Skip to main content

I&PR LEH CYMA TANGKAWPIN BRANCH CHANCHINBU ENKAWLTUTE TAN TRANING A BUATSAIH



 


Tunkar Ningani khan Central YMA Hall, Tuikhuahtlangah chanchinbu enkawltute tan traning a buatsaih a ni a, he hunah hian Sihphir branch atangin Pu Lalchhanhima Varte, editor a kal. He hun hi hun thumah then a ni a, hun hmasa ber hi chawhma dar 10:30 ah tan a ni a, Pu Malsawmliana, Asst. Sect. CYMA chuan a kaihruai. Hunserh hi Pu Lalrochuanga Pachuau, CEC chuan hmangin Pu R. Lalngheta, President chuan thu a sawi. Pu Lalngheta chuan TA chungchang sawifiahin khawpui chhunga miin cheng 200/- leh khawpui pawn ami ten xheng 300/- pek tur chungchangah a beitham an tih ve tho thu sawiin YMA chu insengral tur kan nih thu sawiin mahni in sengsoa an lo chetchhuah tawh thin dan hrang hrang a sawi. 


He hunah hian khuallian atân Minister, Pu Lalruatkima hman a ni a, Pu Ruatkima chuan mi zawng zawng hneh theih a nihloh thu sawiin mi pakhat talin a lo hlawkpui chuan a lawmawm tur thu a sawi. Kan ram hmel ti danglam theitu kan nih avanga report leh punctuation uluk a ngaih thu a sawi bawk. 


Chawhma hun hi beisei aia hmaa zawh a nih avangin thingpui in chawlh a ni a, hun hnihna tura ruahman Dr C. Lalmuansangkimi, Asst professor, IIMC chuan YMA chanchinbu leh tunlai media tih thupui hmangin  chanchinbu enkawlna tura tul hrang hrang te a sawi. Hemi hnu hian chhunchawlh a ni a, chawhnu dar 1:30 ah chawhnu hun tan leh a ni a, he hunah hian CYMA chanchinbu editor, Tv Lalnunfel Hlondo chuan chanchibu enkawl dan chung changah Editorial board member te mawhphurhna hrang hrang te a sawi a, thu chhuah tur lakkhawm leh thil chik peih a tul thu hrang hrang te a sawi. Branch hrang hrang te chanchinbu tarlangin a thatna leh that tawklohna te tarlangin a bengvarthlakin a hlawkthlak hle. 


Hemi hnu hian group hrang hrangah inthenin he hun hman dan chungchangah headline a ziah dan tur chungchang sawiho a ni bawk.


Traning a kal te hi certificate pek vek an ni bawk.


He hunah hian Central YMA zaipawl chu tumhnih zaiin Tv Francis Lalnunpuia hnen atang pawhin zai mawi tak ngaihthlak a ni bawk.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more