Lalchhanhima Varte

  1st. Wednesday : Kum 2021 a ramkang avanga sorkar tanpuina diltute leh in chhia pahnih tanpuina te chu V/C house atangin semchhuah a ni. 2nd. Thursday : Johan Lalrinfela s/o Zonunzira, Zion veng leh Vanlalduhi d/o R. Lalruatkima, Dinthar te chu Sihphir Presbyterian Kohhran biakinah an innei. 3rd. Friday : Thangzuala, kum 89 f/o Lalawia, Tlangveng chu an chenna inah thawhah avangin a boral.   4th. Saturday : February ni 25 a an in atanga zu engemawzat man sak an nih avangin Pu Malsawmtluanga (Matitawia) te in chu SR & AC chuan thla thum chhung atan an kalh sak. 5th. Sunday : Ni thum awh, KTP rorel inkhawmpui Zemabawk a neih chu a tiak ta. He hunah hian bial leader, Tv H. Lalrindika hoin branch tin aiawh (pakhat zel) pathum an tel. 6th. Monday : SR & AC chuan an zu zawrh avanga in an kalh sak mek, Pu Malsawmtluanga, Dinthar veng chu zu mansak an nih laia an lo dawnsawn dan chungchangahthu inhmu fuhlo a awm avângin an in hrilhfiah. 7th. Tuesday : Lalmawizuala s/o Lalduh...

  Kum 2023 YMA kumthar duan Committee agenda  no 4 na-ah chuan member budget khawn leh rel a ni. He thu hi February thla Executive Committee  chuan tifelin section mawhphurnaah dah a ni.   Tichuan, Member Budget hi kumkhat atan member pakhatah cheng 50/- bituk a ni. Member Budget hi chhiatni thatni bungrua leh project tuak nan tih a ni.  Member budget hi khawn a lo ni tawh thin a, a hmanna tur pawh a inannglo nuai thin. Hripui leng avangin kum thum ngawt chu khawn theih a ni talo a, kuminah khawn tura tih a ni leh ta hi ngai pawimawh thei ila a duhawm hle. Na ti hauh lovin Kohhranah Pathian ram kan thawh a, thalai, hmeichhia leh pavalai bakah ki hrang hrangah thawhlawm kan thawh thin. A tha e. Chutihrualin, kohhran bungrua chu dan an neih angin Biak In compound pawn lamah Vantlang ban phakin a awm ve thei meuh lo.  Tin, veng Welfare hrang hrang te pawhin bungrua kan nei nual hlawm ang. Kohhran leh welfare hrang hrang bungrua te hian YMA bungrua indaih ...

  1st. Wednesday : Dawrah ka awm nileng. Thimhlimah Maawmi a rawn haw. Ka lehkhabu chhiar lai chu ka chhiat chhuak ta.16/1 2nd. Thursday :Loah nimbu hmun ka va sam. 3rd. Friday : Zingkarah Rema hnenah bike siam turin ka dah chho. Chhunah Zarkawtah hmannia ha Doctor kha ka zuk pan. X-ray te tiin a lo serious lo hlauh a, dawmdawi min chawhin a nnat leh natloh dan azira en leh tur a tih chauh avangin ka lawm hle. Synod archive roomah va kal nghalin Maawmi pa doucoment ka va en. Bike parts leh dawhkan khuhna tur te ka lei  nghal bawk. Bike ka kawlloh avangin chanchinbu chhutnaah ka kal lo. 4th. Saturday : Maawmi a nawm meuhloh avangin inah ka awm. Ka computer leh Nanunga laptop te chu Ate Rinsanga ka entir a, hard disc a lo chhiat ve ve tawh avangin pawi ka ti hle. Ka computer zawk chu zawk chu re cover dan a la awm maitheih thu a sawi. Chance erawh a chhe hle. Hman lohin ka lo dah rei deuh a ni. 5th. Sunday : Chawhmaah Sunday School kan kal a, zanah kan inkhawm leh bawk. Tnkar Ni...

