1st. Sunday : Khawvel pum huapa Kristiante Ni Pawimawh “Bible Sunday” a ni a, Mizoram Kohhran hrang hrang ten urhsun takin an hmang.
2nd. Monday : Sairâng Dinthar area – Tlawng lui, Sêrkai lui chhuahah Suniram Hembron, Assam nia hriat ruang hmuh a ni.
3rd. Tuesday : MZP buatsaih Zo Fest vawi 10-na, December ni 6 thleng awh tûr chu West Phailêngah ṭan a ni.
4th. Wednesday : Saipûmah Thanghauva chuan Hentenchun (26), Saipûm Chhim Vênga a thianpate ina khawsa, Nagaland lam mi chu a kâp hlum.
5th. Thursday : Zofa ten Comedian kan neih that leh min tihlim thin em emtu, Comedian Search a pakhatna ni hmasa ber, Lalchharliana Kawlni chuan nupui duhawm tak, PC Lalhriatchhungi, Ramthar veng chu a nei.
6th. Friday : India hmar chhak puala buatsaih, Ashtalakshmi Mahotsav chu Prime Minister, Narendra Modi chuan New Delhi-ah a hawng. Hre hunah hian Mizoram sorkar aiawhin Pu Lalnghinglova Hmar, Minister of State, Sports & Youth Services, LESDE leh Excise & Narcotics chu a tel.
7th. Saturday : P. C. Zothanpuii, Sihphir, tuna Research Scholar leh MZU a Ph.D (Forestry) ti mek thuziak "Tree Inventory and Carbon Storage of Assam Rifle campus" tih chu Chief Minister, Pu Lalduhawma'n Hyve, Aizawl City Hall-ah a tlangzarh. Tlangzarh inkhawm hi Centre for Environment & Social Justice in an kaihruai a ni.
8th. Sunday : December 3 a tan Synod, Mission veng kohhrana neih chu a tiak ta. He hunah ho an pastor 17 nemngheh niin pro pastor 19 dahngheh an ni bawk. Tum 2025 Synod moderator atan, Rev John Raldosanga, Bethlehem Venglai thlan a ni bawk.
9th. Monday : Opppsition Leader Pu Lalchhandama Ralte, MNF Vice President ni bawk chuan kuthnathawktu thawkrim tak takte thawhrah ang ang hi sorkar hian a intiam ang ngeiin lei sak rawh se tih thu Mizo Hnam Runa MNF chhung inkhawm neihah a sawi.
10th. Tuesday : Ni 8.12.2024 zana a mipa pakhatin khawlaia hmeichhe pakhat kut a thlak lai video, social media-a darh chiama mipa C. Lalnunfela (22), Chanmari West
chu police-te'n manin, Aizawl District Court-ah hruai nghal a ni a, court remtihnain District Jail, Aizawlah dah luh nghal a ni.
11th. Wednesday : Mahindra XUV3XO Mizo Inchai Title Fight 2024
December 9 atanga LPS Arena, Falkland neih chu a hmawr bawk a ni ta. He Mizo Palian inchai champion za annals hian Lalsangliana, Upper Republic chuan amah chotu Lalrinchhana Sailo, North Vanlaiphai chu hnehin a title a humhim.
12th. Thursday : Assam Rifles Madir kual, kea kalna a hmeichhe kutdawh, damlo pakhat chu Department of Women & Child Development (WCD) Gov't. of Mizoram hnuaia hmeichhe baihvaite enkawlna, 'Shati Sadan' Tlangnuam, Aizawlah Pi Vanramchhuangi (Ruatfela nu) chuan a dah lut.
13th. Friday : International Paragliding Championship 2024, Serchhipa neih mekah CM, Pu Lalduhoma a thlawk ve. Hei hi a vawikhat thlawhna niloin a hmain tumkhat a lo thlawk tawh bawk.
