Lalchhanhima Varte

   1st. Thursday : A hmasa ber atan Sihphir Volleyball Club chuan  Pro Volleyball League 2025 khelin 25-15, 25-23, 18-25, 25-22 (3-1) in Anastasia, Electric Veng an hneh.  2nd. Friday: Freddie Lalmuansanga s/o R. Lalthanzama, Biak In veng leh Malsawmdawngliani d/o Lalrinliana Royte, Dam veng te chu Sihphir Kohhranah an innei.   3rd. Saturday :  Rural Industries Association (R.I.A) te chu kuang siamin an hnatlâng. He hunah hian kuang pariat an siam a ni. 4th. Sunday: Venghlui Kohhran Biak Inah Synod Mission Board hnuaia thawk tur Missionary 50 tirh chhuah inkhawm neih a ni. Mi 50 zingah hian Sihphir nula pahnih, Lalnunmawii (Mawiteii) d/o H. Zirsangliana, Kawnveng leh Lalnunsiami (Siamtei) d/o John Lalhmingliana, Venglai te chu an tel. Nl Mawitei hi Bardhaman, Kolkata-ah a awm anga, Nl Siamtei hi Pasigath, Arunachal North-ah a awm thung ang. 5th. Monday: Synod Revival Camping Centre-ah ruihhlo ngaite pual Camping thla khat awh (May 5 - June 5, 2025) chu tan ...

  (Sawiremtlang editorial) Nikum lam khan English Primier League (EPL) chungchangah  'League hlutna' tih hmangin editorial kan ziak tawh a, khami tum khan session tawp ni thlenga champion tur a hriatloh avanga session hmuhnawm bik a nih thu leh mi chak loh zar te pawh a zo theih thu vel kan ziak a nih kha. League-ah hian point hmu sang ber nih a pawimawh viau rualin a tira chaklo tan pawh dinchan theihna chance a awm hi league hlutna a ni awm e.  Tuntum pro volleyball league -ah pawh khan finalist te pahnih, TNT leh Anastasia inkhel result kan en chuan group stage-ah khan TNT hian 3-1 in Anastasia an hneh a, final-ah erawh Anastasia in 3-1 in an hneh ve daih a nih kha. Anni team pahnih hian team dang pawh hnehloh nei ve ve in, chung zingah chuan Sihphir pawh kan tel nghe nghe a nih kha. Kan hneh hnu an ni ve ve tihna a nih chu! Champion ta, Anastasia khan an khelh hmasak na berah Sihphir min tumin an chak talo kha a ni a, he kan hneh hnu team ngei mai hi a tawpa dingchang...

  (Sawiremtlang editorial 17.5.2025) Sihphir VC huamchhungah hian biakina (kohhran) hi pakua lai a awm a, heng kohhran te hian khawtlang thatna turin hna thawk ve bawk mah se an kohhran huamchin bak hi mawhah an la meuh lo. YMA erawh chuan YMA chhungkua mai nilo in heng kohhran zawng zawng hi a huap vek bakah kristian lemlo thleng pawhin a khawtlang hmasawnna turin kawng hrang hrangin hma a la thin.  Ram leh hnam humhalh tih  kumpuana hei leh chen a puan atang ngawt pawh hian YMA hlutna chu kan hre thei awm e. Chhiatni chungchanga YMA hlut zia te hi kan haider lui tlat a nih ngawt loh chuan tun kan hai awm lo e. Hetih lai hian mi thenkhatin 'YMA awm lo mah se Mizo kan nih avângin chhiat tâwk kan awm chhung chuan kan inbuaipui tho ang' an ti fo. Chhungkua leh eng pawlah pawh hian hmahruaitu, hmalatu, mi hûi khâwmtu neih hi a pawimawh êm êm a ni. Chutiang huna kawng tinrenga hmala thintu YMA hi theihtawpin i thlawp ang u.

