Skip to main content

NOVEMBER 2024, KA DIARY

 


1st. Friday : Chawhma dar sawmah kan hna te kan zo a, ka lawm hle. Khaw chhunga riah chhoh tumin thlenna tur pawh kan tih fel vek tawh hnuin hawnna tur, Vaiu thirchhe phur kan hmu hlauh a, chu chuan Lungdai thleng kalin reksaw in min rawn hruai a ni.


2nd. Saturday : Maawmi zing tawngtai inkhawmah a kal. Zingkarah U Mazuala te inah va kalin report ka va pe. Kar hmasa khan chema ka thawh tak avang khan ni khata Rs 500/- angin Rs 1500/- ka dawng a, petrol min lo laksakna man nen a inrul tawk chiah thung. Chuan, ka hlawh pangngai tur, Rs 7000/- tur chu ka thawhna hmasa te a Rs 1300/- ka la thin tih a lo hriat avangin Rs 1400/- niloin Rs 1300/- in Rs 6500/- ka la leh si. Ka lawm viau tho e. Aringa hnenah power bank thar chu thlengin a dang Rs 3000/- man chi MaH 20000 tho chu ka la ta zawk. Chungtea fon chu Lalbeiseia hnenah dah a ni a, siam manah Rs 2000/- a ngai dawn a ni.


3rd. Sunday : Zingkarah Pi Hualziki, Tamlo veng chu thawhah avasngin a thi. Kal chho ve nghalin, tul hrang hrang te ka en fel pui hnuin ka haw a, vuina hunah ka kal leh. Maawmi Sunday School a kal thung. Chuan, kei zanah ka inkhawm thung. Pa Siama, Durtlang nen a huan sam chungchangah Rs 8000/- hlawh turin kan inrem. Maawmi zing tawngtai inkhawmah a kal. Manuna, Biakin veng chu Shillong-ah internal bleeding avangin a thi.


4th. Monday : Zing tawngtai inkhawmah kan kal./ Lungtatpar huan sam turin ka zuk kal a, Thawh hma in khawl a chhiat nghal avangin engmah ka thawk theilo. Tlai dar nga velah Manuna ruang a lo thleng a, ruang vthlen atanga darkar hnih a vui tur tih a nih angin vuina hunah ka va tel ve. 


5th. Tuesday : Aizawlah khawl thar leiin ka zu kal. A tak chauh chu Rs 5500/- in ka lei a ni. Zanah khawhar in (Pi Hualziki) ah ka kal. Khawhar in banah FS, Dawngtea te inah kan section YMA OB te kan comtt. Zing tawngtai inkhawmah ka kal. ‘Ka zak ve phak’ tih thupui a hmangin tunhnaia Vengthar football match fixing chungchangah an veng chanchinbu a chhuah turin article ka ziak tan. 8/11


6th. Wednesday : Lungtatpar ramah chuan ka zu thawk tan ta. Kan dawr luyah lai chu kumthar atang chuan a rem tawh dawnlo tih ka hriatin pawi ka ti hle. 


7th. Thursday : Zing tawngtai inkhawmah ka kal. Lungtatpar ramah ka thawk thla leh. Pu C. Lalrinthanga, Vengthar, Au Sawma te iskut zamna ka siam pui thin chu a thi,


8th. Friday : Zing tawngtai inkhawmah ka kal a, ka hruai. Lungtatpar ramah ka thawk thla leh. ‘Ka zak ve phak’ tih article chu ziak zoin an chanchinbu enkawltute hnenah ka thawn phei. (5/11) An chhuah duh angem phei chu ka hre law. Hetih lai hian ka article ziah lai ‘Kum 12 zet a liam ta’ tih erawh ka la zo fel lo thung.


9th. Saturday : Nimin lama mit ka tih nat avangin engmah ka thawk lo.


10th. Sunday : Chawhmmah Sunday School kan kal. Zirlai hi nizan atanga crusade kan neih speaker, Upa C. Lalchulloa’n a khai khawm a ni. Chawhnu leh zanah (chawhnu hian Maawmi a inkhawmlo) Kan inkhawm leh bawk. Zan inkhawmah hian Biuble society certicate panga sem a ni. Kan crusade a rawngbawltu te hi Gospel Logos Team an ni a, kum 2012 a kan rawih tawh te kha an ni. Tlasiah kan section YMA OB te member budgect khawn chungchangah bial vawngtute tlawhkualin kan chhuak a, hemi pah hian kan comtt. member, Arema te pafa damdawi in atanga lo chhuak te chu Rs 3000/- in kan kan nghal. 


