Lalchhanhima Varte

  Mihring ran vulh hmasak ber ni'a zirlaibu vela kan hmuh dan chuan ui hi niin an lang. An ngainatawm em em a, chhungkaw member ang hrima  ngaiin an thih tum pawhin mittui a sur thei hial a nih hi. Nungchate hian chindan an nei a, mahse, ramsa leh ran te pawh hian nunphung thlaka an tih dan ngailoha chet chang an nei ve fo mai. Chuvangin, zir mite chuan an awm dân hi sawi lawk theih a nihloh thu an sawi ve fo bawk. Chuvangin, kan ui  vulh in midang an bauh emaw an hnimhnaih nikhua in 'a hlauhawm lo a nia' tih ringawt hi a fuhlo ber lo. Miin a hlauh na na na chuan hlau lo tura inhrilh ringawtin kori a tu tehchiam lo. Ui hlau mi takin a tawn phei chuan kutthlak hial emaw a thleng thei a, chutiang a thlen chuan ui zawk khan a seh palh hlauh thei bawk. Chuvangin, ui vulh tute hian pâwna kan chhuahpui dawn a nih pawhin an thlunna nen ngeia chhuahpui hi a him ang. Mi lian in thenkhatah gate luh dawnin 'Ui a awm fimkhur rawh', tih a lo in tara, fimkhur turin min duh hma ai...

  1st. Friday : 'A nuam awm vei' tih hla hmanga Mizote min awitleitu, Lalengmawia, Zonuam chu lei cancer avangin Civil Hospital-ah a boral. 2nd. Saturday : Central YMA leh PHED ṭang kawpin a buatsaih, Tlawng lui fintu lui then fai hnatlangpui chu  group hrang hrang 11-ah inṭhen darhin thawh a ni a. Deputy Chief Minister, Pu Tawnluia chuan hnatlanga thawkchhuak tur te hi Vanapa Hall kawt atangin a vailiam. 3rd. Sunday : Health Sunday leh Hospital Sunday a ni a, Presbyterian Kohhran chuan chawhnu-ah Health leh zanah Hospital Sunday angin an hmang. 4th. Monday : BJP, Mizoram Pradesh president, Vanlalhmuaka chuan sorkar laipuia Road Transport & Highways minister, Nitin Gadkari chu a chennaah a kâwm a, Mizorama NHIDCL hnuaia kawngpui siam hna thawh mek chungchang a sawipui. 5th. Tuesday : Tv Lalnunkima (19), s/o Lalhlupuii, Bilkhawthlir, June 26 a bike accident avanga hliam tuar chu Synod Hospital-ah a boral. Lalnunkima chuanpui pa hi an chetsual na hmunah hian a boral nghal a ...

Draupadi Murmu hi June 20, 1958 khan Odisha state chhunga Baidaposi thingtlang khua, Mayurbhanj district-ah a lo piang a. A pasal Shyam Charan Murmu nen fapa 2 leh fanu 1 an nei a, a pasal leh a fapa 1 zawk hian an thihsan tawh thung.  Hindu sakhaw betu   Draupadi Murmu hi Santal niin India-ah chuan tribal hnam lian ber pawl an ni. Village council chief fanu a ni a, an state khawpui, Bhubaneswar-a Ramadevi Women’s College   (Utkal Univ) Bhubaneswar ațanga graduate a ni. A graduate hnu-ah Odisha sorkar-ah clerk hna a thawk a, a hnu-ah kum 1979 leh 1983 inkar khan irrigation and energy department-ah junior assistant-in a thawk leh bawk. Bhubaneswar-a a hna chu chawlhsanin Rairangpur-ah a kir a, a nu (a pasala nu) enkawl pahin Sri Aurobindo Integral School-ah zirtir hna a thawk zui leh a ni. Hetih lai hian hlawh pawh a la duh lo va, a rickshaw chuan man chiah sikulin a tumsak a. A hna chu hna ni lovin vantlanga thawhna niin a sawi a, a pasal, bank officer hlawh chu...

Khawtlanga chhiat tawk an awm chang leh YMA hun pawimawhah te hun engemawchen kan lo hman tawh YMA Keyboard chu siamthat hleih theih loh khawpin a chhe tlat mai a. Tangkai taka kan hman mek Keyboard hi neih leh thuai a ngai a, sum lamah Branch a pachhe bawk si. Branch YMA Executive Committee hnuhnung ber chuan ‘YMA member ten Keyboard lei nan thawhlawm thawh khawm ni rawh se’ tiin thu tlukna a siam ta a ni. Chumi bawhzui na atan chuan tunlai hian pawisa bial hrang hrangah khawn nek a ni. Kohhran leh pawl hrang hrangin pâwl sum tûrin pawisa ki hrang hrang hming vuahin khawn thin a ni a, YMA hi chuan a khawn ngai zen zenlo. Tlemlai deuh khan Central YMA ngenna in Central YMA Hall sakna tur kan khawn a nih kha. Khami tum khan pawisa pawh a lût tha hle. Kan in sakna tur pawisa kan khawn anih miau avangin a lût tha ni pawhin a lang. Amaherawhchu, central lam daih hi chu thahnemngaih viau a har. Tuntuma kan khawn erawh kan tualzal thil tur liau liau a nih avangin member te chuan thahnemngai ...