Kar hmasa Inrinni khan Pu Hrangsavunga w/o Zaithanmawii (L), Dinthar veng chu an lo mawng a kawrah thi a hmuh a ni. Pu Vunga hi Thawhlehni khan lo halin a riaklut a, lo hal zawh pawhin an ram kang vel pawh hi an thlir nghe nghe niin a ri pa chuan a sawi. Pathianni kal ta a Thenzawla an kohhran inkhawmpui naa kal ve tum a in buatsaih lai a ni a, inkhawmpui kal dawn hunah pawh a lo hawn mai loh avangin a chhungte ngaih thalo chuan an ram bula JCB hnathawk mek te chu chin ngaihven turin an tir a, an zinga pakhat in thlam an va en chuan thlam chu inhawng in leh Pu Vunga thil lo awm deuh vek in amah erawh hmuh tur a lo awmlo thung. Tui a chawi a nih ringin ngaihthatlohna pawh nei lemlo in a let leh mai a. Amaherawhchu, a chhungte ngaih a tha thei tlatlo. Chin ngaihven nawn tur leh zau deuhhlek hawi tura an ngen leh hnuin JCB enkawltu te chu an pahnihin an thawk chhuak ta a, an ringthar/kangvar mawng lamah mihring niawm tak mu an hmuh chuan amah a nih ringin hmanhmawh takin an chhuk a, a bul...

  Nimin Zirtawpni kha Sihphir branch din champha vawi 85 na a ni a, pawimawh hrang hrang thawka hnatlan a ni. Hemi tum hian thlanmual thar a electrict pawhluh na tur atan bankhur pasarih laih a ni a, pali phun a niin remchang dangah hmabak hi phun leh tum a ni. Tin, thlanmual hlui lama YMA in sak mek bankhur chhak lam tur laih a niin a hmun te laihrual a ni a, leivung paih pawl an awm bawk. Hall bungrua tihfai leh avela thil pawimawh dang te tihfel hna thawh a ni bawk. Hemi ni denchhen hian YMA chhang lam te chuan kawngdung leh thlanmual vela bawlhlawh an lo chhar fai ve bawk. Hnatlanga chhuak khawm hi mi 60 vel zet niin YMA chhang (naupang te) nen phei chuan mi za chuang hnatlang hian thawhchhuah a ni. Hnatlang thawkchhuak zingah Pu H. Lianmawia, Dinthar veng chu upa ber a ni. Hnatlangah hian V/C member pahnihin min tawiawm bakah leivung paih nan motor an thawh bawka, an chungah hruaitu te an lawm hle. Sihphir Branch YMA hi kum 1938, March ni 24 khan din a ni.  Hruaitu hmasa ...

   Kar hmasa Inrinni khan kan khaw pa pakhat chu an vauah thi a hmuh a ni. A thih danah mahni a chesual nia a lan avangin police lam hriattir loh an ni.  Thih dan pangngai lo a thi hi chu postmortem thin a ni a, rinhlelhawm an awm deuh a nih phei chuan tih makmawh a ni. Amaherawhchu, mitthi chhungte tan erawh thi tawh mah nise an laina te an han zai bawrh bawrh mai tur hi kan ngai ngamlo in kan phallo fo. Thil awmlo pawh a ni awm lo e.  Amaherawhchu, khua leh tui tha ni tur chuan sorkar thuzawma thih dan pangngai lo deuh ni a lang hi chu postmortem tih zel hi a duhawm a, mi kuttuara thi an lo nih phei chuan engvanga thleng nge tih a hriat theih dawn bakah pawikhawihtute thlamuang taka an leng tur a dang thei dawn a, a lehpek awm thei pawh a ven theih phah ngeiin a rinawm.  A chunga sawi tak ang khian chhungkhat tan chuan kan lainat avangin postmortem tih hi kan phallo thin. Thih dan pangngai lo deuh nia lang te kan postmortem loh hian a hnua inchhir an awm zeuh ...