14th. Saturday : Kan hma lawka Chrismas lo thleng tur pualin Mizoram Governor, Dr. Hari Babu Kambhampati leh a nupui, Lady Governor Jayasree Kambhampati te hovin Raj Bhavan-ah Christmas Carol hlimawm tak hman a ni. He hun hi Aizawl West-I Area Masihi Sangati, Mizoram Presbyterian Church member-ten an tel pui a ni.
15th. Sunday : Thuampui Venglai Presbyterian ram bukte chhungah Lalsiamthari (44) w/o Thangchungnunga, Zemabawk (Lunglei road) ruang chhar a ni.
16th. Monday : Tourism Minister, Pi Lalrinpuii chuan, AR Lammualah, Mizoram Sawrkar Tourism Department buatsaih Winter Festival 2024 chu khuallian niin a hawng. Hawnna hunah hian khuallian Tourism Minister, Pi Lalrinpuii chuan thu sawiin, Winter Festival kaihhnawiha Sawrkar Department hrang hrangte thawhhona chu fakawm a tih thu a sawi a. Department-te mai bakah hian khawtlang, mimal leh pawl hrang hrangte tan pawha hlawkna thlen thei tur tinzawna sawrkar hmalakna chu chhunzawm tlak hle ni a a hriat thu a sawi bawk. Winter Festival 2024 hian tun thla December ni 21, 2024 thleng a awh dawn a. Festival hi AR Ground, Lammual mai bakah Reiek leh Hmuifangahte neih a ni dawn a ni.
17th. Tuesday : Lammual-a Winter Festival neih mekah ‘Pro Panja Mizoram Mega Match’ chu hlawhtling taka neih a ni. He hunah hian Mizo arm wrestler tha te leh state pawn-a arm wrestler langsar te an in elh a, round nga awm in Mizo player te 3-2 in an chak. Main event-ah Denic Lalruattluanga’n Kazakhstan atanga rawn kal, Ansanali chu 3-0 in a hneh a ni. He hunah hian Denic-a bakah C. Lalnunpuia, Vanlallura, B. Lalremruatkima leh Raymond K. Lalrinpuia te an inlan a ni.
18th. Wednesday : Champhai District Jail a tang mek hmeichhe pahnih, Suinunfeli, kum 36 Tahan C-Group Myanmar leh Lalchhanmawii, kum 44, Khawmawi, Myanmar te chu Jail bang hungna rangva tichhiain an tlanchhuak.
19th. Thursday : David Lalmuanpuia, kum 31, s/o Nunthangmawii
Tuirial Airfield chu an khaw VDP pisa-ah a boral. Khawtlanga duty te kutthlak na avangin nia hriat a ni.
20th. Friday :
Mizoram Journalists' Association (MJA) General Headquarters chuan an member-te leh anmahni duhsaktute'n Charity Fund an thawh khawm pawisate chu Civil Hospital, Aizawl hnenah Rs 50,000/- leh Mizoram State Cancer Institute (MSCI) hnenah Rs 37,370/- te an hlân a, an member kum 70 tling chin mi pakua hnenah Krismas thilpek an hlan bawk.
21st. Saturday : Tuikual South, Aizawl a cheng, Rochhunga Rokhum (69) leh a nupui, Rozami (67) te chu ni khat thil thu-ah an boral. An nu zawk, Rozami hi chawhma lama boral a ni a, an pa hi zan lama boral a ni thung.
22nd. Sunday : Excise & Narcotics Department in Aizawl khawpuia Special Drive a kalpui-ah NDPS Act leh MLP Act tlawhchhanin mi 16 an man.
Aizawl khawpui hmun hrang hrang fang kual turin Excise & Narcotics enforcement-te hi team 13-ah an insiam a ni.
23rh. Monday :
Coordination Committee on Traffic Management in a ruahman angin ni thum awh turin No Vehicle Zone kalpui tan a ni. Zone hi Chanmari leh Zodin Square inkarah zing dar 10:00 atanga tlai dar 4:00 chhungin kalpui tur a ni a. Zone hi vawiin bakah urlawk ni leh kum tawp ni-ah kalpui a ni leh ang.
