1st. Thursday: Rastriya Uchchatar Shiksha Abhiyan (RUSA) hnuaia Zawlnuam Collage building sak that leh Kanhmun khuaa indoor stadium sak thar te chu Chief Minister, Pu Lal Thanhawla'n a hawng. CM hi minister Pu John Rotluangliana, MLA pahnih, Pu Lalrinmawia Ralte leh Pu Lalrobiaka te bakah Mamit DC Pi Lalbiaksangi ten an ṭawiawm.
2nd. Friday: AH & Vety. Deptt. chuan Vety. Complex Lungleiah NLUP hnuaia vawk vulh thlangtu chhungkaw 553 te hnenah hmanraw leina tur ₹3,378/- ṭheuh an sem. He hun hi Lunglei High Power Committee Vice Chairman S.Laldingliana, MLA in a hmanpui.
3rd. Saturday: ITI Veng Pastor Bial KṬP te chuan blood donation camp an huaihawt a, Synod Hospital tan mipa 32 leh hmeichhia 3 ten thisen unit 35 an pe.
4th. Sunday: Reiek tlang bulṭhut chu a kang a, a ti kang tu Reiek tlangval pathum te chu man nghal anni.
5th. Monday: Mizoram Kohhran Hruaitute Comtt. leh Central YMA hruaitu te chuan Synod Office-a comtt. room-ah ruihhlo chungchanga inrawn khawmna an nei a, ruihhloin Mizoram a tih chhiat zel loh nan uar zawka ṭawngṭaina hmanga ṭan lak an rel. Inrawnkhawmna hi MKHC chairman Rev. F.Lalrinnunga, Synod Moderator in a kaihruai a ni.
6th. Tuesday: Exice & Narcotic Deptt. (END)-a Anti-Drug Squad leh Central YMA Kumpuan Comtt.-te chuan Hualngohmunah heroin gram 73 leh a neitu Lalengliana(32) s/o Pahnianga, Khawzawl leh heta inhnamhnawih pahnih, Tahan lam mi ve ve te chu an man.
7th. Wednesday: Lunglei Dist. Football Assn. buatsaih HPC Cup chu Ṭhuamluaia mualah ṭan a ni a, match hmasa berah Electrict Veng 'A' chuan Venghlun chu 2-0 in an hneh. HPC
Cup-ah hian team 40 an tel a, group riata inṭhenin group tina a sang pahnih te hian round of 16 an khel leh dawn a ni.
8th. Thursday: Congress Party ṭhalaite chuan Congress Bhavan-ah blood donation camp an huaihawt a, mipa 119 leh hmeichhia 6 in thisen unit 125 an pe. He hun hi Health Minister, Pu Lal Thanzara'n a hmanpui.
9th. Friday : Mizorama Sport Indoor Hall lian ber tur cheng nuai zaruk senga kum li chhunga Lushai Engeneer ten an sak, Lunglei Sazaikawn ami chu Sports & Youth Services Minister, Pu Zodintluanga'n a hawng.
10th. Saturday : Sangauah 407 tipper MZ 07-2485, Zorama khalh chuan Abraham Lalrinngheta(15) s/o TC Vanthanga, Sangau-IV chu a chilhlum.
11th. Sunday : Mizoram Presbyterian kohhrana bial hmeichhe inkhawmpui, Zirtawpni zan a ṭan chu a ṭiak.
12th. Monday : Cheng nuai 736 senga Lawngtlai-Parva (via Diltlang) Kurung lui kaina lei dawh thar chu Governor Lt. Gen. Nirbhay Sharma chuan a hawng. Lei hi RCC a niin meter 72.50 a sei a ni.
13th. Tuesday : Sesawng leh Khawruhlian inkara Tuirini lei dawh lai chu a chim. Lei hian ni pahnih a chim pui a, lei chim pui pakhat HC Lalfakzuala (45) s/o Kamlova (L), Sesawng chu a thi.
