Skip to main content

MARCH 2018, MIZO(RAM) DIARY



1st. Thursday : KTP General Conference vawi 57-na chu West Phailengah palai lawmna inkhawm a  tan a ni.

2nd. Friday : Mizoram hmun hrang hrangah Mizo te kut ngaihhlut ber 'Chapchar Kut'  hman a ni.

3rd. Saturday : Aizawl Civil Hospital hnuaia Clinical Research Unit (Homeopathy)  chuan Aijal Club-ah Continuing Medical Education Programme  an buatsaih a,  Mizoram hmun hrang hrang atangin homeopathic doctor 50 an tel a,  central lam atanga mithiam lokal ten homeopathy hmanga natna hrang hrang enkawl dan an zirtir.

4th. Sunday : KTP General Conference,  Ningani zana tan chu a tiak.  KTPah hian pastor bial 205 awmin member 1,47,664 an awm a ni.

5th. Monday : Chaltlang leh Durtlang inkalpawhna tur ropeway lungphum chu Tourist Lodge,  Chaltlangah Tourism Minister,  Pu John Rotluangliana'n a phum.  Ropeway hi kms. 2.23 tura ruahman a ni.

6th. Tuesday : Kolasib Gosen venga khawsa, Liansangpuii (62) chu khumah thi a hmuh a ni.  Liansangpuii hian a chhip vei lamah hliam a nei a ni.

7th. Wednesday : Miss Mizoram 2018 thlanna chu R. Dengthuama Hall-ah a hmawr bawk a ni ta a, he hunah hian Khawbung nula hmeltha C. Ramthanmawii (Thanthani)  chu thlan a ni.

8th. Thursday : Thla hmasaa MZP ten Bairabi Zophaia chawlhbuk an sak,  Assam lam mi ten an thiah sak chu sak leh tuma kal MZP mi leh sa thenkhat chu Assam Police ten lo dangin an innawr buaina lamah hliam tuar an awm nual.

9th.  Friday : Hrangbana Collage-a Mizo Department leh Tahan,  Myanmar-a Zawlbuk Committee,  Mizo Thalai Pawl, Khampat unit leh Charity (Khampat)  tangkawp te chu Khampat bungpui chhehvela bawlhhlawh thianfaiin an hnatlang.

10th. Saturday : Adventist Youth Fellowship, Lunglei te chuan Lunglei Civil Hospital tan thisen mipa 6 leh hmeichia 4 ten unit 10 an pe.

11th. Sunday : Baptist Church of Mizoram rorelna sang ber (Assembly) Nilaini a tan chu a tiak.  Assembly-ah hian kohhran pawl dang te pawhin palai an tir hlawm.

12th. Monday : Mizo Zirlai Pawl chuan Zoram hmun hrang hrangah 'Ram humhalh kawngzawh' an nei.

13th. Tuesday : Mizoram Legislative Assembly,  Budget Session chu Assembly House-ah tan a ni a,  he hunah hian Governor,  Nirbhay Sharma chuan Mizoram sorkar hmalakna hrang hrang te a sawi.  MLA pahnih tunhnaia thi te sunna hun hman a ni bawk.

14th. Wednesday : Champhai District Immunisation Task Force Committee chu an chairman Lalsangpuii Hmar,  district bawrhsap hoin DC conference hall-ah an thu a,  April thlaa Measles-Rubella vaccination kalpuina tura hmalakna hrang hrang te an thlir ho.

15th. Thursday : Presbyterian kohhran chuan 'Chanchin Tha thlen ni' hun an hmang. March ni 15 hi Rev.  William Williams in kum 1891 a Mizoram leilung a rah ni champha a ni.

16th. Friday : Mamit Chhimveng YMA hall-ah NLUP tanpuina cheng 2,593,213/- sem a ni.

