1st. Saturday : Gas Booking leh EKYC fello chungchangah Gas Agent lam te YMA Hall Tlang vengah an lo kala, mi engemawzat in an rawn.
2nd. Sunday : SR&AC chuan VC huose-ah tunhnaia Pi Lalbiakdiki, Kawnveng te buarpui kung kittu leh a zik lo khehtu ni a rinhlelh, Pu Zarzoliana (Mazara) h/o Lallenmawii, Dinthar veng chu thu an zawtfiah a, Pu Mazara hian a tih ngei a nih thu a inpuang. A neitute nen inbe rawn chung zela action lak tura tih a ni.
3rd. Monday : Khawchhung kawng siam, hun engemawchen chawlhsan tawh chu SLT company ten an an thawk tan leh ta.
4th. Tuesday :
Tourism Minister, Pu Lalnginglova Hmar Office Chamber-ah Sakawrhmuituai Tlanga Ni tla thlah chungchang sawiho a ni a. He hunah hian VC te bakah YMA aiawhin President, Tv. Zohmingliana Hnamte leh Asst. Secretary, Pu T. Lalremruata te an tel.
5th. Wednesday :
MHIP te chu Sakawrhmuituai tlangah bawlhhlawh thianfai in an hnatlang.
6th. Thursday :
Hulhliap Short Stay Centre Security duty tura an dah, E&N mi leh sa pakhat chu a kalbo a, mangang taka an zawn hnu-ah dam taka hmuh leh a ni.
7th. Friday : V/C secretary, Pu Hrangthansanga chuan khawtlang hnatlang neih tur chungchangah hriattirna a ti chhuak.
8th. Saturday : Zonet Thazual Award - 2025-ah Sihphir Lelte, Nl J.Lalruatsangi (Praise On) chuan 'Best New Artist - Gospel' Award a dawng.
9th. Sunday : Sihphir Presbyterian kohhran chuan kohhran upa an thlang a, mi pali thlan turah tual upa tang lai, Pu R.K. Ramfangzauva leh Pu H. Lalramchhana te an thlang.
10th. Monday : C. Vanlalruati, kum 88 w/o TC Lalpartlana (L), Arpu Veng chu LRM Hospital, Aizawlah 'Heart Attack'' avangin a boral.
11th. Tuesday : Tamlo veng, Zion veng leh Kawnvengah te
Sihphir Watsan Committee chuan tui an sem.
12th. Wednesday : Ni hnih awh, MSSC Golden Jubilee pual a Inter Branch YMA Mizo Infiamna - 2025, AMC Sports Complex-a neih mekah Sihphir Branch YMA Team (Pate Insuknawr) chuan Tuirial Branch YMA hnehloin lawmman pathumna, trophy leh Rs 5,000/- an la.
13th. Thursday : Zan khat riak turin
Sihphir Venglai PES, Class IX&X te chu Thenzawl leh a chhehvel tlawh turin an zin chhuak. Hetah hian naupang leh zirtirtute nen an vaiin 48 an kal.
14th. Friday : H. Lalrindika (Mapuia) s/o Н. Lalthanglura, Arpuveng leh Lalthangliani (Tetei) d/o Lalthankungi, Leitan Ramthar, chu Sihphir Presbyterian Kohhran biak inah an innei.
15th. Saturday : Bial KTP te chuan Venglai Kohhran Biakinah Synod hospital tan thisen unit 25 an pe. Thisen petute hi mipa 17, hmeichhia 8 an ni.
16th. Sunday : Games and sports association hruaitu te chuan Neihbawi a football khelmual tur chu a dinhmun an en a, Daklalui kawng lama Futsal ground tur an en nghal.
17th. Monday : Lalṭhazova, Pi Zairemi, Rinchhanveng fapa dawr, Arpu a mi chu rawlthar, kumtlinglo pakhatin tala ti chhua in a rawk.
18th. Tuesday : Kawnveng, Twin Market-ah AMC Leiṭha/Leichi chu ₹200/- a hralh chhuah a ni.
19th. Wednesday : Pi Lalchhungi h/o Lalhuapliana (Makawnga), Arpu, ZMC lama enkawl mek chu inlama in enkawl chhunzawm turin a rawn chhuak.
20th. Thursday : Pu Lianchungnunga, Neihbawih te chhungkua chuan an fapa, Zothansiama, January 28, 2024 a boral hriatrengna lung chu ṭhenrual ṭhate sawmin an phun.
21st. Friday : Sihphir Futsal Ground tura ruahman, Daklalui kawnga mi chu JCB hmanga laih tan a ni.
22nd. Saturday : Ni hnih awh tur, Sihphir Bial Catholic Hmeichhe Pawl Inkhawmpui Vawi 13-na chu Holy Spirit Church, Sihphirah tan a ni.
23rd. Sunday : Ni hnih awh, Sihphir Pastor Bial Kohhran Pavalai Pawl (KPP) leh Venghlun KPP ten intlawhtawn program an hman chu a tiak ta.
24th. Monday : Tv David Zodinmawia S/o Zothanzuala, Neihbawi khalh, Ecco Van chu Chanmari Davis' Kitchen bulah thir ban a su in a chesual a, a mi phurh, Venghlun lam mi chuan a chalah hliam tenau a tuar.
25th. Tuesday : Sihphir Road Taxi Stand Welfare te chuan RT Resort, Neihbawihah Assembly an nei a, kumthar hruaitu tur an thlang nghal.
26th. Wednesday : Venglai Kohhran Pavalai Pawl member 12 te chu an kohhran atanga Missionary chhuak, Pu H. Lalfamkima thawhna, New Sachan, Marpara-ah compound hung a work camp nei turin an kal.
27th. Thursday : Tunkar Thawhlehni a tan, Sihphir English Medium Middle School Zonal Sport chu tluang takin zawh a ni a, Little Buds School te an champion.
28th. Friday : Kohhran Hmeichhe Ni a ni a, Sihphir Pastor Bial chhunga Kohhran Hmeichhia te pawn intihhlimna hrang hrang hmangin hun an hmang a, zanriah an kilho nghal.
29th. Saturday : Branch YMA Environment & Forest Sub-Committee member-te chu Thenzawlah Forest hmalakna tlawhin an kal.
30th. Sunday : Home Minister, K. Sapdanga chuan, Synod Camping Center a Hulhliap Short-Stay Centre chawhnu inkhawm a hmanpui a, Task-Group on OlPublic Relations buatsaih, Hulhliap Testimonial (1st, 2nd 3rd batch) documentary a hawng nghal. Home Minister chuan thu sawiin, Hulhliapa awmte chu huaisen taka an harsatna ata tal chhuak ngei turin a fuih a, an harsatna hmachhawn mekah chuan hneh ngei tura duhthlanna te, chumi kawnga kaihruaitute thuawih theihna leh thutlukna fel tak siam tur tein a chah. Hulhliap Short-Stay Centre-ah hian, tun kum June 26, 2025 a din a nih atangin, mipa 1481 leh hmeichhia 47 an zavaiin, mi 1528 -te chu ziah luh an ni tawh a ni.
Comments
Post a Comment