14th. Wednesday: Valentine's Day a ni a, he ni pual hian Assn. for Blood Donation chuan an thawhpui pawl dang te nen Mizoram hmun hrang hrangah blood donation camp Ka huaihawt a, thisen unit 944 lai pek a ni. Hetia'ng prog. hi kum 2010 aṭang khan kumtin kalpui a ni a, nikum khan unit 969 pek a niin pek hnem ber kum a ni.
15th. Thursday: ICFAI University-a Deptt. of English buatsaih ni Dr. Easterine Kire lehkjabu ziah 'Don't Run My Love' tih chu The Grant Hotel-ah tlangzarh a ni.
16th. Friday: KṬP Day a ni a, central lam aṭangin ruahmanna a awm lem lo bawk a, branch hrang hrangin mahni remchan angin an lawm.
17th. Saturday: Aizawl hmar lam chawmtu PHE pipe chu Dawrpui Veng Presbyterian biak ni bulah a puak a, New Market vela awm ten harsatna an tawk nasa hle. Pipe puak avanga mipui thil chhia hi ₹ 20,000/- hu vel nia chhut a ni.
18th. Sunday: R.Thansangi (92) w/o P. Saichhingi (L) Zobawk Venghlun chu awmlai in a thi.
19th. Monday: ZNP President Pu Lalduhoma chuan an party pisaah hmunphiah chingtute tana sorkar laipuiin sum a pek chhuah tawh, Mizoram sorkar in a hren khawtlai avanga mi tam takin harsatna an tawh thu a sawi.
20th. Tuesday: Bawngkawn Brigade Venga B.Lalhmangaihi, Chaltlang Veng in, R.Lalhmingliana te luah lai chu J.Thankima Collage zirlai nia hriat ten an ṭhiat. Collage zirlai te hi rin an nih chhan chuthla tir lamah an lo chet tawh vang a ni a, an collage ram chhung niin an hre bawk a ni.
21st. Wednesday: Mizoram Upa Pawl, Durtlang Unit chuan Durtlang MC Hall-ah annual meeting an nei a, Home Minister, Pu R.Lalzirliana'n a hmanpui. Durtlang MUP-ah hian member 331 an awm mek a ni.
22nd. Thursday: Mizoram People's Party chuan Aizawl Press Club-ah Zoram People's Movement (ZPM) ten nena thawkho tura an ni chhunluh thu an puang chhuak. Heti hian ZPM-ah hian pawl paruk an awm ta a ni.
23rd. Friday: Hnahthiala MIZOFED pump-a petrol dah tur tanker MZ05-8338 chu a kang a, a bul a ding scooter pahnih a kang kai bawk.
24th. Saturday: Mission Vengthlang Branch KṬP te chuan an kohhran hall-ah blood donation camp an nei a, Synod Hospital tan mipa 37 leh hmeichhia 9 in thisen unit 46 an pe.
25th. Sunday: Sihphir khawtlang hruaitu te chuan an veng chhung mi, Pu Rohlira te chhungkua, nu ber hun rei tak natna avanga damdawi ina awm tawh tana khawtlanga vehbur an khawn Rs 1,000,50/-chu an hlan. He hun hi V/C Vice President, Pu Malsawmtluanga Pachuau in a khaihruaia, YMA President, Pu R. Lalduhzuala'n chhungkaw pa ber Pu Rohlira hnenah a hlan.
26th. Monday: Chief Minister Pu Lal Thanhawla chuan Mualpui Salem Veng, Aizawl-ah Govt. Aizawl College Commerce Block, Cafetaria leh Students’n Common Room te a hawng a, Higher & Technical Education Minister Pu R. Romawia chu khualzahawm a ni. Inkhawm hi GAC Principal Pu Lalrinawma’n a kaihruai a ni.
27th. Tuesday: MZP chuan Bairabi hmuna Roneihthangi w/o Ch.Chhunga(L) in Zophaia hmun a pekah 'Zofate Chawlhbuk' an sa a, hei hi duhlo in Assam police leh forest deptt. lam ten an ṭhiat lehnghal.
28th. Wednesday: Chief Secretary, Pu Lalmalsawma chu pension in a chhuak ta. Pu Lalmalsawma hian kum 2014 November aṭangin CS hna hi a zawm a ni.
Comments
Post a Comment