Skip to main content

ANTI POACHING CAMP SAK ZAWH A NI TA

 (Sawiremtlang heading)


YMA in saza sanctuary a Antipoaching camp kan sak chu kar hmasa Inrinni khan President, Tv Zohmingliana Hnamte hoin branch committee member thenkhat ten hnatlanga chhunzawmin zawh fel a ni ta.


Sanctuary hi camp mual thla kan tih mai, Sethupkawn tlak lam ram, kawngbo ram leh Durlui chhehvel rama awm a ni a, Hectare 700 vel zet a awh a ni. Camp sak hna hi May ni 15 khan bultan niin, ni engemawzat hnatlanga thawh chhuah a ni a, cement leh thing mistiri te tlawmngaiin an thawk nual bawk. 


A awmna hi Raichawm lui kam, tuna bypass road kan tih mai hmuna sak a ni a, lui va pelh phei hret, lui atanga feet 150 velah in hi sak a ni. A ban hi cement concrete niin, beam thlengin cement tih a ni a, lei atanga feet li vela sang niin tehkuala feet 12 zeta zau a ni a, feet riat chhung khung niin pawn lamah hian veranda a kualchhuakin a awm bawk. A chhuatah hian thingzai hman a ni a, a bang hi dap niin a chungah rangva chih a ni bawk. Kawngkapui pakhat leh tukverh pahnih hawn a ni a, hengah te hian YMA colour in rawng mawi taka hnawih vek a ni bawk. 


Camp sakna hi Forest Department atang a hmuh a ni a, ₹1,80,000/- sanction niin tax vel cut hnu in ₹1,30,000/- hmanga sak a ni ta a ni. Forest leh YMA in ram venhimna atana thawk chhuak te chawlh lailawkna atana sak niin tul bik thilah chuan riah na atan pawha hman theih tura ngaih a ni.


A bangah hian

ANTI POACHING CAMP


YMA SANCTUARY CHHUNGAH NUNGCHA RENG RENG VEH LEH TIH HLUM PHAL A NI LO.


LUI, THING LEH MAU TE PAWH HUMHALH TLAT AN NI.


Sihphir Branch YMA - 2025 tih thuziak tar a ni bawk.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more