Skip to main content

OCTOBER 2024, KA DIARY

 


1st. Tueday : U Remmawia te kuhva hmun, Hmar Chaltlang a mi sam turin kan riak lut. Amah bakah U Dangliana tiamin Malsawmkima, Cham zu zuara fapa leh Pi Laii makpa, Ruata te kan ni. Malsawmkima leh U Ruata te nen kan sam dawn a ni. An ni hian a khawl vel an hmang dawn thung. Zanah Ramdinpuia’n Maawmi a riah pui.


2nd. Wednesday : Kan hna ngai kan thawk leh a, kan riak leh. Ramdinpuia’n Maawmi a rih[ui leh.


3rd. Thursday : Kan hna ngai kan thawk leh a, kan riak leh. U Dangliana leh Malsawmkima ten chakai an chhit. Zanah Ponty’n Maawmi a riahpui ve thung.


4th. friday : Kan hna ngai kan thawk leh a, ka nriak leh. U Remmawia leh U Dangliana ten chakai an chhit. Zanah Ponty’n Maawmi a riahpui leh.


5th. Saturday : Kan hna ngai kanb thawk leh a, kan haw ta. Chuan, hlawh Rs 6000/- ka la nghala, petrol a lo lei tawh avangin Rs 500/- kan paih a ni. Kristian Tlangau leh YMA chanchinbu September issue te an lo thleng tih ka hriatin ka lawm hle.


6th. Sunday : Bial Masihi Samelan (inkhawmpui) kan kohhranin kan dawn avangin Sunday School a awmlo a, nilengin kan inkhawm lo. Inkhawmpui-ah hian Pitea chu speaker a ni. Ka lehkhabu chhiar lai chu ka chhiar chhuask te. 12/9


7th. Monday : Huianah thlai dinhmun ka va en. An lo tha viau e. Ka article ziah lai chu ka zo ta a, (15/8) ‘Kum 12 zet a liam ta’ tih thupui a hmangin article ka ziak tan leh nghal. Hei hi Italy a ka tan chungchanga kan buaina chungchang vel kha a ni. Ka article ziah zawh tak, ‘Kei leh social Media’ tih chu chanchinbu a chhuah turin ka dah lut.


8th. Tuesday : Kan section YMA te thlan laiin kan hnatlang. Mahse, kan laih sa a chim avangin a hran kan lai a, ruahsur in min tih buai zui avangin kan bansan. Hlawhfaa chhunzawm mai kan rel.


9th. Wednesday : Huanah antam tel 29 kan va la. Chawhnu-ah Sakawrhmuituai tlangah Tuaia nen kan leng.


10th. Thursday : Huanah antam hmun ka va thlo.


11th. Friday : Huanah antam hm un ka va thlo leh. zanah Maawmi kohhrasn hla kutpui a mi tur hla zirin a chhuak a, kei chanchinbu buaipuiin joint editor, Mesty-a tre inah ka kal thung. Chhuah tur a tam avangin ka article a leng leh rihlo. Atei a lo chho a, (22/10) kawmchhakah a riak. Zingv tawngtai inkhawmah ka kal a, thla leh ni 8 a ka hruai tur thu ka hria. Ka simcard hman lai, vodafone chu signal a chhiat em avangin airtel-ah ka thlak. A la nung nghal chuanglo na a.


12th. Saturday : Engmah ka thawklo. Atei Aizawla kal. Kawmchhakah a riak leh. Mami pi, Bawngkawn a thi.


13th. Sunday : Chawhmaah Sunday School kan kal. Superentendent sawmna angin makpa, Siama chuan thawhlawm a hlan. Chhun atangin zan thlengin ka khua a sik. Atei kawmchhakah a riak leh.


14th. Monday : Ka la nawm chiahloh avangin hna ka thawklo. Atei Aizawl a kal a, kawmchhakah a riak leh bawk.


15th. Tuesday : Forest Deptt. hnuaiah Neihbawi kawng samin ka inhlawh. Atei Aizawl a kal a, kawmchhakah a riak leh bawk. Zing tawngtai inkhawmah ka kal. Kan Lungsang huan chu LSC turin dilna LAD office a theghlut turin staff, Padika ka thawn.


16th. Wednesday : Maawmi zing tawngtai inkhawmah a kal. Ka hna ngai ka thawk leh. Atei Aizawl a kala, kawmchhakah a riak leh bawk.


17th. Thursday : Zing tawngtai inkhawmah kan nupa in kan kal. Huanah antam tel 14 kan va la dun leh bawk. Chawhnuah Mampuitea chu ka bike ecelerator ka va siam tir. Inchung Mimi chuan fanu a nei thar. Atei kawmchhakah a riak leh.


18th. Friday : Kawng dung samin ka inhlawh leh. Zanah kan kohhranin hla kutpui kan hmanna inkhawm kohhran hall-a neihah kan kal a, mi 11 zet solo in, an zingah hian Ponty pawh a tel. Kristian Tlangau a lo thleng. Atei kawmchhakah a riak leh.


