Lalchhanhima Varte

  1st. Sunday : Tualchhung kohhran hrang hrang te chuan beihrual inkhawm an tan. Beihrual thla hian zantin inkhawm a awm thin a ni. 2nd. Monday :  KṬP Sihphir Vênglai Branch te chuan CKṬP thuchhuak bawhzuiin PES Sihphir Vênglai zirlaite hnênah ruihhlo ṭhatloh zia inzirtirna hun an hmang. 3rd. Tuesday : Synod Camping Center-ah Synod Revival Department ruahman angin chhandamna camping neih tan a ni a, he hunah hian speaker chu C. Laltlanthanga, Agape Gospel Rhema team a ni. Camping-ah hian mi za bawr vel lutin Sihphir atang pawhin mi engemawzat an lut. 4th. Wednesday : Primary School II chuan MRB aṭangin Water Cooler an dawnga,     zirtirtu te an lawm hle. 5th. Thursday :  Ramchhung hmung dang rualin hmun hrang hrangah Zirtirtute Ni, (Teachers Day)  chu zirna in hrang hrang ten hlim takin an hmang a, zirlaiten zirtirtute chawimawina thilpek pe in hemi pual hian hmun hrang hrangah hun hman a ni. 6th. Friday : Sihphir khua in hmeichhe lengzem artist kan ne...

  1st. Sunday : Vaivakawn Zohnuaia Sangthanmawia building, chhawng 7 a sang chu a chim. Vanneihthlak takin in chim avanga thi leh hliam an awmlo hlauh. Khawtlang hruaitute tarlan danin, kum 2017 vel atanga in hi che tan tawh niin tum engemaw zah khawtlang leh Sawrkara thuneitute pawhin an endik tawh a. Aizawl District Disaster Management Authority chuan August ni 29, 2024 khan khawtlang him zawk nan thiat tura thupek a lo chhuah tawh nghe nghe. 2nd. Monday : Shillong-ah North Eastern & Eastern States/Union Territories Tourism Ministers Conference neih a ni a, he hunah hian  Mizoram Tourism Minister, Pi Lalrinpuii pawh a tel ve. He Conference hi Union Minister for Culture & Tourism Pu Gajendra Singh Sekhawat leh Union Minister of State for Tourism Pu Suresh Gopi te kaihhruainain Vivanta, Shillong, Meghalaya-ah hman a ni.   3rd. Tuesday : A kaptu hriat loh silaimu in, Rothiangi (73) w/o R. Lalengliana (L) Mission Vengthlang chu a banah a fuh a, tu kah nge tih K...

  Kar hmasa khan 'Vawk thi sawngbawl dan' tih hmangin faina kawnga kan la hniam zia ti lang tura kan ran thi paih duhdan changkang lo zet chungchang kan sawi a nih kha. Ni e, vawk thi paihtu te kha an an demawm takzet a, mi thenkhatin misual chhuah a kan chhuah te pawh kha a awmlo hran awmlo e. Kha mite khan eng rilru pu a khatiang thil ti mai nge tih kan hrelo a, ti lo theilo dinmuna an din avang pawh a ni mahna.  Engpawhnise, khatiang hmuna an paih mai kha a vel (environment) fai tawkloh vang ni in a lang. Millennium center tualah khuan eng anga che thianghlim lo pawhin chil chhakin emaw bawlhhlawh an paih duh a rinawm lo a, chutiang bawkin khawilai thingtlang emaw ramhnuaiah emaw chuan hnam fai tak a lang pawhin  hnawm an paih ve fo tho mai bawk. Faina kawngah chuan rilru puthmang (moral) hi pawimawh bera ngai an awm fo. Mahse, kan moral ai mah chuan environment hi a pawimawh zawk in a hriat. Chuvangin, kan in leh a vel vawng fai ila, tichuan, bawlhhlawh paih kawngah p...