  Tunkar Ningani khan Sawiremtlang Joint Editor te zinga Vansangliana s/o Remmawia, Venglai, Branch Executive Committee Member ni lai leh hun rei tak branch OB pawh lo ni tawh chuan Venglai Presbyterian Kohhran biakinah Sihphir nula hmeltha leh fel, C. Lalhriatzuali d/o C. Lalthazuala (L), Arpu veng chu nupui atan a nei. Hetih lai mek hian kum hmasa lama kan news Editor tangkai tak, tuna BEC ni mek, Tv Ahlima pawhin a lungdumtu a tawng ve ta bawk. VSa leh Ahlima te kan lawmpui takzet a, nupa hlim tak ni a, Kristian chhungkaw tha tak an din chhoh ngei kan duhsak e.

  Khaw dang mi nupui a nei ka ni a, khuahmun nen'a ngaihtuah chuan kan inpawhna a pawnlang deuh in a hriat. Chhiatni thatni bakah thil tih khawm nikhuaah khawdang makpa nih chuan tualchhung mi ai chuan kan hlu nep hle tih chu khaw dang mi nei hi chuan kan in hre tlang in a rinawm. Zin nikhuaa thil tih ho leh an ni lam an lo zin chang te hi kan inpawh dan chu a ni mai. Tunlai chuan media a tha tawh bawka, chanchin erawh kan inhre pawh reng thung.  "Mipa leh hmeichhia kan dang chuanglo, thil reng reng ti tur bik an awm chuang lo a, kan tih vek tur a ni," kan ti thin. Mahse, hringnunah hian mitin hian tih tur chin kan nei vek a, keipawh kan inah chuan pa ber ni mah ila nupui te khuaah chuan makpa ka ni tlat. Makpa han nih ve takah chuan sawi tak angin khaw dang mi nih chuan kan tangkai nep hle. Kan pu ber hi nikum tawp lam atang khan a chaklo chho hle mai a, kawppui te pawh chin ngaihven leh buaipuiin an kal awl lo. Kal ve chu tul inti viau thin mah ila, nupuite khua a pu te...

   Kum khat a lo vei dawn ta reng mai. Nikum March ni 12 khan 'Politic rilru' tih thupuia hmangin Lengpui Airport-a motor kal na tura kawng chhawng tur siam mek a chim thu atangin politic rilru tenawm zia kan sawi a nih kha.  A ni lah taka politik-ah chuan thil tha aiin kan party oppose te thil tih dikloh kan chhui ngar ngar mai zawk niin a ngaih theih. Kha airport chungchangah pawh khan  thil mak tak mai awm chu khawlai ti ti leh social media kaltlanga ti tina velah te khan pawiti awka hriat tur aia deuna a ring zawk tlat mai kha a ni. Hei hi politic rilru chu ni berin a ngaih theih ta hial mai. A nihna takah chuan politic khel zawng zawng (Minister atanga unit hruaitu chenin) deuhthaw hi mahni ram aia mahni pumpui hmangaih zawk kan ni deuh vekin a hriat.  Hei vang tak hian mipui pawhin kan duhkhawplo takzet a, dengkhawng tak takin kan sawisel bawng bawng mai thin reng a nih hi.   Politic-ah chuan nasa takin kan indem a, lehlam pawlte chetchhiatna lai...

  1st. Sunday : Chawhma, chawhnu leh zanah te kann inkhawm. Zanah hian Maawmi a inkhawmlo. Zanriah Ponty te unau hnihin an rawn ei. 2nd. Monday : Kumthar lawmna ruai siamnaah ka fatu. Ar leh sangha chu ka chanpual a ni. Chaw ei kham ka thut muan laiin Apa a nawmloh zual avangin min rawn ko chho. Durtlang damdawiin ah kalpui a ni a, test hrang hrang tih a nih hnuah an lo haw leh. 3rd. Tuesday : Kar hmasa lama ka hna, Pu Dingluaia huan sam chu ka han chhunzawm. Mamite an pu lungphun dawn avangin an lo chhuak.⁹/¹ 4th. Wednesday : Pu Dingluaia huan ka han sam leh. Maawmi Pu Ruatkima lungphun naah a kal a, chaw a ei nghal. He diary (a bu pangngai) bu hi Rs 250/- in ka lei. 5th. Thursday : Pu Dingluaia huan ka han sam leh a, ka zo ta. Ka lawm khawp mai. Atei, Ahlui nen an lo chho. Atei hi Aizawlah ina lutloin a tlang. YMA Committee Member atâna ruatna lehkha ka dawng. A hmain WhatsApp atang chuan ka hre tawh tho na a. 6th. Friday : Au Zoliana tunu birthday vawikhatna a ni a, Chawhnuah ka...

