1st. Monday : V/C house, Kawnvengah June thla Ni 100 inhlawhna sem a ni.
2nd. Tuesday : Tualchhung zirna in hrang hrang te chuan term exam result an ti chhuak hlawm.
3rd. Wednesday : V/C house, Kawnvengah Ni 100 inhlawh chungchangah gram sabha neih a ni.
4th. Thursday : Self Help Group VO-2 hnuai-a Social Action Sub- Comtt. te chu Pu Lalfakzuala te in, Dinthar vengah an comtt.
5th. Friday : Sihphir Road Taxi Stand Welfarete chuan an pawl rising day
vawi 12-na City view resort,
Zuangtui-ah an lawm.
6th. Saturday : Sairang Tlawnga tunkar Thawhlehni a motor accident avanga hmuh zui takloh, Pu Lalfakzala te pafa, Chaltlang ruang zawng tura CYMA in YMA branch hrang hrang te a ruat angin Sihphir branch aiawhin Pu T. Lalremruata, BEC a kal.
7th. Sunday : Venglai Presbyterian kohhran chuan Kristian Chhungkaw campaign an nei a, speaker atan Rev Remlalfaka, Mission Vengthlang an hmang.
8th. Monday : Pu Lalbiakkima Kawlni, Biakin veng vawk chu hri avangin a thi.
9th. Tuesday : YMA ten member te hnena an khawn hmangin Keyboard, Rs. 42,500/- man, Korg EK-50 an lei fel ta.
10th. Wednesday : Neihbawiha
Sihphir field tur laih mek chu ngawrh taka chhunzawm zel a ni.
11th. Thursday : Health sub-center a thawktute chuan Covid19 vaccine VenglaiPES zirlai naupangte
hnenah an pe.
12th. Friday : Branch YMA, Education Sub-Committee bultumin Community Hall, Tlangvengzirlai pass tharte lawmpuina leh infuih tharna hun hman a ni a, he hun hi Pu Lalropuia Pachuau, VCP chuan khuallian niin a hmanpui a, Pu K. Biakthianghlima, Visiting Professor, Govt. T. Romana College chuan fuihna thu tha tak a sawi bawk.
13th. Saturday : VenglaiBranch KTP te chuan Youth Recreation
Center, Falkland-ah tawngtai bethel an
nei.
14th. Sunday : Bial PYD te chuan Nisapui kohhran an tlawh a,
Sihphir PYD atangin Upa R.
Lalsawmliana leh Rev B. Vanlalruata
ten thu an sawi.
15th. Monday : Remsangpuii, kum 43 w/o Lalramthara, Kawn Veng chu Civil Hospital, Aizawlah "Kal tha lo" avangin a boral. Pi Remsangpuii hian a pasal leh a fate 3, hmeichhia 2 leh mipa 1 a kalsan.
16th. Tuesday : Multipurpose Indoor Hall, Arpu Vêng chhûnga insawizawi ṭhinte ei tur ṭha (food supplement) chu naupang pathumin an lo tihchingpen avangin SC&RC chuan naupang te hi Food supplement hlut zawng ₹4,200/- chu ₹1,400/- ṭheuh chawi turin an rem.
17th. Wednesday : YMA, Thlanmual sub-committee chu lane siamin an hnatlanga, thlan lane pariat zet an siama, siam sa pakhat nen, pakua a awm ta a ni.
18th. Thursday : SR&AC chuan Lalkhawngaiha s/o Hmarthangpuia(L), Tlangvêng in an dap a, zû Amawii ûm 3 man sak a ni a, V/C House-ah zilh a ni.
19th. Friday : Branch YMA te chu Conference Hall-an an committee a, pawl thil mai bakah khawtlang hmasawnna tur thil engemawzat an rel.
20th. Saturday : Lungdai atanga lo pem, Vanlalkhawngaiha chu a pem lehkha a dik tawk loh bakah a nungchang in a zir loh avangin a pem lehkha hi pawmsak a ni lova, August thla chhung a Sihphir khua chhuahsan tura tih a ni.
21st. Sunday :
Thanchhungi, kum 83 w/o Tlanghmingthanga (L), Arpu Veng chu an chenna Inah 'Chuap Cancer' natna vangin a boral.
22nd. Monday : Nimin lama tualchhung tlangval an sawisak avanga man tawk, Durtlang rawlthar te chu police motor hmangin Bawngkawn PS panpui an ni.
23rd. Tuesday :
MPSC in main exam results a tih chhuahah Tv Lalnunhlua s/o Lalhriatpuia, Dam Veng chu a tling. Hun remchangah Interview a hmachhawn leh ang.
24th. Wednesday : Kum 2013 a Sawmpali khama ramri daitheu a khawtlang mipui kan thawhchhuah champha a ni a, boruak muanawm tak hnuai a ramri daitheu kan tumna Lungdai ho in kham tir min tumna lamah nasa takin police nen kan innawr a nih kha. Hemi chungchang social media lamah sawi a tam hle.
25th. Thursday : V/C hnuaia khaw hnuai kawng
chhungin Venglai KTP te chu an hnatlang a, member 38 thawk chhuakin cement
bag 102 zet an chhung a ni.
26th. Friday : Community Hall-ahcovid19 vaccine, kum 9-59 inkar tan 3rd dose pek leh a ni a,mi 302 in an la.
27th. Saturday : R. Kapzauva, kum 72 h/o Pi Thansangi, Kawn Veng chu an chenna Inah 'Alzheimer' natna avangin a boral.
28th. Sunday : Ni hnih awh, Sihphir
Pastor Bial Masihi Sangati Area meet
Hmarveng Kohhrana neih mek chu a tiak ta. Meet-ah hian
Speaker atan Pastor C. Sapkaia, bialtu pastor chu hman a ni.
29th. Monday : Pu Denghmingliana Tamlo veng chuan a nupui, Ramengmawii, May thlaa boral ta hriatrengna atan khawhar hlabu 2 YMA Branch a present.
30th. Tuesday : Bial KTP te chu Pu R. Vanlalsiama, Kawnveng thawhna Rangamati, Assam-ah work camp turin member 35 an kal.
31st. Wednesday :
Pu Vanlalhriata te chhungkua, Pu K. Vanlalnghaka, Dinthar veng in luah tu te chu remchan zawkna avangin an veng hlui, Chaltlang lamah an insawn thla.
Comments
Post a Comment