Kristian tlangau, August issue, zawhna leh chhanna huangah chuan "Mitthi kan neihin a vuitu ten 'Pathian remruat/huntiam a ni' an ti vek a, kan thih hun tur, ni leh thla leh kum te hi kan pian ni a ruat sa reng emni? Rawngbawl tu tha tak accident a thi te, hmeichhia raicheha an thi mai te hi Pathian remruat a ni thei angem?" tih zawhna a a awm a, ngaihdan hrang hrang a awm theih thu leh 'thih leh dam hi chu Pathian kuta awm a ni a, Pathian remtihna lo chuan tumah kan nung thei lo' tia chhan a ni.
Kar hmasa khan 'Lal remruat' tih hmangin Pathian remruat hriatthiam a harsat zia leh kan chunga thil thleng tur a hmuh tlang vek thu kan sawi a nih kha. Thih hun tur ruatlawk a ni em tih chungchangah pawh hian Pathian hian kan hma lam hun zawng zawng bakah kan thih hun tur thlengin a a ruahman lawk vek in a rinawm. Amaherawhchu, thi hma tura tih, an nungchang avanga damrei ta an awm thu Bible-ah ngei kan hmu a nih kha. Chutih rualin sa tha pui leh hrisel tak, ruihhlo, zuk leh hmuam etc. avanga nun tawi ta pawh kan velah hmuh theihin an awm hi. Pathian hian kan thih hun tur hi ruatlawk mah se kan nungchang a zirin a danglam thei tih hria ila, nun ulukin kan taksa i ti thianghlim ang u.
Comments
Post a Comment