Skip to main content

BAIRABI THILTHLENG ATANGIN INZIR ILA


Kan hriat theuh angin Bairabi daia Pu Ch.Chhunga ramah Mizo Zirlai Pawl (MZP)  te chuan 'Zofate Chawlhbuk'  an sa a ni a,  amaherawhchu,  an sak ni la la in Assam Police leh Assam Forest Department te chuan an thiat lehnghal!

Hei hi duhloin MZP te chuan he chawlhbuk hi sak leh an tum a,  buaina chhuak zuiin silai hial a puak a nih kha.

Helai hmun hi rambuai a ni a,  state pahnih sorkar hotu te chuan a tumah mahin khawih rihlo turin inremna an siam.  Amaherawhchu,  Assam lamin in etc.  te an rawn din tak avangin MZP te hian hma an la ta a ni.

MZP te an che chhuak hi mi thenkhat chuan kuanglo nawrah an ngai ngei ang.  An dem awm hran lo.  Amaherawhchu,  sorkar (nu leh pa) ber beisei anga an chet tak silohah chuan an tihtur ni'a ngaiin an che chhuak ta niin a lang.

Hmanni lawkah Sihphir ramchhung,  Sairum ramah Sairang lam miin hmunhma an nei a nih kha. Kan V/C te beisei anga an chet chhuah mai loh avangin  hemi chungchang ngaichang hian YMA hruaitu te fehchhuah a ni a,  Lungdai nena kan inkarah pawh thalai te kan fehchhuak hial a nih kha.

Kan in compound-ah,  kan khuaah leh kan ram (Mizoram) ang zawng pawhin thil engpawh thleng thei a ni.  Hetia'ng thilah hian ngaimawh kan nei a nih chuan 'tih theih ka nei ve a ni'  ti'a,  kan tih theih awm ni'a lang chu huaisen taka ti ve thei turin tan i la ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more