  Tunkar Thawhtanni khan ram chhung hmun dang rualin Mizoramah pawh India President 15-na tur chu Mizoram State Legislative Assembly house-a Committee room-ah neih a ni.Inthlanna hi Pu H. Lalrinawma chuan Assistant Returning Officer niin an enkawl a ni. MLA zingah Aizawl South II MLA, Pu Lalchhuanthanga'n vote a thlak hmasa ber a, MLA 40 te hian vote an thlak vek a ni. Parliament session neih lai a nih avangin kan MP te pahnih chuan Delhi lamah vote hi an thlâk thung. President thlan naah hian candidate pahnih; NDA candidate, Pi Droupadi Murmu-i leh eptu pawl hrang hrang, Joint Candidate, Trinamool Congress hruaitu, Pu Yashwant Sinha te an awm a, rorellai, MNF MLA 28 leh BJP MLA pakhat bakah MP 2-te chuan NDA candidate hi an vote tih MNF Legislature party hruaitute chuan an sawi a, ZPM Legislature party leh Congress Legislature party member te'n Pu Yashwant Sinha an vote thu an sawi thung. President thlannaa vote thlak tute hi ram pumah mipui thlan MLA 4,033 bakah Lok Sabha MP ...

  K ar hmasa Inrinni khan LIDCAS te chuan YMA Conference Hall-ah an Rising day chu hlawhtling takin an hmang. LIDCAS chungchang hi kum 2014 Sikni eng kut kan hman tum khan sawi lan a lo ni tawh a, tunhnaiah chanchinbu lamah kan tarlan zeuh zeuh tawh bawk. Chuvangin, an chungchang la hre miahlo chu kan tam lutuk tawhlo in a rinawm.  Anni pawl hi pawl ropui tak nilo mah se khawtlang tan chuan pâwl hlu leh tangkai tak tur an ni in a lang. Sihphir khaw chanchin kil hrang hrang atanga chhuitu pâwl an ni a, thilhlui lampang, hriat chian fak harsa tawh te chu theih ang tawk tawk in an zirchiang a, hun liam tawh leh hriatchian harsa tawh tam tak a awm tawh avangin he pawl hi chuan kum tak tak lo la awm tur thlir chungin thil chhinchhiah beihpui an thlâk thin a ni a, chu chu khaw tân a thil tangkai tak tur ni pawhin an lang. Vawiina chiang taka kan hriat hi kum tam a vei hnu chuan a chianglo ruai tawh mai dawn a, chu chuan buaina tam tak an thlen thei thin. Chumi hre chunga pawl din LI...

  Kar hmasa Inrinni khan Sihphir a thil hlui chhuitu pâwl, Litterature Presentation of Historical Data and Culturer Heritage Association, Sihphir (LIDCAS) chuan YMA Conference Hall-ah an pawl din champha pualin sawihona (seminar) hlawhtling takin an hmanga, he hun hi Pu Lalthantluanga,VCP Venghlun chuan khuallian niin an hmanpui. He hun hi an pâwl Vice President, Pu C. Parmawia'n a kaihhruaia, Pi Hmingsangzuali, Comtt. Member chuan hunserh a hmang bawk. Hunserh hman hnu in Secretary, Tv Zonunsanga chuan report a pe a, report atanga a lan danin LIDCAS hi Dt. 14th May, 2013, Thawhleni-ah mi thahnemngai kalkhawm ten Sihphir chanchin fel fai taka siam a, ram chhung hmun hmingthang humhalh leh chei ṭhat a tulzia an sawi ho atanga lo piang ta a ni a. Hei hi he pawl dinna tura inhmuh khawmna hmasa ber a ni nghe nghe. A tîr chuan pawl hming atan SIHPHIR WRITERS' CLUB tih a ni a, a huam zauh zawk beiseiin July ni 11, 2013 a kalkhawm chuan Literature, Preservation of Historical Data ...

