Skip to main content

AUGUST 2022, KA DIARY

 

1st. Monday : Loah kuhva hmun samin ka riak lut. Kristian Tlangau a lo thleng.


2nd. Tuesday : Ka hna ngai ka thawk leh a, ka haw. Atei Durtlang damdawi inah damlo tlawhin a kal.


3rd. Wednesday : Nimin lama ka hnathawk ka chauh deuh avangin inah ka awm. Atei Ma Hmangaihate huanah a feh.


4th. Thursday : Feh tura ka chhuah hnuin ruah a sur avangin ka haw leh.


5th. Friday : Huanah thlai siamna tur ka va ti fai. Zanah chanchinbu chhutnaah ka kal.


6th. Saturday : Huanah thlai siamna tur ka va tifai. Thlam thlangah antam ka theh.


7th. Sunday : Chawhmaah Sunday School kan kala, chawhnu leh zanah pawh kan inkhawm. Chawhnu leh zan hi Kristian chhungkaw campaign a hun hman a ni a, speaker atan Rev. Vanlalfaka hman a ni. Zan inkhawmah vek hian Krismas leh kumthar committee member a ka tel ve thu an puanga, ka lawm hle.


8th. Monday : Huanah kan va feh a, bean kan buaipui. Huan piah thlangah antam ka theh. Maawmi te chhung, Thingsat ami chu Synod damdawi inah a thi a, U Lawma u, Bilkhawthlir a thi bawk. Anu thih champha a ni a, ka ngai hle.


9th. Tuesday : Huanah kan va feh a, bean hmun kan thlo. Ka lehkhabu chhiar lai chu ka chhiar chhuak ta.


10th. Wednesday : Huanah bean ngul ka va sawh. 


11th. Thursday : Huanah bean buaipuiin kan va feh.


12th. Friday : Hahchawlh pahin inah kann awm. Zanah Krismas committee hmasa ber chu committee room ah neih a ni a, thawhlawm atan Rs 2,000/- min tuk. Ban hma in ka chhuaka, chanchinbu chhutnaah ka kal. Sorkar laipuiin Independence Day lo awm tur puala ni thum chhung in tina hnam puan zar tura a ngen angin kan zar ve tan. Atei Aizawl a kal.


13th. Saturday : Huanah bean ka va buaipui. Kal pahin Pu Nghaka te mau ka sat phei. Ruah a sur avanga bean ka kah zawhloh avangin Maawmi a lawmlo hle.


14th. Sunday : Chawhmaah Sunday School ja kala, Mawmi erawh nimin lam hna chungchangah a thinrim a la damloh avangin a inkhawmlo thung. Zanah ka inkhawm leh bawk. 


15th. Monday : Huanah bean thatna turin hna ka va thawk. Remsangpuii, 44, Ramtea nupui, Muanna veng chu kal thalo avangin Civil Hospital ah a thi. 


16th. Tuesday : Chawhmaah mitthi inah kan nupain kan kal. Kan kal ruallo. Zan thalai hunah ka kal leh bawk.


17th. Wednesday : Huanah antam hmun tur ka va tifai. Zanah khawhar inah ka kal. Asangi kha YMA member a nih angin dekchi, citation leh Rs 10,780/- in kan ral nghal. He hun hi keiman ka hruai a ni. Ralna huna ka hruai na hmasa ber a ni. Tumdangah chuan ka hruai fo na a.


18th. Thursday : Huanah antam siamna tur ka va tifai. Maawmi kohhran hneichhe ni hmanna, biakinah a kala, an group te zaiin zanriah an ei nghal.


19th. Friday : Huanah ka va feh a, maute satin antam a piah, chung lamah ka theh nghal. Zanah conference hall-ah YMA kan comtt.


20th. Saturday : Huanah bean thatna turin hna ka va thawk.


21st. Sunday : Zing dar 3:30 ah Pi Thanchhungi, 83, Pu Hminga nupui chu cancer avangin a thi. Chawhma-ah thlan ka lai a, Maawmi Sunday School a kal thung. Chawhnu-ah ka inkhawma, inkhawm banah committee room ah Pathian ram kan chhiar. Chumi hnuin a hmasa ber atan Krismas bial ka fang. Zanriah eikhamah vawiin lama Neihbawiha buaina thlentu, Durtlang rawlthar te an man, an dahna Kawnveng V/C house-ah kan nupain kan va phei ve. Kan hawn leh hnuin kal lehin zanlai thleng ka va awm. Police ten prison van-ah an hlang vek. Tlangval ten kan phalloh avangin an kal mai theilo.


22nd. Monday : Dar 12:04 ah prison van chu ka hmalakna in an chhuak thei ta hram e. Ka tangkai ve avanngin ka lawm hle. Huanah bean hmun ka va thlo. Zanah nimin lama Durtlang ho sawisak zinga Mamatea chu ka va tlawh. Cheng za ka pe.


23rd. Tuesday : Huanah bean hmun ka va thlo. Zanah khawhar inah ka kal. Khawhar chhungte hian YMA te puan pahnih min pe. Khawhar in banah Masangi te inah ka leng nghal.


24th. Wednesday : Huanah bean hmun ka va thlo. Tlaiah VC Secretary, Rintea hnenah kan kuhva chungchangah report ka va thehlut. Zanah ka inkhawma, inkhawm banah Pathian tam ip ka sem a, bial chhunga mi, Pathianni kalta a Durtlang ho in an sawisak zinga Buaksanga chu thil zawh chian pahin ka kana, cheng za ka pe ve.


25th. Thursday : Hahchawlh pahin inah ka awm.


26th. Friday : Community hall ah a tum thum nan covid vaccine kan la. Zanah chanchinbu chhutnaah ka kala, ka article, 'Pathianni kaltaa thil thleng leh kei' tih chu ka dah tel. A sei deuh avang erawh chuan karleha chhunzawm turin kan ti.


27th. Saturday : Pu Kapzauva, 72, U Mahlimi pa chu alzeumer natna avangin an inah a thi. Chawhma vuina hunah ka kala, zan khawhar in hunah ka kal leh bawk. Ka hruai. Lalnimawii t-shirt, cheng 600/- man chu a ba in kan lei. 


28th. Sunday : Zingkarah Krismas thawhlawm ka khawn. Chawhmaah Sunday school kan kala, chawhnuah ka inkhawm leh bawk. Zanah khawhar inah ka kal.


29th. Monday : Huanah bean kgs 6 kan va lo. Zanah khawhar inah ka kal. Pu Kapzaua kha YMA member a nih angin dekchi, citation leh Rs 9,680/- in kan ral nghal. Anni hian puan pahnih min hlan let.


30th. Tuesday : Huanah dania hmun ka va thlo. 


31st. Wednesday : Huanah bean hmun ka va thlo.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more