Skip to main content

DI NEILO PAWLA'N A SAI ANTI

 


Hmanlaia tlangvalte inelna pakhat chu 'nula ngaih' a ni. Tlangval tawh phawt chuan an tum vek thin. Khualkhuaa ngaih tur nei ngat phei chu an in uankhum hial thin. Tin, nula unau ngai kawp ngat phei chu an thih hun pawhin an lantir (archang thiang tawn) hial thin. 


Tlangval ten nula ngaih an tum chhan ber zawk a chu thih hnu a thlarau kalkawnga mitthi kawtchhuahah  Pawla a awm a, sairawkherh lianpui a nei a, tupawh nise an chanchin a lo hre vek thin. Tlangval nula ngai loa lokal an awm chuan a sairawkherh chuan a lo perh pawp mai thin a, chumi hliam chu kum thum chhung a pan thin. Chu chu an hlauh em avangin tlangvalte chuan an damlaiin nula ngaih ngei ngei chu an tum ta thin a ni. Hemi rual chiah hian nula tan ve thung chuan tlangval in ngaih tirloh chu pialrala an nawmsakna tur a ni ve thung. 


Khi khi Kristian kan nih hmaa kan pi pu te thihhnu khawvel rin dan a ni. Tunah erawh Pathianin Zosap te kaltlangin min zawng hmu a, chuta chinah zawng kan rinna lo dikloh zia a lo lang ta. Pi pu te rin dan kalh chiahin tlangvalin nula a ngaih chuan Pawla'n a lo sai (hremhmun lamtluang zawh) ve thung tawh dawn a nih chu.


Tlangval tan nula ngaih kha pialrala nawmna a nih laiin kan Kristian hnu-ah erawh Isua chauh Pa hnen thlenna kawng a nih thu Chawlhni hmasa khan Sunday School-ah kan zir a nih kha. Isua'n Thoma (mi zawng zawng) hnenah, “Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo, (Johana 14:6) Lal Isua'n a ti si a.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more