuala (Mazaia) te inneih naah ka kal. Joint receiption, kohhran hall a hman naah kal leh in zanriah ka ei nghal. Maawmi leh Atei an fatu thung. Atei kawmchhakah a riak leh. Zanah Pa Biala te inah LIDCAS kan comtt.


11th. Wednesday : Zohminga (Mazaia) te nimin lam sulhnu ka tih fel pui. Lindai te innei tur man hlan a ni a, zanriah kan ei phei. (dawrah kan inchawi lut thung) Atei a fatu a, man a ei bawk. Mami te chu an haw leh ta.


12th. Thursday : Zingkarah Lindai te an innei. Atei Aizawl a kal a, kawmchhakah a riak leh. Pangpar khawi vel na tur ka buaipui. PCa hnena ka khawl dah chu a hman loh em avangin ka la leh tawp.


13th. Friday : Loah dania hmun tur ka va siam. Atei chu a haw leh ta (6/12)


14th. Saturday : Inah eng eng emaw tiin ka awm. Bike engine oil ka thlak. (20/6) YMA chanchinbu a lo thleng.


15th. Sunday : Chawhmaah Sunday School kan kal a, chawhnuah keimaha inkhawm leh in zanah kan nupa in kan inkhawm leh bawk. YMA chanchinbu ka chhiar chhuak. Kohhran ho ten Pathian ram thawhlawm lakkhawm hun a ni a, Rs 1000/- thawh in building special-ah Rs 100/- kan thawh bawk.


16th. Monday : Loah dania kuina tur ka va vat a, hmanni a a kuina tur ka siamah ka theh nghal bawk. Loa ka awm lai hian U Atea’n min rawn phone a, kawng laih chhunzawm tura JCB nen an rawn luh thu a sawi. Ka lawm hle mai. Khawmuang rei loin ka phei vat. An enkawl chin thlen hma hret thlng ka awm.


17th. Tuesday : Lo kawng lai ka va vil. U Atea thlam zawn kan pel hret tihin ka haw. Rin aiin a sawtlo a, kan ram a thlenglo nasa dawn nia ka hriatin pawi ka ti hle.


18th. Wednesday : Lo kawng lai ka va vil leh. Zanah Pi Thangliani damlo, dawmdawi ina aw  m chin ngaihvenin an inah ka va leng.


19th. Thursday : Lo kawng lai ka va vil leh. Budject a zawh avangin kan duhtawk rih. Pa Dangloa leh Au Sawma inrina thleng kan lai a ni. Beisei angin thleng thui lo mah ila ka lawm viau tho mai. Jakob a leh Pekhlua te ka hruai ve a, huanah chhun thil kan va ei. Kan hawn in Nu Thasngliani a lo thi tawh. Ka intih fai hnuin ka va phei ve a, ruang thlen thleng awmin lumen naah ka kal leh a, dar 1:30 velah ka haw.


20th. Friday : Mitthi vuinaah kan nupa in kan kal. Vui hma deuhin Neihbawi kawng siam mek chungchangah YMA comtt. te en pui tura beisei kan nih angin ka han kal ve. Zanah khawhar in ah ka kal. Khawhar in banah kan section YMA te Dika te inah kan comtt. a, chumi hnuin chanchinbu chhutna, Sawmtluanga te inah ka kal.


21st. Saturday :  Kawnveng bazarah kan sectiion YMA ten carnival kan buatsaih.


22nd. Sunday : Chawhmaah Sunday School kan kal a, keimah bik chu chawhnu pawh inkhawm lehin zanah kan inkhawm dun leh bawk. Nakkum lama tantu list a ka tel leh tur thu an puang. Inkhawm banah YMA ten nizan (ka kallo) carol naa kan sum hmuh te kan sem kual. 


23rd. Monday : Maawmi Mabiaki te huanah a feh. An peng thleng ka va thlah. CHDa a thi a, Lalnuni (misual deuh kha) pasal chu Tlangveng khamah a lum hlum bawk. A lumna hmunah hian chin ngaihvenin ka han kal ve nghe nghe. Kan dawr thin, URema ten awngphah chu Krismas present atan min pe a, ka lawm hle.