19th. Saturday : Zing tawngtai inkhawmah kan nupa in kan kal. Chhunah YMA comtt. member te thutthleng siamthat hnatlangah ka han thawk. Zanah ka inkhawma, hla kutpui prog. kal zelah Synod Choir night a hun hman a niin hla panga an saa, report an neih bakah sermon tawi leh tanna hun te an rawn chang bawk a, kohheran zaipawl an zai bawk. Tlaiah naktuk lama section YMA hnatlang tur te sawmin OB te kan hnatlang. Atei, Sairangah Asawmi te rualin a kal. Kawmchhakah a riak leh.


20th. Sunday : Sakawrhjmuituai tlangah kan section YMA te entry fee khawnin kan hnatlanga, Maawmi chawhma leh chawhnu te a lo inkhawm thung. Chawhnuah hian hla kutpui hman chhunzawm a ni a, bial then zaipawl intihsiakah a tel ve. Atei Mimi damdawi in awm tlawhin Durtklangah a kal. Kawmchhakah a riak leh. U Mazuala, Vengtawp nen an kuhva huan Hmar Chaltlang a mi sam turin kan inbia a, ni khatah Rs 1400/- hlawh turin kan inbia.


21st. U Hmai te thingthupui hmun, Mota lui a mi samin ka han inhlawh. Hlawh, Rs 1300/- ka la nghala, ka lawm hle. Atei Aizawl a kal a, kawmchhakah a riak leh.


22nd. Tuesday : U Mazuala, Vengtawp kuhva hmun Hmar Chaltlang a mi sam turin Chungtea nen kan riak lut. Amah pawh hi a lokal ve naa, huan thglen hmaa mau a phur a, a haw leh nghal a ni.Tlaiah hna tlem ka thawh laiin khawl a chhe mauh mai a, a spare ka ken lah a nung thei chuang silo. Buaithlak tak a ni. Atei a haw leh ta. 11/10


23rd. Wednesday : Khawl a that theih ch ua nloh avangin kuhva bi kan ti fai tawp mai. Hei hi Chungte tih tur a ni a, khawl a hman theih tak silohah chuan ka pui ve ta mai a ni. Chuan, kan riak leh.


24th. Thursday : Kuhva hmun kan sam a, kan haw ta. Ka khawl te chu siam turin Rema hnenah ka dfah nghal.


25th. Friday : KLhawl part leiin Aizawl ka kal. Maawmi zing tawngtai inkhawmah a kal. Zara lu ka mehtir. (28/12) Ka fona simcard vadafone atanga airtel a ka thlak chu a nung ta.


26th. Saturday : U Hmai te huanah ka han thawk leh. Zanah (ka inkhawmlo) inkhawm banah arm wrestling practice naah ka kal. YMA chanchinbu a lo thleng.


27th. Sunday : Arm Wrestling club te Sakawrhmuituai tlang entry fee khawnin kan hnatlang. Sunday School kal loin ka kal a, chhunah pawisa dawng vturin Maawmi lehj Mahlani te an lo kal ve. Anni hi inhlawh tura sawm an ni a, Kima chu motor enfel turin a rawn inhlawh bawk. Kan ban tlai deuh avangin chaw ei loin kan inkhawm. Thu leh hla zan a hun hman a ni a, Tv Lalhruaitluanga Chawngte, Mission Vengthlang chuan thu a sawi a, Lalduhsaki, Durtlang chu tumhnih a solo bawk.


28th. Monday : Aringa power bank MAH 20000 chu Rs 2200/- in ka lei. U Mazuala huana riak turin Chungte a nen kan lut. Maawmi zing tawngtai inkhawmah a kal.


29th. Tuesday : Maawmi zing tawngtai inkhawmah a kal. Kan hna chu kan thawk tan ta. Keiin kuhva hmun samin Chungtea’n a lo rih vur thung a ni. Chhun chawlh laiin Chungtea’n ka power bank thar hmangin a phone a charge chhin a, a lo hek phian avangin pawi ka ti hle. Aringa be nghalin a thleng theih tur thu a sawi avang erawh chuan ka lawm hle thung. Chawhnu kan bung leh, Chungtea iptepawi lei a a lo dfah chu hmuloin ka vai nawk mai. Fon a lo dah si. Ka tih chhiat saka, pawi ka ti hle. Tichuan, kan riak leh. Inrinnia U Hmaite huan ka sam hlawh Rs 1300/- ka laa, ka lawm hle.


30th. Wednesday : Maawmi zing tawngtai inkhawmah a kal. Kan hna ngai kan thawk leh. U Mazuala leh Lalbiaknunga te an lo lut ve. Tichuan, kan riak tlang.


31st. Thursday : U Mazuala te pahnih an haw. Keinin kan hna ngai thawkin kan riak leh thung.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more