  1. Lalsangzuala (Tunga) kum 16, s/o VL Chhuangi, Arpu. February ni 22  2. Lalhliri, kum 76, w/o Zairema, Chhanhim veng, February ni 20 3. Khelthangpuii, kum 83, w/o Luaia, Tlangveng. March ni 26 4. Parkunga, kum 59 s/o Liantiala, Theihaingaw. May ni 7  5. Chhungtei, kum 100, c/o Kawlkunga, Dinthar veng. May ni 8 6. Lalhmingliana, kum 52, f/o JS Thara, Tlangveng July ni 28 7 Lalngengi, kum 65, w/o Lalnaa, Arpu. August ni 2 8. Tv Zonunsanga kum 23, s/o Chalchhunga, Dinthar veng. August ni 24 9. Engtluanga, kum 79, f/o Sangneihkima, Tlangveng. September ni 3 10. Tv Lalhmachhuana, kum 31, s/o Lalnaa, Arpu, Arpu. November ni 3 11. Biakliani, kum 61, w/o Lalchungnunga, Dinthar veng. December ni 5 12. Zairema, kum 70 w/o Lalhliri, Chhanhim veng. December ni 6 13. Kaptawna, kum 68, H/o Lalnghaki, Arpu. December ni 31

  (Sawiremtlang editorial) Kumin kumtir lam atang khan vawk hrilengin nasa takin min ti buai a, chhungkaw tam tak chu min rawk ni mai in a lang. Tunah tak chuan thi hi la awm ve bawk mah se a vanglai a pel chho tawh niin a lang a, a lawmawm takzet a, reh hmak tawh se kan ti tlang hle in a rinawm. Kar hmasa khan thu thin thawng tak mai kan dawng a,  Multipurpose hall chhakah vawk thi ruang hmuh a ni a, a zialo khawp mai. Thla liamta mai khan Sarepkawnah paih a niin Neihbawi Agriculture peng bula culvert-ah paih a lo ni tawh bawk. Kan khawtlang hruaitu ten vawk thlanmual an siam a, chutah chuan man chawi ngailo in inphum theih reng a ni.  Mi huanah kan in vulh te a nih ngawtloh chuan Neihbawi han pan remchang lo tan pawh kawmthlangah inphum theih mai a nih hlawm a rinawm. Hetianga vantlang hmun lutuka kan paih mai hian khawtlang hmel a ti bal takzet a, thil tenawm leh rimchhia a nih mai piah lamah hri hian min la kiansan chiah loh bawk si avangin hri pawh hi a rawn arh phah...

Kan hriat theuh angin nizan khan Etihad stadium-ah kan leng lut a ni a, champion lai an nih piah lamah an squad a chhah in keini hliam kan ngah lai tak a lo ni nen, chak tuma leng lut mah ni ila, kan beisei a sang vaklo niin a lang. Inkhel tan atanga reilo te-ah (chu chu minute kua tihna) city palian, Haaland chuan goal a thun ta mai reng a nih kha. Khata tang phei kha chuan kan zam takzet tawh. Beisei phak bakin kan sut leh mial a nih kha. Bench luah lum tura kan ngaih, Calafiori in kawh lutuk tak maia a'n khung zet mai kha chuan min va lam tir nasa tak em. Beisei loh tak maia kan sut kan lawm tawh nak a laiin goal kan khung leh ta mai!  Kan khung na tura Gabriel tumruh lutuk kha a va hmuhnawm em.  Red card kan hmuh chungchangah Trossard chet dan kha ka dem lo a, refree thutlukna kha lungawi lo teh mah ila, ka dem lemlo bawk. Mahse, bei a va ti dawng tak em. Arteta pawi ti lutuk kha ka khawngaih zawk. Second half-ah nasa taka min nawr chung khan kan tang tluan thei dawn emaw ...

  (Sawiremtlang editorial) Chanchinbu ti ngaihnawm leh a hlutna hriat theih dan tha ber chu editorial hi niin an sawi thin. A dik viau pawhin a rinawm. Kan chanchinbu a editorial te hi editor kutchhuak a tam ber rualin board member ten a remchan dan anga ziah thin a ni bawk a, heading leh tunlai thil thleng mila ziah thin a nih bakah chhuak hmasa zulzuia ziah chhunzawm chang a awm bawk. Tha pangngai ve tak ziah chang a awm rualin mimal thil emaw kohhran leh politic rawng kai lek leka ziah trum a awm bawk. Hei hian YMA chu mitin huap a nih zia a tarlang a tih theih awm e.  Thu han khak sual chang a awm fo a, chutiang nikhuaa chhiartute hnen atanga indeu mai loa fuihna kan dawng thin te hi kan lawm em em a, kan chanchinbu min hlutsaka kan tlinlohna a awm pawha min zilhhau hrehlo turin kan ngen a che u. Keini lam pawhin theihtawp chhuah zel kan lo tum ang.

