Skip to main content

JANUARY 2018, MIZO(RAM) DIARY



1st. Monday: Food, Civil Supplies & Consumer Affairs department chuan eirawngbawlna gas man hetia'ng hian  bithliah thar: Vairengteah bur khat man cheng 851.50/-, subsidy cheng 362.51/- a ni anga, khaw dang    zawngah bur khat man cheng 867/-, subsidy  cheng 367.32/- a ni ang. Home delivery a nih chuan 7.53/- belh tur a ni a, showroom a hralh a nih erawh chuan cheng 18/- paih thung tur a ni.

2nd. Tuesday: Zoram hmun hrang hrangah kumthar lawmna ruai ṭheh a ni.

3rd. Wednesday: Police deptt. in nikum lama police constable tur a lakna result a ti chhhuak a, armed branch-ah mi 350 leh un-armed branch-ah mi 75 an tling.

4th. Thursday: 2nd. Elite Woman National Championship January ni 6-12 neih tura tel turin hmeichhe boxer pasarih te chuan coaches R.Lalchhuanawma leh R.Lalbiaksangi te hoin Mizoram an chhuahsan.

5th. Friday: Information and Public Relation (I&PR) Deptt. leh Mizoram Jornalist Assn. (MJA) te chhuan I&PR auditorium-ah kumthar atan Pathian hnenah an inhlan thar. Inkhawm hi I&PR director David L.Thangliana'n a kaihruai a ni.

6th. Saturday: Durtlang branch KṬP chuan Synod Hospital tan thisen unit 30 an pe a, thisen petu te hi mipa 26 leh hmeichhia pali anni.

7th. Sunday: Kumi'na Pathianni hmasa ber a ni a, kohhran hrang hrangah Sunday School kai tur hming ziah thar na'na hman a ni.

8th. Monday: Central YMA pisa, press leh sub-headquarter pisa te chu kumthar atan hawn anni.

9th. Tuesday: Mizoram Sarva Shiksha Abhyan Mission (SSA) leh Central YMA chuan Mizorama zirna kawnga thawhdunna thuthlung an ziak. Thuthlung ziaktu te hi SSA aiawhin state project director Lalhmachhuana'n a ziaka, YMA aiawhin president Vanlalruata'n a ziak thung.

10th. Wednesday: Commerce & Industries Minister H.Rohluna chuan a pisaah Australia-a Indian consul general B.Vanlalvawna a kawm a, Mizo thil dehchhuahte zau zawka hralh theih dan tur chungchang an sawi dun.

11th. Thursday: Zosap Missionary, Pu Buanga leh Sap upa ten Mizoram leilung an rah ni champha a ni a, kohhran hrang hrang ten urhsun takin an hmang.

12th. Friday: AH &  Vety. deptt. chuan Lawngtlaiah NLUP hnuaia vawk vulh thlangtu chhungkaw 119 hnenah vawkchaw quintal ruk ṭheuhin an sem.

13th. Saturday: Hrangthanmawii Memorial Mission Veng Open 2018 chu DYO Hall, Mission veng indoor stadium-ah khelh zawh a ni a, Samuel Lalnunmawia chuan Lalmuanawma hnehin mens single champion a ni.

14th. Sunday: Mizoram Presbyterian kohhrana pastor bial veng, insawn te, pastor thar te leh pro-pastor atana lak thar te chu an awmna tur bialah induction service neih a ni. Kumi'n hian pastor/minister   71, pastor thar 20 leh pro-pastor awmna siamrem 6 leh a thar 16 an awm a ni.

15th. Monday: Mizoram Electoral Roll thar chu district headquarter hrang hrangah tlangzarh a ni a, Mizoram pumah voter 7,57,854 awmin hmeichhia 3,87,854 leh mipa 3,70,410 anni.

16th. Tuesday: 2nd. Bn. MAP-a Constable Thangkiliana chu Lunglei Luangmuala Tlabung peng kham hnuaiah thia chhar a ni. A ni hi tunkar Thawhṭanni aṭanga bo a ni.

17th. Wednesday: India ram puma chenna in zawng zawnga eng nei tura sorkar laipui ruahmanna Pradhan Mantri Sahaj Bijli Har Ghar Yajona, 'SAUBHAGYA' ti'a sawi bawk chu Synod Conference Center-ah Chief Minister Pu Lal Thanhawla'n a tlangzarh.