24th. Tuesday : Chawhmaah thlan ka lai. Thlan hi laih sa pakhat awm a, ka laih zawkah hian CHDa phum a ni. Maawmi mittyhi pahnihte vuinaah hian a kal. CHDa vui naah hian a kal hmasain Arpu lamah hian a phei leh a ni. Kei zan lamah Arpuah ka ka kal thung.


25th. Wednesday : Chawhmaah kan inkhawm a, Krismas a nih angin nausen chibai buk nan Rs 50/- ve ve kan thawh. keimah bik hi chawhnuah ka inkhawm leh a, zanah Maawmi inkhawmin kei khawhar in (CHDa) ka kal thung. CHDa kha YMA a kan member pui a nih angin dekchi, citation leh Rs 12550/- in kan ral nghal. Krismas leh kumthar ruaithehnaah ka fatu dawnlo emaw ka tih hnu a whatsapp atanga ka fatu leh si dawn tih ka hriatin ka lawm hle. Ka chanpual tur chu ar leh sangha a ni.


26th. Thursday : Krismas lawmin ruai kan theh. Kei erawh ka fatu daih thung. Ka chanpual chu ar leh sangha a ni. January ni 15 ah zing tawngtai inkhawm hruaitu tur ka nih thu notice board atangin ka hria.


27th. Friday : Rophum puk, Sehlawh ram a mi chu LIDCAS angin kan zu luh chhuak. Zanah chanchinbu Sawmtluanga te inah kan chhu a, hemi chungchang hi heasding atan ka dah nghsal. Zing ka kaltur ka chhuak chiah khan inbula U Zira te inrelah scooty a rawn tlan liam a, a nat deuh acvangin damdawi in kalpui nghal a ni. A thi mai dawn emaw kan tih avangin chhungte a nei bawk silo nen phum nghal theih turin YMA comtt. bakah tlangval tlawmngai, kan thawm hria thenkhat te nen thlan kan lai.


28th. Saturday : JCa lu ka meh tir a, ka dum tir nghal. (25/10) Tlaiah Jakoba leh Pekhlua te nern Neihbawiah chanchinbu sem tur kan dah a, Melsawmkham tlangah kan leng nghal. Kristian Tlangau a lo thleng.


29th. Sunday : Chawhmaah Sunday School kan kal a, (kaikim lawmman mi 153 hnenah sem a ni a, an zingah hian Maawmi pawh a tel. Vawikhat kal lo lawmman mi 56 hnenah sem ani bawk. Chuan, nakkuma buhfaitham sem turah Maawmi a tel leh tur thu an puang bawk) zanah kan inkhawm leh bawk. Chjawhnuah Jakoba leh Tuaia nen Sakawrhmuituai tlangah leh Melsdawmkham tlangah te kan leng. Jakoba’n zanriah a rawn ei.


30th. Monday : Inah ka awm.


31st. Tuesday : Dawr kan tih tawp dawn avangin nilengin kan buai. Bungrua te in lamah kan sawn thla. Tlaiah Au Zomawii te in atangin ni tla ka va thlah. Zanah kan inkhawm. Kal ta te sun a ni a, member 14 sun an ni. Dawnga, Pu Zokunga fapa a thi. Kumin chhunga ka hun tawng chhinchhiatlak zual te : Kan huan zau ten an p.patta hlawm laiin ka thil hriat chian loh avangin ka ti ve ta lo. A hnu pawha a theih chu ka ti chuanglo. Bung taka min chhang tu, surveyor, U Dara ka ngei hle. Dilna thar erawh ka thehlut leh tho. Kan pawisa, Rs 30000/0 vel chu save atangin a bo. Kum 11 zet dawr atana kan luah tawh chu Nu Tlani sual em avangin min chhuah tir. A that zawk erawh kan beisei. Ni Vari leh U Ramtei te an thi. U Ramtei te hi an inthen tawh thung. Kan lo kawng chu Pa Dangloa huan thlengin laih a ni ta. Ka lawm hle. Maawmin zunthlum a vei.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more