  1st. Wednesday : Sunhlutlang ka han sam leh. Inbulah sapthei ka phun leh. 2nd. Thursday : Huanah antam tel 11 ka va la a, bean leitha ka pe bawk.  3rd. Friday : Sakawrhmuituai tlangdung a thing phunna bi vel tifaiin ka inhlawh. Chawhnu ka tan dawn chiah tihin khawl a chhiat avangin ka haw. Lalremtluanga thih champha vawihnihna a ni a, ka ngai hle. Hemi pual huan 'Ka nau thlan tur ka lai' tih, jka article ziah chu ka share. 4th. Saturday : Zingkarah Au Saemate scooty in Chhinga vengah khawl part ka zuk lei. Petrol ka la nghal. Chuan, Sakawrhmuituai tlangdung chu ka han sam leh. Tlai ban hma hretin nimina mi nilo, khawl part pakhat a chhe leh. Hmabak a laklawh em avangin chemin ka zo. Atei Aizawl ah a riak thla. 5th. Sunday : Kan nawm meuhloh avangin inah kan tawm nileng. 6th. Monday : Sakawrhmuituai tlangdung ka sam leh. Thimhlimah Pui puiate unau, Israel atanga lo zin te chu kan inah an lokal. Atei a lo haw.  Kekawrte pahnih min rawn hawna, ka lawm hle. 7th. Tuesday : S...

C entral YMA leh PHED ṭang kawpin a buatsaih, Tlawng lui fintu lui then fai hnatlangpui chu July ni 2, 2022, Inrinni khan group hrang hrang 11-ah inṭhen darhin thawh a ni a. He hunah hian Sihphir Branch YMA atangin Vice President, Pu C. Lalrinawma hoin member pasarih thawhchhuah ve a ni. Deputy Chief Minister, Pu Tawnluia chuan hnatlanga thawkchhuak tur te hi Vanapa Hall kawtah a vailiam. A vailiam hma hian Pu Tawnluia chuan, 'Kan Lui te ti thianghlim turin pawl emaw sawrkar kan pa pek tur a ni lo a, chhungkua zawng zawng hian mawhphurhna kan nei tih hriat a ngai a ni,' a ti. CYMA Vice President, Pu Lalhmachhuana pawhin, vawiin hnatlang hian Mizo mipuite-ah rah tha chhuah se, kan chenna environment humhim kawngah CYMA chu a tlan chhe ngai dawn lo tih a sawi ve bawk. Tlawng lui hi Lunglei bul, Zobawk dai atanga hnar nei a niin, Cachar ram ri thlenga luang a ni a, km 186 a thui niin district 5 paltlang in, khua 90 chuang a paltlang bawk. Mizoram lui pawimawh leh a bikin Aizawl le...

  June thla hmang zoin July chawlhkar hnihna kan lo thleng leh ta reng mai. Mi hruaitu Pathian hnenah lawmthu i sawi ang u.  January ni thum khan Arpu lam chuan chhiat tawkin tlangval puanthuah khai ngatin nunna a chan a ni a, heta tanga June ni 27 a kohhran upa in a nunna hlu tak a chan thleng khan chiattawhna tum 32 zet thlengin, heng zinga pathum erawh khual khua an ni thung. Sihphir a hnathawk, camping-a awm leh chhunpelh tum te an ni. Khawtlang hruaitu ten kuang nên lainat takin an thlahliam hlawm a nih kha. 32 zinga pahnih hi thla thum la tlinglo an niin hlamzuih tih an ni bawk. Nikum chhung khan Sihphir khua-ah mitthi 25 lai kan nei bawk. Ruang chhuak pathum leh Burma raltlan, Synod Camping Center-a awm pakhat chu Sihphirah phum a ni bawk a nih kha. Thla rûk chauh kan la hman lai hian nikum mitthi record kan break der mai chu an ni a, thil lawmawm lo tak a ni a tih theih ang. Thihna reng rêng hi Pathian ruatah kan ngaih rual hian keimahni thlen tîr niawma ngaih theih tu...

  1st. Wednesday : Ni thum awh tur ‘Horticulture Fair 2022’ chu Aijal Club Park-ah Chief Minister, Zoramthanga chuan a hawng.   2nd. Thursday : Doctor, Linda Lalbiaknungi, Sialsuk damdawi ina thawk lai chu damlo te laka mawilo taka a chet avangin R. Lalramnghaka, Secretary, Health and Family Welfare Department chuan suspend na order a ti chhuak.  3rd. Friday : Exise Minister, Dr.K.Beichhua chuan NABARD RIDF XXIV kaltlanga sak, District Veterinary Hospital, Kolasib hawnga a kalnaah tunhnaia Millenium Centre a Grape Wine an man chhan chu tawngtai miten Chief Minister hnena an thlen vang a nih thu a sawi. 4th. Saturday : CID (SB) Ops team-te chuan  Sateek khaw daiah heroin, sahbawn bawm 17 a thuhruk, grams 222 a rit, international market-a cheng nuai 111/- vel man hu chu, Lalhruaitluanga (25) s/o Dailova, Lunglei venglai leh Vanlalruata (27) s/o Doliana, Electric veng, Lunglei te kut atangin an man. 5th. Sunday : 44th National Arm Wresling Championship 2022,Telanga...

