Skip to main content

AUGUST 2024, KA DIARY

 

1st. Thursday : Huanaqh thlai hmun tur ka va ti fai. U Riunzuala te lo kawng ka sam hlawh Rs 3900/- Maawmin a lo dawng a, ka lawm hle. Ram leh hnam humhalh’ tih thupui a hmanin article ka ziak tan.8/8


2nd. Friday : Khua a nawmloh avangin ram ka kallo. Zanah YMA hall-ah YMA kan comtt. YMA chanchinbu ka la nghal. Hei vang hian chanchinbu chhutnaah ka kallo.


3rd. Saturday ; Huanah sawhthing hmun ka va thlo.


4th. Sunday : Khuantevikah Pa Lianmawia a thi. In lam leh biakin vuinaah ka kal ve ve. Biakina vuinaah hian Maawmi a inkhawm ve. Thenawm Pa Tluanga a zual deuh avangin tlai leh zanah te kan leng ve. Zanah khawhar inah ka kal a, ka hruai. Maawmi a inkhawm thung. Karleh Nilaini zana tantu tur ka nih thu min hrilh.


5th. Monday : Huanah sawhthing hmun ka va thlo. Zawl ka tihfaiah antam ka theh nghal. Zanah Pa Tluanga te inah kan leng. Kan vawk pakhat zawk a damlo ve leh.


6th. Tuesday : Huanah sawhthing hmun ka va thlo. Zanah khawhar inah ka kal. Pa Lianmawia kha YMA member a nih angin dekchi, citation leh Rs 11650/- in kan ral nghal. Pawnah thu in ruahin min far theih avangin ban hma in ka haw.


7th. Wednesday : Zinga vawk chaw pe tura ka kal chu kan vawk damlo hmasa zawk chu a lo thi ngat mai. Pawi ka ti takzet a ni. Thenawm Petera sawmin a thlangah kan phum nghal. Hemi rual hian a la tha zawk pawh dam zo dawna kan hriat loh avangin khawnghlumin kan phum ve nghal. Rilru a na duh khawp mai. Hemi pual hian article ka ziak nghal. (9/8) Hetih lai hian ka article ziah lai ‘Ram leh hnam humhalh’ tih chu ka la zo chuanglo. Pawhdawh chhuar chu Mimi hnen atangin Rs 11000/- in kan lei a, Rs 5000/- pe phawtin Rs 6000/- lan la ba rih dawn a ni. Zanah ka inkhawma, tantu ka ni. Chang tarlan pahnmih zinga Sam 19:7 chu chhiarin hemi hlawm a mi chang 11 thlengin ka chhiar nghal. Hemi zan hian hruaitu chu Upa Duhawma niin Andrew-a chuan thupui a hawng.


8th. Thursday : Zing tawngtai inkhawmah ka kal. Loah nimbu hmun ka va sam. Ka article, ‘Ram leh hnam humhalh’ tih chu ka ziak zo ta. (1/8) A nu thih champha (8.8.88) a ni a, a pual hian facebook pro pic-ah a thlalak ka hmang.


9th. Friday : Huanah sawhthing hmun ka va thlo. Tunlai chu kan secretary, Rinawma a active riau avangin chanchinbu chhutnaah ka kal kjhat hle. Zanin pawn ka kallo a ni. Contribution erawh ka thawh tho na a. Ka article chu zo felelin chanchinbu a chhuah turin ka dah nghal. 7/8


10th. Saturday ; Ka khawl pakhat a cxhianloh avangin hna thawh ka duh si a, zingkarah lo a mi ka va la. Chuan, Sakawrhmuituai tlangah Sihphir kohhran Ramthar sub-comtt. ho hna chu Rema nen kan han thawhpui a ni. Hlawh Rs 1300/- ka la nhal a, ka lawm hle. Sakawrhmuituai tlang chu Nu DR-i’n Rs 40000/- ‘Rema nen thek  ula’ a tia, ka lawm hle.


11th. Sunday : Chawhmaah ?Sunday School kan kal a, Zanah kan inkhawm leh bawk. Inkhawm banah Pa Rozuala te inah kan leng.


12th. Monday : Sakawrhmuituai tlang chu ka han sm tan. Thawk dun loin chan kan insem a ni. Maawmi zing tawngtai inkhawmah a kal.


13th. Tuesday : Ka hna ngai ka thawk leh.


14th. Wednesday : Ka hna ngai ka thawk leh. Pu CHuaua, Maaw,a pa, Upper Dinthar veng chu thawhah avangin an inah a thi.