17th. Saturday : Sahitya Akademi, Kolkata bultumin Mizo Academy of Letters leh Hrangbana Collage-a Mizo depeartment te chuan Hrangbana Collage hall-ah Mizo hnam peng pakhat, Biate țawng zirhona an buatsaih a, I&PR Director, David L.Thangliana'n a hmanpui.

18th. Sunday: Ngaizel Bus Terminal a bus dahkhawm chu a kang chiam mai a, heta ding zinga pali chu a kang chhia.

19th. Monday: 29th. Road Safety Week 2018 pualin lirthei khalh tute fimkhur a țul zia leh dan zawm tura infuih tharna atan Lungleia auto-rickshaw, taxi leh maxi cab khalhtu țha thlan a ni a, lawmman dawngtute hi Lunglei DC, Pi Lalzarmawii'n a hmanpui.

20th. Tuesday: Bairabi Zophaia ramri chungchang sawiin Ministry of Home Affair's (MHA) kaihhruaina hnuaiah Mizoram leh Assam Chief Secretary te ve ve chu MHA pisaah an inbia. Mizoram Chief Secretary hi home department a additional secretary leh OSD ten an țawiawm.

21st. Wednesday: Penticostal Youth Department (UPC țhalai pawl) Day vawi 49-na a ni a, Zoram hmun hrang hrangah hlim taka hman a ni. UPC (NEI) Executive Board in kum1969, March ni 21 ah țhalai pawl hi a din a, a tira an hming chu 'Penticostal Conqueror' tih a ni.

22nd. Thursday: Governor, Lt.Gen.Nirbhay Sharma chuan Chakma Autonomous District Council sorkar chu dan pangngaia kal thei loah ngaiin a țhiat.

23rd. Friday: Assembly Comtt. Room-ah Chief Minister, sorkar official te leh NGO Co-Ordination Comtt. hruaitu ten Bairabi, Zophai leh Assam nena ramri chungchang an sawi ho.

24th. Saturday: Salvation Army Youth (SAY) Central South Divission hnuaia Keifang SAY chuan Aizawl Civil Hospital tan thisen unit 65 an pe. Thisen petu te hi hmeichhia 14 leh mipa 51 anni.

25th. Sunday: Tumkau ni a ni a, Mizoram Kristian te chuan tumkau chawiin Lal Isua chawimawiin kawng an zawh.

26th. Monday: Jet Airways chuan Aizawl-Delhi chawl lailawk loin an thlawh tir țan. He hun hi Mizoram Youth Commission Chairman, Pu Joseph Lalhimpuia, MLA in Lengpui Airport-ah a hawng. Jet Airways hian hemi inkar hi chu an nei reng tawh tho naa, tunhma hi chuan Gauhati an tlawh kual țhin a ni.

27th. Tuesday: I &PR Deptt. in an directorate building bula Lianchhiari Run an sak tur lungphum chu a changtu minister, Pu Lal Thanzara'n a phum.

28th. Wednesday: Kum 2013-a Assembly inthlanpui neih dawna affidavit diklo thehlut ni'a Lalhriatrenga Chhangte, Serchhip in CM, Lal Thanhawla a puhna chu Serchhip District Court-ah ngaihtuah țan a ni. Thubuai hi April thlaa ngaihtuah leh tura dah a ni.

29th. Thursday: LADC Budget session chu neih țan a ni a, CEM, T.Zakunga'n kum 2018-'19 budget ruahman a pharh a, kumi'n chhunga an member ni tawh boral ta pathum te sunna hun hman nghal a ni bawk.

30th. Friday: Good Friday a ni a, Mizoram hmun hrang hranga Kristian te chuan urhsun takin an hmang.

31st. Saturday: Football intihsiakna thar 'Indian Supper Cup' ti'a vuah, ISL leh I-League-a pariatna chin te telna chu khelh țan a ni a, a țan ni hian Mizoram club, Aizawl FC chuan ISL champion Chennayin City chu pennalty hmangin (1-1) (1-1) (5-3) in an hneh. Cup hi Bhubaneswar, Orisaa-ah khelh a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more