1. Dt. 3.1.2022 Tv Remsangpuia, kum 39, s/o Vannguri, Arpu 2.  Dt. 8.1.2022 Lalthawma, kum 63, h/o Lalawmpuii (L), Chhanhim veng 3. Dt.13.1.2022 H. Lalrema, kum 65, w/o Lalbiakdiki, Kawnveng 4. Dt. 17.1.2022 Tv Danny Vanlalvena, kum 35 s/o Ngurdawla, Tlangveng 5. Dt. 19.1.2022 C. Lalmawia, kum 78, h/o Lunghnemi (L), Tlangveng   6. Dt. 29.1.2022 Pu Rengzika, kum 78, b/o RK Sangthanzama, Tlangveng  7. Dt. 1.2.2022 Varziki, kum 58, w/o Lalramzauva, Arpu 8. Dt. 9.2.2022 H. Lalrinliana, kum 83, f/o H. Lalsangzuala, Kawnveng 9. Dt. 9.2.2022 Taivela, kum 88, h/o Thangmawii, Rinchhan veng 10. Dt. 11.2.2022 Chawngdailovi, kum 92, m/o R. Lalfamkima, Biakin veng 11. Dt. 12.2.2022 Ngemkhawdimi, kum 74, w/o Chinkhanpauva, Arpu 12. Dt. 14.2.2022 :  Pu Lalnunnema, kum 58, c/o K. Thansiami, Lunglei (A ni hi Pi K. Thansiami, Durtlang huan enkawltu a ni a, thlamah thi a hmuh a ni. V/C leh YMA hruaitu remchang ten he chhiat tawh thu hi an hriat veleh a hmunah an kal nghal a. Bawng...

  1st. Wednesday : June ni 10 thleng awh tur, Social Reform and Action Committee buatsaih, Chhandamna Camping chu Sihphir Kohhranah tan a ni. Camper hi mi 63 niin, Speaker hi T. Upa Vanlalvuana, “Kraws Hnehna Puangtu Team” a ni ang. 2nd. Thursday : Sub-Center-ah nu naupai leh nausen pianghlim atanga kum khat leh a chanve chin ten vaccine an la. 3rd. Friday :   Community Hall, Tlangvengah ni 100 hlawhna pawisa Rs 1,000/- a sem a ni.  4th. Saturday : Vanapa Section te chu thlan laiin an hnatlang.   5th. Sunday : National Arm Wrestling Championship,  Telengana State-a neih zawh takah Pu Vansangkima s/o H. Lalnunzira, Neihbawi chuan kg 70 huangah bronze medal a la. 6th. Monday : Vansangliana, YMA Secretary chuan Sihphir khaw hmasâwnna tur leh a lo zahawm deuh deuh theihna turin mipui-ah ngenna hrang hrang a siam.  7th. Tuesday : Rescue Centre-ah Chhandamna Camping buatsaih a ni a, Sihphir atang pawhin mi engemawzat an lut . 8th. Wednesday :  LIDC...

  Nizan, (1st July) khan Sawiremtlang chanchinbu Editorial Board te chuan Sihphirkhuaa damlai zinga upa ber nia kan hriat, Pi Zatangi, Damvengchu kan kawm a, kaninkawmnna tlangpui te kan rawntarlang dawn a ni : Pi Zatangi hi kum 1927 June ni 27,(chanchinbu lamah ni 2 kan ti palh. 7 kan lo chhut hmaih palh tlat mai) khan Upa Kaichhunga leh Pi Sawikungi te fa pariatzinga pahnihna ni turin Kelsihkhua-ah a piang a,tunah hian an unau hi pathum an la dam a ni.Lal leh an chhungkaw inkarah inhmuh thiamlohna a awm avangin hnawhchhuah an tawk a, hemitum hian Kelsih atangin Ailawngah an pem a, kum thuman awm hnu-ah kum 1938-ah Neihbawihah an rawn pema, kum 1945-ah Sihphirah insawn thlain, a tir chuan tunaGovernment High School hmunah hian an awm a, a hnudeuhah tuna an awmna hmunah hian an insawn pheileh ta a ni. A that laiin a theih ang tawkin Kohhran leh khawtlangah a inhmang a, Sunday School Department tinah zirtirtu ni tawhin Beginner Department-ah Leaderhial a lo ni tawh bawk. Thuhriltu l...