Skip to main content

HNAMDANG PASAL NEIH

 

Kar hmasa khan Mizo Zirlai Pawl (MZP) ten MLA inthlanpui lo awm tura hnamdang kawppui nei candidate te do an tum thu hmangin pawl ang aia mahni chhung theuh te infuihin kawngro a sut tur thu hmangin Editorial kan ziak a nih kha.  


Hnamdang kawp kan tih hian hmeichhia te kan kawk deuh bik turah ngai ila. Mipa zingah hnamdang nei kan van pharh laiin hmeichhia chu veng tinah chhiar tham fe an awm avang leh mipa chi chu bo loin hmeichhe chi erawh a bo zui avang te pawh a nia'nge heti taka kan vei chhan hi.  


Hman deuh khan Bairabi-a tlawmngai pawl hrang hrangte chuan an thurel tawh bawhzuiiin an khaw mi hnam dang pasal nei pahnihte chu an khua chhuahsan turin an hrilh a, pakhat zawk phei chu an in atangin an bungrua an dahchhuahsak hial a nih kha.


He thil thleng hian sawi zui a hlawh viau nghe nghe a nih kha. Hnam dang nupui pasala neih thu hrim hrim pawh hian chai a hlawh tawh thin a, chumi piah lama hnam dang pasala an neih vanga an pasalte khaw lama cheng tura tihluihna ang deuha an bungrua an dah chhuahsak hian sawi a hlawh phah hle a ni.


Mihring lo piang chhuak hian duhthlan theihna a nei a, nupui pasal neih chungchang kher loah pawh midang inrawlhna remchang lo, amah ngeiin thutlukna a siamna tur thil a awm. Nupui pasal neih thu-ah hian chhungkuaa rel fel vekte awm bawk thin mah se, mahni duh thua an duh zawng lo nei ta mai hi thahnem tham tak an awm bawk a; heng zingah hian mi thenkhat chuan an kawppuiah Mizo ni lo hnam dang an nei.


Hnam dang nupui pasala neih a that leh that loh chungchangah hi chuan inhnialna tawp hlei thei lo a awm a, mi tam zawkin mahni hnampui ngei neih an duhin hnam dang neih an ngai thei lo a, thenkhatin hnam dang an nei ang lawi si. Hei hi mimal thil a ni a, chhungkaw thil a ni thei bawk a, chuvangin midang nupui pasal turah hi chuan pawl anga inrawlh vak loh hi a finthlak ber ang. Amaherawhchu, eng pawl pawhin hnam dang nupui pasal neih chungchanga an ngaihdan an sawi chhuah hi chu a thiang a ni.


Hnam dang kawppuia neih hi mi tam zawkin tha ti lo mah ila, a lo nei an awm a nih pawhin mihring ve tho an nih vangin an zalenna rah behsak zawnga kalpui erawh a fuh ber lo a, Bairabi khuaa thil thleng ang chi phei hi chu  entawn lem lo ila a duhawm khawp ang.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more