1st. Tuesday : Selesih kawna traffic duty-te chuan rinhlelh thilah 2-wheeler taxi an lo tiding a zû ûm 11 zet mai a lo phûr tih hriat a ni a. SR & AC-te hrilhin, anni hian thu an zawt fiah a, hetiang thil hi ti tawh lo turin an zilh. Amah hi Ramhlun Venglai tlangval a niin zu hi Pi Lalbiakzuali w/o Lalrinfela, Arpu ta tur niin a sawi a, a dik ngei tih finfiah a nih hnu in Lalbiakzuali hi zilha, warning pek nghal a ni.
2nd. Wednesday : YMA hall-ah nilengin gram sabha neih a ni a, he hunah hian V/C hmalakna hrang hrang te ngaihthlak a nih bakah khawtlang tana pawimawh te sawiho a ni bawk.
3rd. Thursday : Zoramliana s/o Kâpthanga, Neihbawih chuan Lalrinkima, Kawnveng dawra an pawisa a la a, ûm zui nghal a niin lak lêt leh vek a ni.
4th. Friday : Chawngbawla Section YMA
te chuan an huam chhunga
zirlai tiṭhate lawmpuina hun,
Hmarveng Presbyterian Kohhran Hall-ah an hmang. He hun hi V/C Vice-president, Pu Thanglianchhunga chuan a hmanpui.
5th. Saturday : YMA hruaitu thenkhat chu Dinthar venga YMA in (Pu H. Rokunga te dawr) thawm tha in an hnatlang.
6th. Sunday : Ni hnih awh bial chhung Presbyterian kohhran hrang hrang a Synod Social Front hmalakna a political education campaign chu a tiak ta.
7th. Monday : Khuangchera Section YMA OB te chu hetiang hian an insiam rem :
Leader : Pu Lalringngheta
Asst Leader: Tv Lalruatfela Sailo
Secretary: Pu H. Lalsawmzuala
Asst Secretary : Tv Benjamin Lalramhmuaka
Treasure : Tv Lalthafamkima
Fin Secretary : Nl Laltlanhlui
8th. Tuesday : V/C te chuan Social Reform & Action Committee te chu gas thuk an lei sak.
9th. Wednesday : Lalruatfeli (Tekherhi) s/o Rai Kumar, Neihbawih kut atangin zu engemawzat man a ni.
10th. Thursday : Ni hnih awh, Chanmari YMA hall-a YMA enkawl Library enkawl tu te tana traning chu a tiak ta. He hunah hian Sihphir YMA atangin Library sub-committee chairman, Pu Lalchhanhima Varte chu a tel.
11th. Friday : Lallianzuala s/o Zothantluanga, Neihbawi leh Lallianmawii, Thenzawl te chu Hmarveng Presbyterian Kohhranah an innei.
12th. Saturday : UPC kohhran chuan ni hnih awh tur crusade an tan. He hunah hian Speaker atan Evan Jeno Vanlalruata, President, PYD, North Mizoram district chu hman a ni.
13th. Sunday : Venglai kohhran ten chawlhkar khat zet hla kutpui an hman chu a tiak ta.
14th. Monday : MZU Education Department result- chhuakah Lalduhsaki d/o Saidingliana, Kawnveng chuan M.A. (Education) 1st Division-ah a pass.
15th. Tuesday : India Independence Day a ni a, V/C house tualah VCP, Pu Lalnelawma chuan hnam puanzar a pawt parh a, hnam hla sak nghal a ni.
16th. Wednesday : Harballife nutrition Aizawl te chuan Twin Market-ah natna hrang hrang nei te tan check up na hun an rawn nei a, mi engemawzat in an rawn.
17th. Thursday : Pi Lalthakimi, kum 43 d/o Thansiami Arpu Veng chu Sakawrhmuituai Hliappui-ah Vairengte an kal haw motor a an chuan mek laiin thisen sang avangin a boral. A nu nena inluah dun an ni a, an in luah hi a chep deuh avangin a ruang hi a nuta, Pu Lalchhuanawma, Venglai hnenah dah a ni.