18th. Thursday: Mizoram Ministerial Service Assn. chuan Lal Thanhawla Auditorium-ah inkhawmpui an hmanga, khuallian
CM, Pu Lal Thanhawla chuan sorkar hnathawk ten chhiatni ṭhatni vangin an hna tiṭhuanawp lo se a duh thu a sawi.

19th. Friday: Governor Lt. Gen. Nirbhay Sharma chuan Lawngtlai leh Chawngte a tlawh a, LADC leh CADC chhunga hnathawhte ADC hotu te nen an sawi ho.

20th. Saturday: Union Health Minister, Jagat Prakash chuan Zemabawka Mizoram State Cancer Institute (MSCI)-ah Tertiary Care Cancer Center (TCCC) sakna tur lungphum a phum. MSCI-a TCCC hi Ministry of Helth & Family Welfare  ₹ vbch 44.27/- se'nga sak tur a nia, khum za awm thei tura ruahman a ni.

21st. Sunday: Lalnunnema (32), Electric Veng, Aizawl chu Tlawngah a tlahlum.

22nd. Monday: Driver Lalbiakzuala w/o Abisag Lalngaihsaki, Sihphir chu Serkhan kawngah CM motor kawng a ken mai loh avangin Chief Minister guard ten ka takin an sawisa.

23rd. Tuesday: Mizoram sorkar leh Innovation India in 'Indian Film Festival Mizoram' a huaihawt chu Vanapa Hall-ah Chief Minister, Pu Lal Thanhawla'n a hawng. Festival hi ni thum chhung awh tura ruahman a ni.

24th. Wednesday: East Lungdar khuaah in panih chu ṭhelh hmanlohin a kangral. In kang hian an bula in pakhat pawh a mahna, hei erawh ṭhelh hman a ni.

25th. Thursday: India ram hmun dang rualin Mizoramah pawh National Voter's Day hman ve a ni a, a hmanna pui ber Aizawla Synod Conference Center-ah chuan Governor Lt. Gen. Nirbhay Sharma hoa hman a ni. He hunah hian kumi'n inthlanah VVPAT hman a nih dawn thu tarlan a ni. He huna thupui 'Accessible elections' tih chu Dr. Lalnunthara, Person with Disabillities commissioner chuan a sawi.

26th. Friday: India ram pumah Republic Day vawi 69-na hman a ni a, Mizoramah pawh Aizawl leh district khawpui hrang hrang bakah civil sub-divission leh BDO ṭhuthmunah te hman a ni. Mizorama hmanna pui ber Aizawla sipai lammuala hmanah chuan Governor Lt. Gen. Nirbhay Sharma chuan hnam puanzar pawtpharhin parade contingent a endik a, hnam puanzar chibai an buk a chhang let.

27th. Saturday: Leite bial ṬKP chuan Lunglei Civil Hospital tan thisen unit 28 an pe a, thisen petu te hi mipa 23 leh hmeichhia 5 anni.

28th. Sunday: MLA hlui L.Chinzah (86) f/o Sangchhin Chinzah, Lawngtlai Council veng chu Lairam Christian Medical Collage-ah a thi. L.Chinzah hi Mizo district council hun laiin Assam MLA a ni.

29th. Monday: Chief Minister Pu Lal Thanhawla chuan Serchhipa Education campaign a hmanpui a, "Nih tum neih loh chuan hlawhtlinna chhan tur a awmlo. Hindi hmuhsit leh Sapṭawnga ṭawng zah hi state pawna chhawr tlak loa Mizo ṭhalai theihna sang tak tak nei te hnuk hniamtu a ni," a ti.

30th. Tuesday: Aizawl FC chuan session liamta I-League an champion zarzo in AFC Champions League qualifying round chu Iran ramah an khel! An khelh pui te hi Asia ramah pawha team ṭha pawl anniin fianal hial pawh lo thleng tawh anni. Foodland Shahr khelmuala an khelhpui hi mualneitu Zob Ahan Esfahan FC anni a, Aizawl FC hian 1-3 in an hnehlo a ni.

31st. Wednesday: Inter Collage Youth Adventure Club chuan Aizawl Civil Hospital-ah blood donation camp an huaihawt a, mipa 91 leh hmeichhia 44 in thisen unit 135 an pe.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more