  1st. Wednesday : MZP chuan January thla ral hmaa Mizoram Subordinate Services Selection Board (MSSSB) Chairman, Pu Ramhmangaiha Râlte bân tûra sawrkâr an phûtna a hlawhtlin loh avângin MSSSB chairman pisa kai tûr dan tumin Mizoram Secretariat kawtah an pung khâwm. 2nd. Thursday : JH Lalhmangaiha (34), Champhai  chu an chênna inah elhbun silaiin a inkâp hlum. 3rd. Friday :  Champhai police leh 42nd Assam Rifles Joint Operation team-te chuan Mualkâwi-a lîrthei an endikna lamah  heroin gram 119 (hâwng 9), international market-a chêng nuai 59/- chuang man chu  Zokhawthar atanga Champhai pan mêk atangin an man a, a khalhtu, Vânlalchâma (36), Khâmrâng,  chu an man nghal. 4th. Saturday : Pu R Lallungmuana (56), Saitual Vênglai chu an in rel aṭangin a tla a; Aizâwl panpui a nih hnûah  Ebenezer Hospital-ah a boral. 5th. Sunday : Excise & Narcotics department (END) chuan Bawngkawn (Lunglei Road)-ah heroin gram 503 (hawng 39) an man a; a neitu-a puh mi path...

  Aizawl Municipal Corporation (AMC) chuan Aizawl Day vawi 133-na chu kar hmasa khan programme hrang hrang siama lawm a ni a. (February 23-25) A lawmnaah hian Lammualah Stall 77 hawn a ni nghe nghe. Heng zinga stall 27 lai chu ei leh in lam a ni a, Indian, Chinese, Korean, Japanese, Thai, Continental leh Mizo traditional food leh kan chhehvel north east food a awm kimchang hle. He thil hi tullo ti an awm nual a, amaherawhchu, kan sorkar hian ei leh in a ngaih pawimawh zia a lantirna pakhat niin a hriat. Hringnunah hian ei leh in hi a pawimawh hle mai a, damlo chau tawh tak pawh chaw a la thlah loh chhung chuan kan ngaih a ngam thin a nih hi. An chakloh viau tawh hnu pawhin 'hei tal hi' tiin kan la barh hram hram thin. Chaw ei hun hnaiha thenrual te nena kan inthen dawna kan tawngkam leklam ber chu 'chaw ei tui le' tih hi a ni ngei ang. Tui leh puar taka ei tura in duhsakna tawngkam a ni a, a hlu hle. 'Tlai leh fanin' tih leh 'ei teuh rawh' tih te hi kan ...

  1st. Wednesday : Lalhmingmawii /o Vanlalhruaia Ngente, Tlangveng, pian champha vawikhatna a ni a, thenrual thate sawmin hlim takin an lawm.   2nd. Thursday : Sehlawh kawng leh Daklalui-Quarry kawng siam mek, hun engemaw chen chawlh lailâwk chu chhunzawm a ni. 3rd. Friday : Pu Lalhmingmawia (Te-a) s/o Thanmawia (L), Arpu, Mamita J.E, (PWD)  hnathawk mek fapa, Malsawmdawngzela, kum 17 mi chu a boral.    4th. Saturday : Branch YMA Committee member te chu thlanmualah electrict pawhluh na atana hna tul buaipui in an hnatlang.   5th. Sunday :   Thangliani, kum 66 M/o Pu Lalrinsanga  tuna Lungmuat a khawsa mek chu  Lungmuatah 'Lungphuchawl' in a boral. A ruang hi Sihphir-a a nuta, Pu Zahawma, Arpu Veng  Inah nghah a ni.  7th. Tuesday : Zarzokimi w/o Zorempuia, Venglai chuan Civil Hospital-ah fapa a hring. 8th. Wednesday : Retailer 1 leh 2 ah ration buhfai sem tan a ni. 9th. Thursday :  Lalramdinthari d/o Vanlalrova, K...