18th. Friday : Education Sub-Committee, Branch YMA bul tumin YMA Hall-ah zirlai, an zirnaa hlawhtling thar te chawimawina leh High School zirlai leh
Higher Secondary School zirlai te infuih tharna hun buatsaih a ni.
He hunah hian chawimawina pek
tur mi 87 bakah zirlai mi 160 vel zet an tel a, khawtlang hruaitu Village
Council President hovin VC member 5 bakah Sihphir Teachers Association
OB ten he hun hi an hmanpui bawk. HSLC, HSSLC leh a chunglam pass
tharte hnenah hian Branch YMA hmingin lawmpuina thuziak pek an nih bakah
stream hrang hranga ti tha ber te special award pek an ni bawk.
19th. Saturday : YMA Jt. Action Committee hruaitute chuan melkaw chho kawng laih mek chu a hmunah an kalchilh a. Hnathawktute nen inkawmin, an harsatna te zawh pahin an hmalak mek dan chungchang zawhfiah a ni.
20th. Sunday : A hunlaia (1994) Venglai KTP a group zai thiam tak ni thin, Gospel Ninja te chuan a hmasa ber atan music video an ti chhuak. An video hi 'Ram ni tla ngai lovah chuan' tih a niin Asanga Dosel kutchhuak a ni a, Upa Ch. Sanglura chuan Pathian hnenah hlanin a tlangzarh a ni.
21st. Monday :
Central Forest Range, Kolasib atanga Hnahthial R.O tura sawn, Pu Lalhriatpuia Pachuau w/o Saizikpuii, Damveng chuan Bairabi R.O, Laltleipuii hnenah charge a hlan.
22nd. Tuesday : Venglai KTP hruaitu te chu branch intlawh tawn an tumna kawngah Sialhawkah kalin Sialhawk KTP hruaitute nen an inkawm.
23rd. Wednesday : Mizoram State Library ațangin YMA library a dah turin lehkhabu engemawzat dawn a ni.
24th. Thursday : Social Reform & Action Committee te chu thenawm khawvengte tana bengchheng khawpin thâwm an nei ṭhin tih report bawh zuiin John Thangrivunga, Damvêngah inah an kal a, thâwm dim deuh tawh turin an ngen.
25th. Friday : Vanapa section YMA te chuan sum tuak nan mizo film chhuak thar 'Dampui Forest' chu YMA hall-ah an chhuah a, mi engemawzat in an en.
26th. Saturday : Zarzoliana leh a nau Zarzokima c/o Kâpngûri, Chhanhimvêng te chuan mi huana mi rawtuai an lo khawrh ruk avangin tunhma in rûkrûk thilah hnuhma an lo nei tawh ṭhin bawk nen, SR & AC ten khua chhuahsan tura an tih angin khua an chhuahsan.
27th. Sunday : Pu Ch. Lalbiaknunga, kum 47 s/o Remmawii, Kawn veng chu Synod Hospital, Durtlangah thin tha lo avangin a boral.
28th. Monday : PYD te chuan inkhawm tam zan an hmang a, member 57 zet inkhawm an awm a ni. He hunah hian North Mizoram district choir atangin zai mawi tak ngaihthlak a nih bakah Evan K. Rotluanga, Treasurer, North Mizoram district hnen atangin Pentikost identity nei let thei tura fuihna leh thlarau hnathawh a thlen theih nan theihtawp kan chhuah a tul thu te ngaihthlak a ni bawk.
29th. Tuesday : Venglai KTP hnuaia Matthaia group te chu Pi Hmingliani, Damveng te in (slab) chhungin an hnatlang.
30th. Wednesday : PWD hnuaiah YMA-in inhlawhna a hmuh angin member thenkhat chu Muthi
kawng samin an thawk chhuak
31st. Thursday : Pu Lalnunzara w/o H. Zomawii, Kawnveng, Middle School-I, Arpu a zirtirtu tanglai chu pension in a chhuak. Pu Zara hian kum 1998 atang khan zirtir hna hi a thawk tawh a ni.
Comments
Post a Comment