Skip to main content

OCTOBER 2025, SIH(PHIR) DIARY

 

1st. Wednesday : Khawvel huap upa te ni a ni a, YMA hall-ah hman ve a niin bialtu MLA, Pu Lalthansanga chuan khuallian niin a hmanpui.     


2nd. Thursday : Rohrenga hall-ah Gram sabha neih a ni. He hunah hian Annual Action Plan (AAP) leh Gram Panchayat Development Plan (GPDP) a mi tur te thawhkhawm a ni a, kumin chhunga kan hnathawh tur ruahmana siam nghal a ni bawk.


3rd. Friday :

Milk Producer's Co-operative Society Ltd, Sihphir committee  chuan ran chaw man sang zel avangin bawnghnute liter khat man Rs.80/- ni tawh se an ti. Rate thar hi Dt. 6. October 2025 atang hman tan a ni ang.  


4th. Saturday : Pathianni zan thleng awh tur, Sihphir Pastor Bial Masihi Sangati Sammelan vawi 9-na chu Sihphir Hmarvêng Kohhran ah tan a ni. He hunah hian Speaker chu Rev. R.K. Lalawmpuia, Aizawl North bialtu a ni ang.  


5th. Sunday : Pu Sangzawna, kum 63 s/o Chalthangvungi (L), Chhanhim Veng chu a chenna Inah 'Thawhah' natna avangin a boral.    


6th. Monday : Arpu leh Rinchhan vengah gas sem a ni.


7th. Tuesday :     

Sihphir Town Billiards Association chu din thar a ni a. Office Bearers tur te inthlang nghalin chanvo te hi Venghlun lam nen inzahsem a ni.  


8th. Wednesday : Ni thum awh tur, Mizoram Wrestling Association buatsaih, 8th Inter District Wrestling Championship, Senior leh Mizo Inchai Tittle fight challenger's zawnna bakah, Senior National Wrestling Championship leh National School Game's selection chu MSSC indoor hall-ah tan a ni.  


9th. Thursday : Pu P.C Lalremsanga, kum 53 s/o Pc Lalthlamuana, Venglai chu 'TB' natna avangin an Chamdur huanah a boral.  


10th. Friday : Pu VL Aua, Arpu chu a ram riahna, Lungsang ramah a chauh thut avangin chhungkhat laina ten an hruai chhuak.


11th. Saturday : Kawnveng Walfare te chu Twin Market leh a chhehvel tifaiin an hnatlang a, mi 50 vel an thawkchhuak. Hnatlanna-ah hian an Welfare inkhaihhruaina lehkhabu te (booklet) chu Adviser, Pu R. Councilthanga'n a tlangzarh nghal.

 

12th. Sunday : Ningani atanga tan, Aizawl Hmar Presbytery, Sihphir kohhran a hman chu a tiak.


13th. Monday : Taitesena section te chu Pi Zaitluangi te inah an committee a, an hmalak tawhna te thlirletin hmalak zel na tur thil hrang hrang an ngaihtuah.


14th. Tuesday : Venglai Kohhran chuan chhangchhe zan an hmang a, he hunah hian  'Chhungkua a fanau enkawl' tih chu Upa V. Lalrindika chuan a sawi.


15th. Wednesday : YMA Conference Hall, Arpu-ah Branch YMA Office Bearers Meeting (Extended) neih a ni a, chhiatni fund chungchang bakah MSSC Golden Jubilee Inter-Branch YMA

Mizo Infiamna November thlaa neih tur chungchang te an rel.


16th. Thursday : Little Buds School-a Class IV-VIII te chu Elevation Farm,

Lawipu-ah an picnic.


17th. Friday : Lusun Hnemtu Pawl te chuan an

din champha vawi 9 na Pu C. Laldangliana in, Damveng an lawm a. Pathian hnena lawmthu sawina neiin tlaiah chawhlui an kil ho nghal.


18th. Saturday :   Mizoram Chess Association in Mizoram pum huap Chess Tournament "The Grand Fest" ah Pu Cosie Rorelkima, Kawnveng chu a champion.


19th. Sunday : Disable Association chu Pu Dohmingthanga, Tlangveng te inah an inthlang. He pawl hi rualbanlo pawl tihna niin rualbanlo chhungkaw zing hotu ber an tel thin a ni.


20th. Monday :

Mizoram State Sports Council (MSSC) Golden Jubilee lawmna pakhat atana Mizoram Tug of War Association buatsaih, 8th Mizoram State Tug of War Championship, 2025, Ramhlun Sport Complex-a neihah Sihphir Tug of War Team te chuan Durtlang North Team hnehin Mizoram chak ber lawmman atan Medal, Certificate leh 20,000/- an la.


22nd. Tuesday : Sihphir Auto Rickshaw Welfare te chuan RT Resort, Neihbawihah Rising Day lawmin nilengin hun an hmang a, tlaiah chawhlui an kil ho nghal.


23rd. Wednesday: YMA inkhawmpui, Sakawrdai a neih mekah Sihphir lelte, Siampuii Ralte (R. Lalsiampuii) chu 'Aw, Zoram ka neihchhun, aw, a pawi ber' tih hla sa in a zai a, mipui lawm a hlawh hle. 


24th. Thursday : Solomon VL Hmangaihzuala s/o Vanlalzama, Rinchhan Veng leh Rody Lalhruaitluangi d/o Sanghmingliana, Vaphai te chu Sihphir Kohhranah an innei.


25th. Friday : Arpu waiting shed-ah sim card mahni hming ni lo (black sim hmangte) tan  mahni hming a nih leh nihloh check runpui neih a ni.

 

26th. Saturday :V/C te chuan ni za inhlawhna pawisa an khawl hmangin futsal ground tur ram, ₹ 4,100,000/- man, Dakla lui kawnga Pu Lalthankima huan (Pu Lawma huan hlui) chu an lei.

 

27th. Sunday : Sihphir Presbyterian Kohhran

Pavalai Pawl te leh Hnahlan Kohhran

Pavalai Pawl Hnahlan kohhranah intlawhtawnna hlimawm tak an hmang.  


28th. Monday : V/C hnuaia committee peng pakhat, Village Vigilence Committee chuan retailer-a buhfai sem buk tling leh tling lo enfiahin hemi ni veka gas sem pawh an endik nghal.


29th. Tuesday : YMA thlabi committee chu YMA Conference Hall-ah neih a ni.


30th. Wednesday : YMA hruaitute  chuan V/C House-ah tunhnaia khawdang mi laka YMA duty anga insawia mawilo taka khawsa, Lalchhuanawma s/o Lalduhawmi, Uppper Dinthar veng chu an zilh.

 

31st. Friday : MSACS leh YMA tangkawp huaihawtin Rohrenga hall-ah HIV/AIDS awareness campaign neih a ni a, mi 150 vel zet an kal.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more