15th. Thursday : Chawhmaah mitthi inah ka kal. ‘Social media leh kei’ tih thupui a hmangin article ka ziak tan. (7/10) Kristian Tlangau a lo thleng. YMA chanchinbu Jult issue ka chhiar chhuak.


16th. Friday : Ka hna ngai ka thawk leh. Zan dar 11-ah thenawm Pa Tluanga a thi a, kan nupa in tho leh in keimah bik chu ka tlaivar zui.


17th. Saturday : Nilengin Pa Tluanga thihna lamah ka awm. Zan thalai hunah ka kal leh bawk. Tan hma deuh thleng Maawmi pawh a rawn thu ve.


18th. Sunday : Chawhmaah Sunday School kan kal a, (Pathian ram lakkhawm ni a ni a, Rs 1500/- kan pe. Building special ip a vawikhat nana lakkhawm nghal a ni a, Rs 200/- kan dah bawk.) Chawhnuah ka inkhawma, Maawmi zanah a inkhawm ve thung. Kei khawhar inah ka kal thung a, Pa Tluanga kha YMA member a nih angin dekchi, citation leh Rs     in kan ral nghal.


19th. Monday : Khua a chhiat avbangin hna ka thawk lo. Mera lu ka meh tir. (21/5) Au te bike, May ni 22 a bo chu Silchar-ah hmuh a nih thu dawn a ni. Ka lawm kher mai. Thenawm Lalrohlua’n nupui a ru tih ka hriatin mak ka ti hle.


20th. Tuesday : Khua a la nawm theihloh avangin hna a thawh theihloh. Zanah Nu Rengi te khawhar inah kan leng. ponty Silchar kalin gamchha min rawn hawn a, ka lawm hle.


21st. Wednesday : Sakawrhmuituai tlangah ka hna ka han chhunzawm. Khua a nawm chuanloh avangin ka bang hma hle.


22nd. Thursday : Ka hna ngai ka thawk leh. Zanah Maawmiv Nu Rengi te inah a leng.


23rd. Friday : Ka hna ngai ka thawk leh. Zanah YMA kumpuan sub-comtt. te vai ILP endikin kan kal kual.


24th. Saturday : Zingah dawr a ka chhoh hnu in Maawmi’n kan pawisa a bo vek thu a rawn sawi. Rs 20000/- chuang zet bo niin kan hria a, pawi kan ti takzet a ni. SA & AC-ah kan han report ve a, awmzia awm tak maw. Ka hna ngai ka han tyhawk leh. Seventh Day ho chuan lehkhabu pahnmih, ‘Mihring siam a nih dan & thihhnu awm dan tur’ tih leh ‘Shabbath leh Sunday thu a zawhna leh chhanna’ tih te chu a thlawnin an rawn sem a, ka lawm hle.


25th. Sunday :  Chawhmaah Sunday School kan kal.


26th. Monday : Ka hna ngai ka han thawk leh. Khawl a cxhhiat avbangin inah a hran ka zu la. Inchung te chu Pu Nghaka inah an insawn phei. An luah lai hi Mimi ten an rawn luah dawn a ni.


27th. Tuesday : Ka hna ngai ka thawk leh a, ka zo ta. Ka lawm kher mai. Ni 10 chhung ka thawk tihna a nih chu.


28th. Wednesday : KLhiua a nawmloh avangin engmah ka thawklo. Mimi te chu inchungah an rawn insawn lut.


29th. Thursday : Central YMA hall-ah Mizo tawngh zirhona hun chanchinbu enkawltu te puala buatsaihah Sawiremtlang editorial board member ka nih anghin ka zu tel ve. A kal ten kan kal tih lantirna certificate kan dawng vek a, TA Rs 500/- ka dawn bakah branch (editorial board) atangin Rs 300/- ka dawng bawk. Banah ka bazar haw nghal. Huanah U Masaii leh Chhuangi te sawhthing hmun thlo in an va inhlawh. Mahse, Chhuangi u a thih avangin koh hawn an ni a, chawhma takngial pawh anthawk hmanlo.


30th. Friday : Huanah sawhthing hmun ka va thlo. Pa Siama, Durtylang nen an Lungtatpar ram chu Rs 9000/- a thawk turin kan inbia.


31st. Saturday : Lungtatpar ramah chuan ka thawk thla. Khawl a chianloh avangin ka thawk meuhlo. Tlaiah Rema hnenah siam turin ka dah chho. Karleh Nilaini zingah zingh tawngtai inkhawm hruaitu tur ka nih thu ka hria. Au Rina, Durtylang te nupa an inthen tih ka hriatin pawi ka ti hle.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more