Skip to main content

APRIL 2026, SIH(PHIR) DIARY

 

1st. Wednesday : Lalbiakzuali, kum 32, R. Lalrinfela nupui, Arpu veng chu Appolo Hospital Guwahati-ah thin thalo avangin a boral.


2nd. Thursday : Tv. Lawmnakima s/o C. Lalhunthara, Rinchhan veng chu India ram pum huap National Skills Competition, Noida-a neihah telin Floristry Category (Pangpar khawi) ah Silver Medal a la.


3rd. Friday : Good Friday a ni a, tualchhung Kohhran hrang hrang te chuan urhsun takin an hmang.


4th. Saturday : Kuang siam sa a tlem tak

avangin Rural Industries Association

(RIA) te chu YMA Hall-ah a siamin an hnatlang a, kuang 9 an siam.


5th. Sunday : Rev. John Raldosanga, Synod Moderator chuan Sihphir Pastor Bial chhunga Kohhrante a rawn tlawh. Moderator hian kum 2008-2012 chhung khan Sihphir Pastor Bial a lo vawng tawh thin a ni.


6th. Monday : Presbyterian kohhran (hmeichhia) ten Thawhtanni zinga buhfaitham an sem thin chungchangah Sihphir biala hun rei tak kg khat cheng 15/- ni thin chu cheng 20/- a tih san a ni. Hei hi kumin bial hmeichhe inkhawmpuia an rel a ni. 


7th. Tuesday : Pu Lalrinnunga (Tea) Damveng chuan an motor chabi chu Arpu leh Damveng inkarah a tibo.


8th. Wednesday : Nl. Laltlanhlui d/o

H.D. Darthankima, Damveng chuan Department of

Botany, Mizoram University atangin doctorate degree a la. A thesis chu ‘Studies on species diversity and systematic implications of seed coat morphology of

Ericaceae in Mizoram, India’ tih a ni.


9th. Thursday :

Lallawmsanga s/o Lalbiaktluanga Pachuau, Damveng leh

Lalnuntluangi Pachuau d/o

Vantluangpuia Pachuau, Rinchhan Veng te chu Venglai Kohhranah an innei.


10th. Friday : Central YMA leh Cricket Association of Mizoram ten an buatsaih, 13th Inter-Branch YMA Cricket Tournament,

2026 khelh mekah Sihphir Branch YMA Cricket Team te chuan Semi Final-ah Ramhlun Venglai Branch te tumin a chaklo zawkah kan tang. 


11th. Saturday :

Chhinga veng nu pakhat, rilru lam a chiang lo chuan Neihbawi rawn thleng nawlhin veng pa hoin lo hmu in Chhinga Veng YMA hruaitu te hriattir an nih hnuin an chhung ten an rawn lam. A ni hi chawhma lama atanga chhuak tawh a niin, an chhung te hian nilengin an lo ngaihven tawh nghe nghe.         


12th. Sunday : Pu Lalrinchhana,

kum 56. Pi Lalhlimpuii pasal, Damveng chu Nazareth Hospital-ah chaw kawng cancer avangin a boral.

 

13th. Monday : Pu C. Chhuanawma, Arpu veng chuan a JCB hmangin sum phut loin thlan lane a lai. Lane hi pathum lai a ni a, a vaiin feet 200 chuang a zau a ni. A chungah khawtlang hruaitu te an lawm hle.


14th. Tuesday : Khaw chhung hmun hrang hrangah gas sem a ni. Agent lam buaina avanga mahni point a la theilo an awm nual avangin mipui min ti buai hle.


15th. Wednesday : Rohrenga Hall-ah Social Audit Gram sabha neih a ni.


16th. Thursday : Central Isua Krista Kohhran Thalai Pawl Rising Day vawi 49 na a ni a, he ni pual hian Sawiremtlang hnawmhnawk thianin an hnatlang.


17th. Friday : YMA thlabi committee chu conference hall-ah neih a ni.


18th. Saturday :

Nausen, Kimlawmsangi,

ni 14 upa d/o Robert Muanthiansiam Arpu veng chu a chenna inah a boral (hlamzuih).


19th. Sunday : Tualchhunga kohhran hrang hrang te chuan Pathian ram thawhlawm lakkhawm na ni atan an hmang.


20th. Monday : Covid hripui avanga a hun taka chhiarpui neih theih a nihloh hnu ah tan a ni.


21st. Tuesday : April thla ni za inhlawh chu tan a ni leh ta. Tun thla hian ni kaw (9) hna a lo chhuak a ni.


22nd. Wednesday : Retailer 1, 2 leh 3 ah te ration buhfai sem tan a ni.


23rd. Thursday : Pu Lalhmangaiha, kum 47 s/o Rammawia (L), Dinthar Veng chu   a ram riahna, Hmar Zau-ah 'Lungphuchawl' in a boral.   


24th. Friday :  Formosa Foundation in khawtlang tana tangkai taka hmang thei tur tlawmngai pawl leh NGO te tan Oxygen concentrator an sem turah Branch YMA hmingin Tv Zohmingliana Hnamte, President chuan dilna a thehlut ve.


25th. Saturday : Pi Rosangmawii (kum 58) Pu Hrangkhuma (L) fanu, Biakin veng chu Aizawl Hospital, Khatla-ah a boral. 


26th. Sunday : Zirtawpni atanga Hmarveng Kohhrana tan, bial inkhawmpui chu a tiak.


27th. Monday : Ni za inhlawhna kalpui mekah khua in a bumro avangin an buai hlawm hle.


28th. Tuesday : Taitesena Section YMA te chuan an huamchhunga rawn awm thar chhungkaw 3 te tlawhin khawtlang tana theihtawp chhuah ve turin an ngen a, zu leh ruihhlo dang laka inveng turin an hrlih bawk. Anni section hian hetiang hian pem thar te chu an lenchilh thin a ni.


29th. Wednesday : MBSE chuan HSSLC result a ti chhuak a. Sihphir Higher Secondary School atanga exam mi 82 zing a mi 45 in an pass a, private-in pakhat a pass bawk.


30th. Thursday : April work, ni za inhlawhna chu ni 9 zet thawh a nih hnuah a zo ta.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more