Skip to main content

MAY 2025, KA DIARY

 

1st. Thursday: Huanah mai hmun ka va thlo. Zanah ka inkhawm. Bawngkawn Shalom KPP ten min rawn tlawh. (Anni hi nikum lam khan kan veng hian an lo tlawh taeh a ni. Ka kal velo) Chuan, inkhawm zat hi chhiar a nilo a, Rs 20/- ka thawh ve. A vaiin Rs 2530/- a ni. Inkhawm banah sihphir in a hmasa ber atan Pro volleyball an khel en tumin Pu Rozuala te inah kan kal a, pay a lo ngai a, an lo thiam silo. Ka thunrim hle. Match hmasa ber en chak nak alaia.


2nd. Friday: Huanah mai leh bawrhsaiabe hmun te ka va thlo. Ka zo. Thuanten an lo buaipui tawh avangin chanchinbu chhutna-ah ka kal lo. 


3rd. Saturday: Hna ka awl thawn tak avangin inah ka awm. Ka lehkhabu chhiar lai chu ka chhiar chhuak ta. (30/3) He lehkhabu hi ka chhar a ni naa, neitu anga insawi an awmloh avangin ka ta angin ka pawm ta mai.


4th. Sunday: Chawhmah-ah Sunday school kan kal a, zanah kan inkhawm leh bawk. YMA chanchinbu, February issue ka chhiar chhuak.


5th. Monday: Loah hmarha hmun ka va thlo.


6th. Tuesday: Huanah thlai lei tha kan va pe.


7th. Wednesday: Lo-ah zawngtah hmun ka va sam. 


8th. Thursday: Lo-ah ser hmun ka va sam. Zanah ka inkhawm. Mi 17 inkhawm in Rs 560/- chu thawhlawm niin kan khawsak harsat em avangin ka thawh ve lo. Inkhawm banah rising day leh Pathian ni zana kan tih tur chungchang ngaihtuah in inkhawm zawng zawng kan thu hnufual.


9th. Friday: Pu Chalhmingthanga (88), Rem mia a pa  (hrawn) chu an chenna inah awmlaiin dar 5:15 ah a thi. Chawhmah-ah mitthi inah hian ka kal. Zanah thian ten chanchinbu an lo buaipui avangin ka kal ve ta lo. Pro volleyball league chu a hmasa ber atan Chhantea te inah kan en a, Sihphir chu TNT lakah 3-0 (25-22, 25-16, 25-21) te in an chak a, ka lawm hle. Atei te chu thingsat a zin turin an kal a, inah bungraw thenkhat a rawn dah. Kawmthlang nula, Siamtei chu missonary a kal turin Arunachal Pradesh panin a chhuak.


10th. Saturday: Huanah thlai hmun ka va thlo. Ka hmarcha phun thenkhat utea ka hman avang nia ngaih theih a thi an awm nual tih ka hmuhin pawi ka ti hle. Zanah Chhantea te inah volleyball kan en. Khawbel leh Anastasia inkhelin Anastasia hi 3-0 (27-25, 25-20, 22-25, 25-22) in an chak a ni.


11th. Sunday: Chawhmaah Sunday School kan kal a, zanah kan inkhawm leh bawk. Zan inkhawm hi PES HSLC pass thar te puala hun hman a ni.


12th. Monday : Huanah strobery kan va phun. Thing behlawi bi nih ka tuh nghal. zanah Chhantea te inah volleyball kan en. Hunthar leh Tuichangral intumin Tuichangral hi 3-0 (25-23, 15-19, 25-20) in an chak. Primary School kan kal laia kan zirtirtu, Pi Zari chu an in luah, Theihaingaw-ah a thi. Vengthar lam an ni a, in luah lawk an nih chauh avangin vengthar lam hian chhiatna inkhaihhruaina zawng zawng an kalpui ang.


13th. Tuesday : huanah mai ka va kap a, hmarha bi ruak ka thawm nghal. Atei thingsat zun chu a rawn tawp. Chhantea te inah a riak leh nghal.


14th. Wednesday: Loah nimbu hmun ka va sam. Zanah ka inkhawm a, inkhawm banah Chhantea te inah volleyball kan en. Hunthar chuan Anastasia chu 1-3 (27-25, 25-21, 25-15, 25-21) in an hnehlo. Atei Chhantea te inah hian a riak leh.


15th. Thursday: In lamah thlai chinna tur leh chhuar siam te in ka awm. Atei Chhantea te inah a riak leh. Ka peih meuhloh avangin zanah ka inkhawm lo.


16th. Friday: Huanah bawrhsaiabe hmun thar tur ka va sam. Thlam kawtah thingfanghma ka phun bawk. Zanah thianten chanchinbu an lo khawih theih avangin ka kallo. Chhantea te inah volleyball kan en. TNT chuan khawbel chu 1-3 (22-25, 10-25, 25-18, 25-20)  in an hnehlo.