11th. Monday : Lungtatpar ramah ka thawk thla leh. Huan chhung chu zoin kawng ka la bak. Huan neitu pa nen kan inbia a, kawng chauh ka bak tawh avangin a chhaka a nau te huan chu khawi chho a, Rs 1000/- hawh belh turin kan inrem. Zanah ka inkhawm. Kan lo kawng chu VC sum hmanga Vailokawn thlenga laih a ni tih ka hriatin ka lawm hle a, chutih rualin secretary ka ni ve chunga hrilh ka nilo erawh OB pui te chungah ka lawm vaklo thung.


12th. Tuesday : Lungtatpar ramah ka thawk thla leh a, Pa Siama huan leh a nau te huan chu ka zo fel. Israel rama Zohminga fapa upa zawk, a sipai naa ral kut tuara nimina a thi tih ka hriatin pawi ka ti hle.


13th. Wednesday : Loah kac va feh a, nimbu hmun ka sam. Vailokawn thlenga bike a luh theiuh tak avangin ka lawm hle. Maawmi ten Bilkhawthlir sangha an zuar. Mahlani nen.


14th. Thursday : Loah nimbu hmun ka va sam.


15th. Friday : Kolasibah Au Thuasmtei fa upa ber nupui neihnaah ka zuk kal ve. Au motor in amah bakah Rebeki nen kan kal a ni. Pari nen kan inhmu a, a pa leh a u an thih tawh thu ka hriatin pawi ka ti hle, A lo haw leh tawh a, fa pahnih a nei leh nghe nghje.


16th. Saturday :Ka khawl pakhat chu PC-a hnenah ka dah phei leh. Hmannia ka dah kha a la siam hmanlo thung. Zanah ka inkhawma, inkhawm banah YMA duty naah ka kal.


17th. Sunday : Chawhmah Sunday School kan kal. Speaker in zirlai a khaikhawm. Banah U Ramtei, Au Rina nupui then tak a thih thu ka heriatin pawi ka ti hle. Au Sawma te motorin kan nupain kan va kal ve a, Puanin kan khuh ve nghe nghe. Zanah ka inkhawma, kohhran zaipawl an zai. Crusade chu a zo ta. NMaktuk zing tawngtai inkhawmah apa chu hruaitu tur a nih thu an puang.


18th. Monday : Loah ser hmun ka va sam.


19th. Tuesday : Loah ser hmun ka sam leh. Tlaiah U Rina fasnu Zualtei man hlannahah kan kal. Maawmi hian nu man a ei ve a ni. Zanriah kan ei nghal. Rs 5400/- kan pe ve.


20th. Wednesday : Loah ser hmun ka va sam leh.


21st. Thursday : Huanah danioa tel 39 leh antam tel hnih ka va la. Zualtei te chu an innei ta. Vengchhak lama engkim kalpui a nih avangin kan kal ve ta lo.


22nd. Friday : Loah thlasi hmun ka va sasm.


23rd. Saturday : Tul neuh neuh avangin hna ka thawklo. YMA chanchinbu a lo thleng.


24th. Sunday : Chawhmaah Sunday School kan kal. ATC atangin zirlai 8 ten min rawn tlawh a, tan tu, thawhlawm hlantu, zirtirtu (khaikhawm), damlo/SS pual tawngtai hun te an hmang a, anni hian chawhnu hun pawh an hmang a ni. Chhunah Au te inah Nilaini a apa kum 70 tlinna lawm dan tur vel relin kan unau thumin kan inhmukhawm. Chawhnu ka inkhawm loh phash. Maawmi a inkhawm thung. Tichuan, zanah kan inkhawm leh a, inkhawm banah Nu Zakhumi, Chhasnhim veng damlo kan va kan. 


25th. Monday : Loah nimbu hmun ka va sam.


26th. Tuesday : Loah nimbu hmun ka va sam. Pi Kutdengi tunu, Ruati fapa chu hlamzuihin a thi.


27th. Wednesday : A pa pian champha 70 na a ni a, inpuiah kan lawm a, chairman-ah ka tang. Ruai kan theh nghal. Zing tawngtai inkhawmah ka kal.


28th. Thursday : Loah kuhva hmun ka va sam.


29th. Friday : Kohhran hmeichhe ni a ni a, Maawmi chu chawhnu lamah va tel ve in an group zaipawlah a tel ve a, chaw a ei nghal. Keiin dawr ka lo nghak thung. Chawhnu hjerah Pu Buaia a thi a, kawmchhak U TPa te inah a ruang dah a ni. Ruang thlen hnu in va phei vein zanah Mesty-a te inah chanchinbu kan buaipui hnuin ka kal leh a, dar 1:30 velah ka haw.


30th. Saturday : Chawhmaah miotthi vuinaah ka kal a, zan tyhaslasi hunah ka kal leh bawk. He hunah hian Au chuan sawm lohin thu a sawi ve!

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more