Skip to main content

YMA IN MI HLAWHTLING TE A CHAWIMAWI

  (Sawiremtlang heading)


Nimin, Zirtawpni zan khan Rohrenga hall-ah Education Sub comtt bultumin HSLC leh a chung lam pass tha te leh Sihphir khuaa kawng hrang hranga mi hlawhtling te chu branch YMA chuan chawimawina a hlan.


He hun hi Nl Ruth Lalhmingmawii leh Tv Lawmsangzuala, Education sub-comtt member te chuan an host a, Nl C. Vanlalduhi Education sub-comtt.member in hunserh a hman leh hnu in Pu R. Lalngentluanga, Chairman, Education sub-comtt. chuan inlawmna thu a sawi bawk. 


Tv C. Lalremsanga, secretary, Sihphir branch YMA chuan report & introduction hun a hmang. Report a a lan danin Sihphir branch YMA hi March ni 24, 1938 a din a ni a, tunah hian member mipa - 1506 leh hmeichhia 1344 (tt 2850) kan awm mek a, Life member 65 kan awm mek bawk. Section hi pali-ah inthenin sub-comtt. 12 a awm bawk.


Hemi zan hian Tv Lalnunhlua, MPS chuan fuihna thu a sawi. Tv Hlutea chuan thusawi tura sawm a nih avanga chang sang a intih thu sawiin a lawm hle thu a sawi hmasa. Hlawhtlinna chungchang sawiin lawmman la tu te fuihin tuna an dinhmun atanga hmasawn tur chuan tuina a pawimawh thu a sawi. Tv Hlutea chuan sawi chhunzawmin tuina hi a tul viau rualin hobby-ah ral mai lo se, eng kawngah pawh hlawhtling tur chuan tul nia kan hriat ang theuha nung turin a chah. Tumruhna hi a pawimawh rualin kawng hrang hrangah tlin tum hi tam tak kan awm theih avangin hemi atana kan hmanrua a inang tlang tawh (IT). He IT (chem) tah hriam thiam thiam a pawimawh thu a sawi. Mihring tha nih tum a pawimawh a, hei ai hian mi fel nih tum a tul leh zual thu a sawiin kan hnathawh na theuhah thawhpui nuam tak nih tum a pawimawh thu a sawi bawk. Chawimawina dawngtu te a lawmpui thu sawiin an kal zelna tura duhsakna hlanin a thusawi tlang a kawm.


Hemi zan hian zirlai ti tha heng : HSLC - 29, HSSLC -14, UG & Above - 52 te chawimawina hlan an ni a, hemi rual hian kawng hrang hranga Sihphir ti hmingthatu mi 18 (hna hmu thar-2, zaithiam -2, kuthnathawk hlawhtling -1 (Pu Malsawmkima Royte, Chhanhim veng) & infiammi -13) te chawimawina hlan an ni bawk. Tin, hemi zan hian special award mi pathum hnenah hlan an ni bawk.


He hunah hian tualchhung zaithiam Nl Siampuii Ralte, Nl J. Lalruatsangi leh Nl Lalhriatrengi Khiangte te chuan thiam takin kalkhawm te min awi a, VCP, Pu R. Lalremruata leh YMA president, Tv Zohmingliana Hnamte ten thu an sawi bawk. Hemi zan hian mi vannei zawnna chu pawhfuh hmanga zawn a ni a, mipui ten an hlimpui hle.


Program te tluang tak hman a nih hnu in branch Asst. Secretary, Pu T Lalremruata, OB incharge ni bawk chuan lawmthu a sawi hnu in Upa HV Lalhrangliana, branch YMA adviser chuan tawngtai in kalkhawm te a tin.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more