  (Sawiremtlang editorial) Kar hmasa khan editorial chungchangah  chanchinbu ti ngaihnawm leh a hlutna hriat theih dan tha ber chu editorial hi ni a an  sawi thin thu sawiin theihtawp chhuah zel kan tum tur thu te kan sawi a nih kha.   Kan chanchinbu hi YMA ta a nih rualin khaw pum chanchinbu a tih theih ang chu. Chuvangin, a hlu in a bengvarthlak viau thin a, kum 30 chuanga upa ni ve tawhin media committee kuta awm a ni. Anni hian a enkawl tur an ruat chhuak leh thin a ni. YMA chanchinbu enkawltu te hi eizawnna atana thawk kan ni lo a, hei vang hian thuchhuah tur lakkhawm thu-ah buaithlak chang a tam hle. Chhuah awm tak chhuah loh chang kan nei fo tih pawh kan inhria. Hei hi board member te hian a thleng tih kan hriat lemloh thil a thlen ve fo vang pawh a ni ang chu. Chuvangin, thuchhuah tur hria chuan board member te hnenah hriattir thin nise kan lawm ngawt ang. Chubakah, thil thleng tur hriatlawk theih chi awm thu-ah pawh lo in hrilh lawk theih ni phei se chu...

  Ramchhung hmung dang rualin Ningani khan Mizoram pumah Zirtirtute Ni, (Teachers Day)  lawm a ni. School Education Minister, Dr Vanlalthlana chuan Zirtirtute Ni,  pual hian ramchhunga zirtirtu zawng zawngte chibai a buk a, a hna chu sawrkarin a ngai pawimawh tih sawiin 'nunkawng dik zirtirna hna ropui tak a ni' a ti a, 'zirtirtu hna chu nakina ram hruaitu la ni tur leh eizawnna kawng zawh thei tura zirlai naupangte kawng kawhhmuha, nunkawng dika kaihhruai a ni' a ti bawk.         Teacher’s Day hi  Mizoram puma zirna in hrang hrang ten hlim takin an hmang a, zirlaiten zirtirtute chawimawina thilpek pe in hemi pual hian hmun hrang hrangah hun hman a ni. He ni hi Sihphira school hrang hrang te pawhin hmangin kohhran school pahnih (PES) Venglai leh Sihphir te chuan an kohhran hall-ah ve ve an hmang a, school tam zawkin mahni hmuna an hman laiin Higher Secondary chuan YMA hall-ah hmangin Little Buds chuan Venghlun YMA Hall-ah an hmang thung....

  (Sawiremtlang editorial) Mi pangngai eng pawlah emaw tal in hmang lo chu kan awm kher awmlo e. Kohhrana inhmang tak kan awma, khawtlanga (YMA adt.) inhmang tak tak pawh kan tam ang. A pahniha inhmang kawp erawh kan tam lemlo maithei. A chhan chu kan eizawnna in a tuar thei tlat. Tlem lai deuh khan kohhran thalai pawl thenkhata hruaitu te chuan an member te YMA a inhmang lutuk lo turin an ti! Hei hi a chhan chu an rawngbawlna in a tawrh an hlauh vang a ni a, an thlirna tlang atang chuan a awm viau mai. Tunkar Ningani kha Teacher's Day a ni a, he ni pual hian zirtirtu tha te chu India president in a chawimawi thin a, thilpek hlu tak tak a hlan thin. Tun tum day-ah hian Pu Joseph Vanlalhruaia Sailo, Tuithiang, Lecturer Synod Higher Secondary School chu National Award To Teachers' 2024 chu Vigyan Bhavan  New Delhi-ah India President in a hlan. Pu Joseph-a  hian nikum khan National Award for NSS Programme Officer India President hnen atang hian a lo dawng tawh a, kum 2022 kh...

 (Sawiremrlang editorial) Nova thlahten van tawnga in sak an tum avangin Pathian in an ṭawng a rawn tih hran sak tih kan hre ṭheuh awm e. (Gen 11: 4) Chutaṭang chuan ṭawng hrang hrang a lo piang ta a nih hmel a, hnam tinin ṭawng kan nei ta a nih hi. Ṭawng thenkhat chu hmangtu an tlem avangin a ral ti tih tawh hlawm a, kan ṭawng hman ngei pawh hi mithiam ṭhenkhat chuan ral mai tur a nih thu an sawi chamchi mai. Hei hi a chhan ni a lang chu kan ṭawng kan hman duhdah leh hnamdang ṭawng kan ngaihsan luattuk vang niin a lang. Hnamdang ṭawng thiam hi kawng tinrengah a ṭha na meuh mai. Amaherawhchu, kan hnam ṭawng aia kan ngaihlu leh Mizo leh Mizo inkarah pawh ṭhenkhat chuan hman kan tum ta fo mai te hi a zialo takzet a ni. Ṭhenkhat lahin a fiah phah em em a hriat lemlohah pawh sapṭawng thumal an zep thlazen a, tlema lehkha zir sanglo te bulah phei chuan kan ti ti hi hriatthiamloh an lo nei nual thei dawnin a lang hial. Thiltih puina nikhua velah te hian kan hruaitu te lah hian Mizoṭawng ...

