Skip to main content

LAL REMRUAT

 


Kar hmasa khan branch YMA WhatsApp group-ah hian member pakhat hian 'Sihphirah hian Lalremruata sakhming pu an tam ber' tih a post a, kan sawi zui laih laih a nih kha.  Lalremruata/Lalremruati tih hi hming mawi tak niin a lang a, Sihphir mai niloin Zofa te zingah pawh pu an tam ber hialin a rinawm. Pathian remruat emaw Pathian thil ruahmanna ti pawhin a sawi theih awm e. 


Aigupta lal, Farawa'n Israel fate an pun chak em avanga ruahmanna (family planning) a kalpui tum khan an mi pakhat chuan 'Lal remruat hi engmah a nilo. An khawsak kan tih harsat poh leh an pung nasa mai a, a ngaihṭhatthlak loh tawp mai,' a ti a nih kha. (Bible comics, chhanchhuahna ropui) Kan ram hruaitute remruat dan pawh hi hriatthiam har tak tak chu a tam viau awm e. Political party lian pathum te remruat dan han tarlang ta ila. Remruat tu a kan thlan lai, MNF ho chuan ramri chinfel dan thuruk hriaa insawiin chu thuruk chu sawichhuak siloin ramri an chingfelin a lang silo. Congress in that loh theihlohna bawm an siam a, a awmzia sawifiah chiah siloin ZPM lahin kalphung thar tiin a kalphung a chungchang erawh hriatthiam turin an tilang chuang bik hleilo a. 


Heng chungchanga lal remruat tum dan hi hriatthiam a har em em mai a, chutiang bawkin, Pathian remruatna pawh hi hriatthiam harsa tak tak pawh a tam thei viau awm e. Mifel taka lang hrisello leh rethei em em an awm laiin nun pawlawh ve tak hrisel leh hausa tak hmuh tur an awm bawk. Nupa fa awt ngawih ngawih, nei thei silo an awm laiin nau titla tawk an awm lawi a. Zirna leh hnathawh kawngah pawh taima tak, hlawhtling hleitheilo an awm laiin taima vak pawha kan ngaih lemloh tluang em em an awm bawk.


Heng zawng zawnga Lal remruat dan hi hriatthiam a harsa thei khawp mai. Mahse, Pathian hian kan duh ang hian remruat ta se kan mizia atangin kan dawnsawn dan tur a hmuhtlang vek avangin hetiang a renruat ta a nih hi hriatthiam a tul khawp mai. Pathian hian kan duh danin rem a ruat kher lo a, kan thatna turin emkimin min thawhsak zawk thin tih erawh i hre tlang ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more