1st. Sunday : Chawhmaah Sunday School kan kal. Atei Chhantea te inah a riak leh.
2nd. Monday : Huanah mai kan va lo a, bawrhsaiabe hmun tlem kan thlo bawk. Ruah a sur avangin kan thlo tam hranlo hle. Thlam leh tuikhuah vel chu a bula thing tlu in a lo tui chhe nual tih kan va hmu a, pawi ka ti hle. Atei Chhantea te inah a riak leh.
3rd. Tuesday : Huanah thlam chung ka va thlak. Hlo ka thlo nghal.
4th. Wednesday : Zingkarah Rohrenga hall-ah Gram Sabha neih naah ka kal. Pu Vala huanah Dinga nen bawk kan riak lut leh. Atei chu a haw leh ta. 13/5
5th. Thursday :Ka hna ngai ka thawk leh a, khawl a chhiat avangin kan pahnihin chemin kan sam. Kan zo ta chiahlo naa, a man a lo zawh theih tur thu a sawi avang leh hna a tam tawhlo bawk nen Pu
Vala bulah ka sawi laklawh bawk si avang ten ka haw. Ka tlai deuh avang hian ka inkhawm lo.
6th. Friday : Huanah mai vai pahni thlai hmun kan va thlo. Zanah chanchinbu chhutna, Sawemtluanga te inah ka kal.
7th. Saturday : Huanah sawhthing ka va cho. kan chawh ve theih tak avangin ka lawm viau a, mahse, hun a tepter deuh avang erawh chuan buaithlak ka ti hle. Zing tawngtai inkhawm ka hruai tur a ni a, thawh ka hai avang leh ka lo theihnghilh avang te in ka kal lo a, pawi ka ti hle. Maawmi Chhuanga dawrah leh UPHC-ah te a in entir. Kohhran yearbook chu kan dawng leh hnuhnawh. Ka lawm viau tho e.
8th. Sunday : Chawhma (Pentikos ni a nih avangin Sunday School a awmlo) leh zanah (PCI puala hun hman a ni) te kan inkhawm.
9th. Monday : Loah hmarcha hmun ka va thlo. Khua in min bum avangin sawhthing kan chawhloh phah a, pawi ka ti hle.
10th. Tuesday : Hiuanah thlai hmun ka va sam. Maawmin hlo a thlo thung. Pu J-a A LO KAL VE bawk.
11th. Wednesday : U Biaka tre kuhva hmun, Mualkhang zau a mi chu ka zu sam. YMA chanchinbu a lo thleng. Bike engine oil ka thlak.
12th. Thursday : U Biaka huan ka zu sam leh a, ka riak. Amah hi thim hnu in a rawn lut ve.
13th. Friday : Ka hna ngai ka thAWK LEH A,zoin ka haw. Zanah chanchinbu chhutnaah ka kal.
14th. Saturday : U Biaka huana ka thawh hlawh, Rs 3900/- ka dawng a, ka lawm hle. chutih ruala ration man tur ka ngaih hai avanga Rs 220/- tura Rs 120/- chauh ka lo dil avang erawh chuan zialo ka ti viau thung. YMA day pualin kan hnatlanga, hmun hrang hrangah hnathawka insem darhin thlanmual tyharah ka thawk. hnatlang banah hall-ah emergency meeting kan nei zui. Zualtea chu lu ka meh tir. 13/3
15th. Sunday : Chawhmaah Sunday School kan kal. Chhunah kawmchhak Pa Rammawia bo thu leh a zaWNG TURA THALAI thawhchhuah tur an tih avangin ka thawk chhuak ve. U Remmawia te huan peng kan thlenin thi a hmuh a nih thu ka hria. Ruang lakna, Sarepkawn kham peng lamah chuan ka va kal ve. In thlen hnu in ruang hi a lo chheiat deuh tawh avanga phum nghal tura tih a nih avangin thlan laihnaah ka kal ve nghal. Chumi hnuin a vuina, Y<MA hall-ah ka kal ve leh bawk.
16th. Monday : Loah hmarcha/dania hmun ka va thlo. ‘Mizotawng hman dik chungchang’ tih Synod Litterature & Publication Board chhuah chu kan chhuah hlana kawngkaa lo vinzep chu ka nei hmak. Ka lawm hle. Maawmi khawhar inah a leng cvhho.
