Skip to main content

CHAPONA

  


Fur khua a ni a, kan kawng te chu a kawi hneh thei hle. Khawchhung kawng pawh heti a nih chuan kan feh kawng phei chu turu tak hi a ni ringawt. Kawng a nal em avangin khawchhak ho iangin bike ke-ah chuan chain te ka vet ve a, a ziaawm viau. Hetianga tih a that na na na chuan a ke thar vuah mai ila a fel mai ang chu tih ka ngaihtuah chhuak a, a ke thar nen chuan kawng nalah pawh ka tang talo. 


Hetiang a nih tak avang hian ka confi. ta hle mai. Ka tluk fo na hmun ka thlen chuan a ke thar ka vuah alawm le tiin speed down hlek lo a ka'n tlan mai chuh. Ka thal chiang teh e. Ke thar ka neih tak avanga chapo ka ni a, ka nat phah ta a ni.


Titanic lawng lian chetsual thu kan hre hlawm ngei in ka ring. A hun laia design leh technology thar ber ber hmanga thuam a nih avanga "Pathian meuh pawhin a ti pil theilo ang" an tih hial he lawng lian tak mai hi British passenger lawng a ni a, mihring 2200 chuang lai phur thei a ni. April 15, 1912 a England (Southampton) atanga USA (New York) pan turin a hmasa ber atan a zin chhuak. Chhe theilo tura ngaih a nih angin chesual turah an inngai lo hrim hrim. Dan a nih avang erawh chuan chhanchhuahna lawng pawh an keng hram. Chu pawh passenger indaih an keng duhlo tih a ni. 


An hmaa chhiatna tur (vur tlang) awm avang chuan fimkhur tura hriattirna (SOS) an dawn pawh ngaihven tha duhloin an tlan muang duh chuanglo a nih kha. Hei vang hian an hmaa vur tlang lian tak chu su in, mi 1500 lai in nunna an chan a ni. 


Chhanchhuahna lawng kha passenger daih keng ni sela, mi tam zawk dama an chhuah a rinawm. Pathian meuh pawhin a ti pil thei lo ang tih an changchawi avangin SOS an dawn pawh ngaihven tha duhloin speed down hlek loin an tlan pur pura, vur tlang lian tak su in khawvel awm chhunga dai tawhlo tur chhiatna rapthlak an tawk ta a nih kha. Heng zawng zawng a thlen chhan chu lawng siamtu/neitu te chapona vang a ni.


Mitinin theihna kan nei vek. Chu kan theihna chu midang neih veloh pawh a ni thei. Mi thenkhat chuan chu chu chhuangin kan induhpui ta thin a, chu chu tuna kan sawi lai 'chapona' chu a ni ta a ni. Mi chapo te chu kan ngei viau thin reng hi. 


Mi fak hma hma a mahni thil tih that lo infak chiam chiam mai te hi chapona thalo leh mi ngei hlawh theihna tak a nih a rinawm. Tin, kan thil neih, mi nawlpui neih phakloh te hmai uang taka sawi ching te pawh kan ngei viau thin a nih hi. 


Mi chapo te kan ngei em em lai hian chapona tha chi pawh a awm thei in a lang. Mawhphurhna kan neih, pawl thila hun hmangtu tur emaw OB vela thlan kan nih ve changa hreh tak chunga kan hlen te hi chapona a nih tho rualin chapona tha a tih theih ang. Inrintawkna te pawh hi chapona tha tak a ni thei ang chu. 'Midangte pawhin an tih theih chu ka ti ve thei tur a ni,' tihna thinlung kan neih loh chuan hlawhtlinna kawng hi zawh thui a har khawp ang. Chuvangin, chapona kan tih hi a hmangtu a zirin thil tha leh tangkai tak a ni thei in a lang.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more