( Sawiremtlang editorial) Tunlaia khelh mek, Mizoram Pro-Volleyball League-ah a hmasa ber atan Sihphir volleyball club (VC) te chu inlanin team paruk awmna-ah hian rinhlawhlo ber kan ni chungin pangana kan ni thei. Team paruk zinga pangana nih hi hetia ngaih mai chuan inchhuanna tham tling lo viau in a lang naa, kan khaw team te hian an match hmasa berah team tha ve pangngai tak, Anastasia chu an hneh a, hei hi thenkhat chuan team  infawmchawp chuk chuk niin kan hneh avanga tha ta viaua kan inngai kha thil awmlo tak niin an sawi hman a, Sihphir team te chhuanglo takin an lo sawi hmanhmawh a nih kha. Mahse, Anastasia team chhiat lemloh zia chu tun dinhmun an thlen theih dan atang hian a chiang mai awm e. Sihphir team te that tawk loh zia sawi tute tiphur tur tingin kan pawl te hian a lehpek game hnihah an han tlawm leh a ni a, khaw mipui te pawh kan hnual hmanin pakhat kan hneh ve hram kha lungawi mai tur niin an ngai hman hial a ni. Mahse, vawi li theuh an khelh zawh meuh chuan poi...

  (Sawiremtlang heading 17.5.2025) Tunkar Nilaini khan YMA conference hall-ah PHE Department-a Engeneer in Chief ho in Sihphir leh Sihphir Venghlun a khawtlang hruaitute chuan  meeting an nei. Meeting-ah hian Sihphir, Sihphir Venghlun leh Nausel VCM-te an tel a, tlawmngai pawl : YMA, MHIP, MUP te leh Prominent Citizen member-te bakah party tin aiawh-te chu sawm an nih angin an tel bawk. He hunah hian Jal Jeevan Mission (JJM) Scheme hnuaia Water Connection, PHE Department in an thawh mek chu WATSAN Committee kutah an hlan. He hun hi Pu R Lalremruata, VCP Sihphir chuan a kaihruaia, PHE Department atangin Engineer in Chief, Er. HT Duhkima leh a thawhpui thahnem tak an lo kal a ni.     Sihphir lam atangin tun dinhmunah Tui connection chu an tan enkawl a la harsat dawn thu leh tui kham khawp hmuh a la nih loh avangin a enkawl zui zel chu phurrit a nih dawn thu an sawi a. Tui connection pipe (T Cluster) chhia leh T Cluster te UPVC pipe chhiat hma te an sawi bawk....

  (Sawiremtlang editorial) YMA kumthar duan committee January ni 18 a neih chuan January thla chhunga member lak fel ni se a ti a, (thurel 4-na) tichuan, ECM ten mahni bial theuha an chetchhuah sang sang hnu-ah January thla chuan ti fel hman ta chiahlo in February thla-ah erawh kan inching fel hman thung. YMA member atan hian dan bu in a sawi ang in tleirawl/rawlthar atangin member hi a nih theih a, upat lamah bituk a awmlo thung. Hei hi YMA tih a 'young' hi thalai sawina niloin hnam thanglai sawina a nih zawk thu sawi a nih vang a ni. Life member tih loh chu member hi kumtin inlak thar thin a ni. YMA kalphung anga nun tum mi apiang tan member hi a nih theih a ni. YMA chu pawl thianghlim a nih avangin khawtlang tana mi hnawksak tan erawh tel ve a remchang lo thung. Tichuan, tunah hian member chu hmeichhia 1344 leh mipa hi 1503 niin kan vaiin 2847 kan ni ta a ni. Kumin atana kan inchin fel hnu hian member boral hi 7 awm tawhin (Dt.11.2 - 25.4) an nungchangin a zirloh avanga YMA ...

