Skip to main content

SAKAWRHMUITUAITLANGAH KHUALZINTE HIPNA TUR SIAMNA TURIN LUNGPHUM A NI TA


Sihphir khaw mipui ten kan nghahhlelh em em, Mizoram chu sawi loh, India ram pawha la awm ngailo, Development of Eco-Adventure Circuit Aizawl hmalaknaa Skywalk siamna tur lungphum chu kar hmasa Thawhlehni (3 April) khan Sakawrhmuituai tlangah Tourism Minister, Pu John Rotluangliana'n a phum.

Sakawrhmuituai tlang chhipa neih lungphum prog. hi chhun dar 12:30-ah Pi Zoramthangi Hauhnar, MCS, Additional Secy. Tourism Deptt.kaihhruaina in neih a ni a, quest of houner bialtu MLA, Pu R.Lalrinawma, Dy Speaker leh Pu Hmingdailova Khiangte MLA te an niin  Pu Lalrinliana Sailo, MLA in a hmanpui bawk.

Bialtu MLA, Pu Rinawma chuan 'Tlang chunga ka thusawi vawikhatna tur a ni,' tih thu a sawi chuan kalkhawm mipuite a ti hlim hle.

Lungphum prog. hi thla hmasa lama neih tura ruahman kha a ni na a, prog.-ah a hming a lan ve loh avanga bial mipui (Lungdai) an lungawi loh avangin a hun hi sawn a ni ta kha a ni a, hemi chungchang hi sawiin Lungdai (Tuirial) bialtu MLA, Pu Hmingdailova chuan amah avanga a hun taka thil tih theihloh a nih phah chungchangah a inthiamloh thu a sawi.

Khuallian, Pu John-a chuan Pu Hmingdailova thusawi chungchang sawiin  'ruahmanna hmasa a tlawlh kha a țha zawk in ka hria,' tiin 'khami țum khan lo phum ta ni ila chuan tuna kan inrem (Lungdai leh Sihphir) ang hian kan inrem kher lo ang,' a ti. Minister hian khaw pahnih VCP te hnenah remna thuthlung a pe ve ve a ni. Kut beng thawm a ring hle.

Minister chuan 'hetia'ng, India ramah pawha la awm lo siam a ni mai tur hi a changtu minister ka nih avang ngawt pawh hian ka inchhuang hle a ni' ti'a sawiin tourism hi a tuina a nih thu sawiin ram hrang hrang a tlawh ve nual tawh thu a sawi a, hetia'ng a zinna vela an thil zawrh tesep tak tak te chu a ram mite tan eizawnna a nih thu sawiin keini khaw mipuite pawh khualzinte duhzawng hriat tuma kan thil thar chhuah hrang hrang te khualzinte mit la thei tura siam turin min fuih bawk. Chutia'nga kan ti thei a nih ngat chuan kan eizawnna pui ber iskut ai pawha kan hlawkpui theih a rin thu a sawi bawk. A thu sawi zinga pawimawh tak pakhat chu vai kan en dan chungchang hi a ni awm e. 'Vai' kan tih te hi țhen hran thiam a țul thu a sawi a, 'vai ngei' tih vanga lam hla deuh ami te thlenga kan haw vek mai hi in enfiah a țul thu a sawi uar hle. Vai velh ngat phei chu tuna kan thil ruahman a puitlin hunah phei chuan a tihchi loh tawp tur thu a sawi bawk.

Tin, thil lawmawm tak a sawi pakhat chu kan CM berin 'compensate hnam' min ti chunga compensate beisei tumah kan awmloh avanga a lawmthu hi a ni awm e.

Project thar siam tur chungchangah khaw mipuite pa chan changa mahni ta anga enkawla hma la tura min sawmin a thusawi tlang a kawm.

Development of Eco-Adventure Circuit Aizawl-Sakawrhmuituai tlang hi tourism lama Mizoramin hma kan sawnna tura project lian tham tak niin Ministry of Tourism, Gov't. of India ațangin Swadesh Darshan Scheme hnuaiah kum 2017-'18 chhungin cheng nuai 9907/- hmuh a ni. He project hnuaiah hian Aizawl leh a chhehvel hmun 11 thlan chhuah a niin khawvel huap pawha chhuanawm tham, khualzin te tlawh chakawm hmunhma siam tura hmalak a ni. Heng zinga Sihphir kan tel ve hi a lawmawm takzet a ni.

Skywalk siam tur hi metre 25 laia sei, a chhuat darthlalang a ni dawn a ni. 'U' anga kualin siam a ni dawn a ni. Hemi hmunah hian Skywalk bakah visitors centre, bamboo craft workshop & souvenir shop, nature trail, viewing gallery, camping ground leh watch tower te siam tura hmalak a ni bawk.

He hun hmannaah hian deptt. mi mai bakah Sihphir leh Lungdai V/C member te bakah khaw pahnih tlawmngai pawl hruaitute an tel țha hle. Hun tawp lamah thingpui leh a hmeh tui tak ei ho a ni bawk.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more