  (Sawiremtlang heading) Tunkar Ningani khan Central YMA Hall, Tuikhuahtlangah branch tina YMA chanchinbu enkawltute tan Mizotawng zirna buatsaih a ni a, he hunah hian Sihphir branch atangin Pu Lalchhanhima Varte, editor a kal.  He hun hi hun hnihah then a ni a, chawhma lam hi dar 10:30 ah tan a ni a, Pu MS Ralte, Fin. Secy. chuan kaihruaiin Pu Joseph Vanlalhruaia Sailo, CEC chuan hunserh a hmang thung.  Chairman, Pu MSa chuan chanchinbu enkawltu te mawhphurhna leh pawimawh zia kawng hrang hrang in a sawi a, chumi hnu in Pu Lalhmachhuana, President, CYMA leh Pu R. Lallianzuala, Chairman, Mizo Languange Development Board ten thu an sawi leh hnu in thuzir tan a ni. He hunah hian Mizo Language Development Board member pahnih, Pu B. Lalhmunliana, Bethlehem Vengthlang (chawhma) leh  Prof. Rualkhuma Colney, Republic Vengthlang (chawhnu) te hnen atangin 'Mizotawng ziah dan/hman dan dik zirna' tih leh 'Mizotawng dik leh tha I zir ang u' tih te chu zir ho a ni bawk.  Khu...

  1st. Thursday : Mizoram State Election Commission (SEC) chuan Aizawl Municipal Corporation (AMC) Ward No. VI by-election hun atan August 22, 2024 a ruat. He ward-ah hian MNF ticket-a corporator atana thlan tlin John Zosangliana Ralte chu a thih avangin by-election hi buatsaih a ni. 2nd. Friday : 23rd Inter branch YMA volleyball tournament 2024, August 5-17, 2024 chhunga R. Dengthuama Hall, Mualpui-a neih tur chu General secretary, Prof. Malsawmliana chuan a beng hawng. Pu Malsawmliana chuan team tel turte chu dik tak leh fel taka inelna hmachhawn turin a chah. Inelnaah hian mipa team 73 leh hmeichhia team 26 an tel dawn a ni. 3rd. Saturday : Mizo Village Volunteer Rising Day lawmna hun hmanga Lamka, Manipura cham mek, Pu Lalmuanpuia Adviser to Chief Minister chuan thuthar thehdarhtute a kawma, tun hnaia Manipur Chief Minister Pu Biren Singha’n Manipur State a buaina chungchangah remna leh muanna a awm theih nana hma la tura Mizoram Chief Minister a biak pawh chungchang leh thil a...

  1st. Thursday : LB Fitness Gym, Rohrênga Hall-ah kalpui tan a ni. Gym neitu hi Lalfakzaikima, Vênglai a ni. 2nd. Friday : District Disaster Management Authority, Aizawl District buatsaihin BDOOffice, Senhri Hall-ah Tlangnuam RD Block hnuaia VillageLevel Disaster Management Committee Training ani a, he hunah hian tel tura sawm an nih angin Branch YMA aiawin President, Pu Lallianfala leh VC aiawhin Tv Eddie Lalhmangaihzuala te an tel. 3rd. Saturday : Rural Industries Association (RIA) te chu kuang siamin an hnatlang. 4th. Sunday : H Lianmawia, kum 87, Lalkailiani pasal, Dinthar veng chu Synod Hospital Durtlangah stroke avangin a boral. 5th. Monday : Pu Vanlalsawma, Venglai pick up chu Sentlangah chesualin kawngthlangah a lum a, vanneihthlak takin a chuang te hian hliam na lutuk an tuarlo hlauh. Motor hi Pu Vanlaltlana, Venglai khalh a ni. Motor-ah hian a nau hruai, naupang pakhat nen an chuang a ni. 6th. Tuesday : LBS Suzuki 23rd Inter Branch YMA Volleyball Tournament 2024, R. Deng...