17th. Tuesday : Nikum lama ka thawh tawhna, Pa Siama, Durtlang pa ram, Lungtatpar ram a mi samin ka zuk inkhawh. Rs 9000/- in ka theka dawn a ni. Anmahni pawh thlam siamin an lo kal ve. Hawn dawnin kawng lakah bike a nuara, Huan ram chhungah va dah letin ke in ka haw. Maawmi huanah thlai la in a feh thung.
18th. Wednesday : Lungtatparah ka thawk thla leh. Pa Siama a lo kal ve leh bawk. Khuai in min zuk avangin kan haw hma deuh a, a hrehawm deuh avangin zanah damdawi inah ka han in entir. Ka tha e.
19th. Thursday : Fimkhur thu hlaah hna ka la thawklo. U Remmawia te huanah khawl part ka va la. Min pe a ni. Zanah ka inkhawm. Rs 20/- thawhin thAWHLAWM zawng zawng hi Rs 650/- a ni a, mi 20 kan inkhawm.
20th. Friday ; Loah hmarcha hmun ka va thlo a, ka zo. Maawmin huanah thlai a la thung. Zanah chanchinbu chhutnaah ka kal. Volleyball Maawmnin a en duh avang erawh chuan ka awm reilo thung. Chuan, Chhantea te inah leimin tunhnaia turate tanpuina charity match chu kan en. TNT leh Tuichangral intumion kan en zo talo thung.
21st. Saturday ; .YMA hnuaia Environmne,mt & Forest Sub-comtt. Sakawrhmuituai tlanga an phunnaah ECM te min ngewn angin ka han hnatlang ve.
22nd. Sundau : Chawhmaah Sunday School kan kal a, zanah kan inkhawm leh bawk. Tlaiah Asanga te inah ka leng.
23rd. Monday : Pa Siama huan sam chhunzamin ka riak lut.
24th. Tuesday : Ka hna ngai ka thawk leh a, ka riak leh bawk. Pa Siama hian an huan bulah inhlawhna tur min lo hmuh sak chu ka zu en. Thlai hrang hrang hmun niin Rs 8000/- a thawk turin kan inremm. Ka lawm hle.
25th. Wednesday : Ka hna ngai ka thawk leh a, rei ka thawh hma in khawl a chhia. Ka thinrim hle. Haw nghalin Aizawlah part lei hian ka kal nghal. Kristian Tlangau a lo tyhleng.
26th. Thursday : Pa Siama huan chu ka zuk chhunzawm a, Ka zo. A thlanga thawh ka ngaih dawn avangin ka riak zui. Maawmi huanah a feh.
27th. Friday : Chaw tlem ka bar tihin Pa Siama huan thlen hmaa pa pakhat, motor nei chu ka bike min phurh sak theih dawn avangin ka haw a, Vanlaltluanga te workshop-ah ka dah nghal. Chuan, hna thar nei le siin Pa Siama huan tho, Nomawii kawi a mi chu ka zu sam sak leh hnuhnawh. Zanah chanchinbu chhutnaah ka kal. Champhai vengthlang editor, Sihphir makpa ni bawk chuan min rawn telpui.
28th. Saturday : Pa Siama thlang a mi chu ka zu sam tan ta. Pa Siaman a huan ka sam hlawh, Rs 9000/- leh a chhak a mi Rs 500/- te min pe. A chhaka Rs 500/- chauh min pek avangin ka lawm vaklo. Ka bike chu ka va la chhuak. Light a eng theilo thung. Rs 7200/- tur a ni a, Rs 2000/- ka pe phawt. Bike a that tak avangin ka lawm hle. Maawmi huanah a feh. Karleh Nilainiah zing tawngtai inkhawm hruaitu tur ka nih thu ka hria.
29th. Sunday : Chawhmaah Sunday School kan kal. Karleh Inrinni zanah tantu tur ka nih thu ka hria.
30th. Monday : Zing tawngtai inkhawmah ka kal. Loah dania tel 18 (21 siam rem hnu) ka va pawt a, Maawmin huanah thlai a la thung.
Comments
Post a Comment