24th. Tuesday :
Aizawl Municipal Corporation (AMC) chuan kumin Krismas leh kum thar 2025 lo thleng tur puala Aizawl khawpui kawn cheimawi zual 10 hnenah lawmman a hlan. Lawmman dawngtu te chu : 1.Zuangtui, Lungphun Kawn Chei Committee
2. Tuikhuahtlang YMA
3. Tlangnuam, Chawngbawla Section YMA
4. Chanmari West, Salvation Army
5. Mission Vengthlang YMA (lawmman 3 an dawng)
6. Mission Veng YMA
7. Chanmari YMA
8. Kulikawn YMA
25th. Wednesday : April ni 1 atanga bo, Aizawl sahuan a savawm chu him takin cage trap hmanga man a ni.
He savawm hi thli leh ruah rawn thawkah khan, a dahna enclosure bula lamkhuang kung a chhem tliah, a hungna banga invaw liam atanga chhuak ta a ni. Savawm chhuak hi man leh ngei tumin, Wildlife Division leh Range danga thawkte thengin nasa takin an bei thin a, an hlawhtling ta a ni.
26th. Thursday: PB Lalhruaimâwia (36) w/o Biakthanhliri (Tebawihi) Zemabâwk chu scooty-a che sualin a boral.
27th. Friday : Mizoram Food Processing Industries Corporation Ltd. (MIFCO) Chhingchhip-ah serthlum tui sawr bul tan thar leh a ni. Hemi chungchangah hian MIFCO Chairman, Pu Lalthazuala Rawite chuan, 'eirukna tel loin hmalak chhoh a ni dawn' a ti. MIFCO Chhingchhip ten Serthlum an sawr mek hi Serchhip District a Hualtu khua te thar niin, ‘Tui Bon Natural Pvt Ltd’ Chaltlang Aizawl ten Hualtu khua te thar, Serthlum leiin, MIFCO Chhingchhip hian lo sawr sakin, state pawn lamah man man zawkin an pe chhawng leh dawn a ni.
28th. Saturday : Melriat Pastor Bial KTP chuan ZMC-ah a mamawh apiang hman turin thisen unit 79 an pe a, thisen petu te hi hmeichhia 18 leh mipa 61 an ni.
29th. Sunday : Lunglei Hrangchalkawn dai-ah tuialhthei phur truck a kang a, driver leh handyman na vak loin an hliam. Truck hian petrol, plastic zém (barrel) 10 a phur a ni.
30th. Monday : Chief Secretary, Pu Khilli Ram Meena, IAS hovin CS Conference Hall, MINECO-ah January ni 8, 2025-a Aizawl lo thleng tur Mizoram Governor Designate General (Dr.) Vijay Kumar Singh, PVSM, AVSM, YSM, ADC chu Lengpui Airport-ah hmuah dan tur leh a tuk January ni 9, 2025-a Mizoram Governor anga lakluh hun 'Swearing-in Ceremony' Raj Bhawan-a neih dan tur rel ho a ni.
Ruahman dan chuan Chief Minister hovin Minister ruatte leh Official pawimawh engemawzatten Lengpui Airport-ah an hmuak ang a. National Salute leh National Anthem te nen dawnsawn a nih hnuah Raj Bhawan panpui nghal a ni ang. Tichuan, a tuk ni 9th January, 2025-ah Circular Lawn, Raj Bhawan-ah Governor lakluhna inkhawm 'Swearing-in Ceremony' chu urhsun taka hman tum a ni.
31st. Tuesday: C. Malsawmdawngliana, kum 47 h/o Lalbiaknungi, Sihphir chu Ebenezer Hospital, Aizawlah 'Pneumonia' natna avangin a boral. Tunah hian Hnahlan PES-ah Principal hna a thawk mek a ni.
Comments
Post a Comment