17th. Saturday: Fehrehsan thlenga ruah a sur avangin hna ka thawk lo. Zanah Chhantea te inah volleyball kan en. Sihphir chuan Tuichangral chu 1-3 (25-21, 16-25, 21-25, 21-25) in an hnehlo. Semi final an lut phaklo chiah a, ka ui hle. Atei a riak leh nghal. ' Larliani pa sulhlnu' tih lehkhabu, PL Lalparmawia ziak chu a farnu, kawmthlang nu ni bawk, Chhuangi hnen atangin ka hawh.


18th. Sunday: Chawmaah sunday school kan kal. Missionary, Makima lo chhuak chuan rawngbawlna report a pe. Tlaiah Pu Lianthanga camp bulah vai pikup a lum a, ka kal ve nghal. Driver chiah lumnaah hian telin, hliam na a tuarlo hlauh. Atei Chhantea te inah a riak leh. Ponty chu Pune-ah hotel management zir turin a kal.


19th. Monday :  U Remmawia te kuhva hmun, Hmar chaltlang a mi sam turin Lalhmangaiha nen kan riak lut. Tuihna a lo kang avangin tuichawina hmanrua khawchhungah kan han la leh. Hna engmah kan thawh hmanloh phah. Atei Chhantea te inah a riak leh. Aizawl a kal bawk.


20th. Tuesday : Tha takin hna kan thawk a, thiana erawh ruihhlo ngai ngang a ni bawka, a la laktlaklo hle. Kan riak leh. Atei Chhantea te inah a riak leh.


21st. Wednesday : Tha takin hna kan thawk leh a, thiana pawh a ziaawm viau naa, a la pangngai chiahlo. Kan riak leh. Atei Chhantea te inah a riak leh.


22nd. Thursday : Tha takin hna kan thawk dun thei taa, ka lawm hle. Kan ruak leh. Pu Hmangaaiha leh Pu Lalduha te an thi. Atei Chhantea te inah a riak leh. 


23rd. Friday : Tha takin hna kan thawk leh a, zoin kan haw ta. Zanah U Remmawia te iinah va kalin ka va in report a, hlawh Rs 4800/- (1300X4+1000,luh ni -1600 petrol man) te ka la nghala, ka lawm hle. YMA chanchinbu a lo thleng tih ka hriatin ka lawm hle. Atei Chhantea te inah a riak leh. 


24th. Saturday : Huanah thlai hmun ka va tlawh. Pu Lalnunsanga, Pu Thangpuia fapa, Kawnveng leh Pi Silchuhthangi, Pa Muana u, Tlangveng te an thi. Zanah Pu Luia te in lamah ka kal a, dar 11 vwlah ka haw. Atei Aizawl a kal a, Chhantea te inah a riak leh.


25th. Sunday : Chawhmah-ah kan vaiin mitthi in, Pu Luia te in ah kan kal. Maawmi hi Sunday school a kal hmasa thung. Tlaiah kan section YMA ob te kan inah kan comtt. Zanah khawhar in, Pu Luia te in ah ka kal. Atei Chhantea te inah a riak leh. Maawmi zanah a inkhawm.


26th. Monday : Huanah kan nupa in kan va feh. Atei Chhantea te inah a riak leh.


27th. Tuesday : Pu Vala, Neihbawi veng, kumtir lama ka sam tur kha riakluta sam turin ka insiama, kalna tur a remchan loh avangin kan thulh. Huanah bawrhsaiabe hmun ka sam ta daih. Zanah Maawmi a nawm loh avang leh ram riah tuma comtt. ka phat tawh tho avangin YMA comtt. naah ka kal lo. Lalbena, Gurunga fapa, Rinchhan veng chu thinlian avangin a thi. Atei Chhantea te inah a riak leh.


28th. Wednesday : Pu Vala huan sam chuan kan riak lut ta. Dinga, an thenawm pa nen niin a ni hian a bi a lo ti fai thung dawn a ni. Atei Aizawl a kal. Atei a hmasa ber atan kan inah a riak. ‘Parliani pa sulhnu’ tih May ni 17 a ka hawh chu ka chhiar tan. 8/7


29th. Thursday : Tha takin hna ka thawk a, kan riak leh.


30th. Friday : Chawhma lamah ruah a sur avangin hna ka thawk tlem hle. Chawhnu lam erawh ka thawk thei e. Kan riak leh. 


31st. Saturday : Tukpuma ruah a sur avbang leh chawhnu lamah ruahsur tura khawchin thlirtu in a tih bawk si avangin hna thawk loin kan haw. Ka hawn tak avang hian Atei Chhantea te inah a riak chho leh. Karleh Inrinniah zing tawngtai inkhawm hruaitu tur ka ni tih logos atangin ka hria.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more