  1st. Tuesday: Power & Electricity Department, Sihphira thawk Pu Lalhmachhuana, EO II leh Pu Okil Rai, Electrical Worker te chuan March thla atanga an pension avangin chawlh an hmang tan. 2nd. Wednesday:  YMA president, Tv Zohmingliana Hnamte leh Treasurer, Pu C. Lalrinawma te chuan sanctuary chunghangah DFO     an dawr. 3rd. Thursday: Pi Lalchhawni te unau chuan an nu leh pa, Pi Sawiluaii leh Pu Lalthantlawma bakah an unau te, Bulthawithanga leh K. Lalnunmawia te hriattengna lung an phun.     4th. Friday: Sihphir Badminton Club te chu Mizoram a Badminton Club inelna sang ber, Badminton Stadium, Zuangtui a khelhah MBA Inter Club Men’s Team-ah an Champion. Anni hi Aizawl District North Zone Men’s Team-ah leh 65+ ah Champion lai an ni mek bawk. 5th. Saturday: Venglai KTP hnuaia Daniala group te chu Kawnvengah  motor sil in an hnatlanga, Isaia group te Upa PC Lalthlamuana in slab chhungin an hnatlang bawk. Venglai KTP-ah hian group pali an ...

  1st. Tuesday : Bualpui (NG) ram chhûng, Sêrzâwl kawngah Myanmar lam mi hnên aṭangin methampetamine mûm 42000, kilogram 4 leh gram 600-a rit; tualchhûng rate-a chêng nuai 59 leh sîng 8 hûa chhût an man. 2nd. Wednesday : Vawk natna, ASF kai vawk 67 thiin vawk 7 suat a ni bawk. 3rd. Thursday : Vawk natna, ASF avangin hmun hrang hrangah vawk 32 a thi. 4th. Friday : Pi Ṭuanzingi (73), m/o Lalbiakremi, Khawzâwl Hermon Vêng chu an chuktuah huanah lum palhin a boral. 5th. Saturday : I-League season tawp ni a ni a, chak ngei ngei ngai, Aizawl FC chuan Namdhari FC chu khêlin si thum faiin an hneh hlauh mai. I-League season thar lo awm tûr an khelh chhunzawm thei dâwn ta! 6th. Sunday : Aizawl Police Station a duty te chuan Lalvenpuia (26) s/o Lalrinchhana, Keitum, Serchhip District (Parmanent Adress : Tuikhuahtlang) chu thu dik lo (False information) hmanga police a bum avangin an man. He pa hian mi in an sawisak avanga hliam tuar angin a insawi a ni. 7th. Monday : Sihhmui a Tlawng lei chu ...

  1st. Tuesday: Diktea te in saknaah ka inhlawh leh. In luah tute an in thiar chhuak tih ka hriatin pawi ka ti hle. 2nd. Wednesday: U Parzama te inah ceiling leh inchung thiatin ka inhlawh. Zanah khawhar inah ka kal. U Bangloa kha YMA a kan member pui a nih angin dekchi, citation leh Rs 12550/- in kan ral nghal. 3rd. Thursday : U Parzama te futsal ground -ah cement chhungin ka inhlawh. Ka xhauh deuh avangin zanah ka inkhawm lo. 4th. Friday : Huanah mai zamna tur ka va siamthaa, fanghma bi nih phunin tui ka leih nghal. Harhna thlen ni a ni a, hemi pual hian zanah ka inkhawm. Inkhawm banah chanhinbu chhutnaah ka kal.  5th. Saturday: Diktea te in sak naah ek khur tur laiin ChDa nen kan inhlawh. Feet-ah Rs 800/- in kan theka dawn a ni. U Parzama te hnena ka hlawh Rs 1300/- kan dawnga, ka lawm hle. 6th. Sunday : Chawhmaah Sunday school kan kala,(senior deptt.atanga lo chho mi pathum hnenah exam lawmman hlan an ni.) Zanah kan inkhawm leh bawk. (MSSU medal engemawzat sem chhuah a ni ...