1st. Sunday : Khawvel pum huapa Kristiante Ni pawimawh, “Bible Sunday” a ni a, tualchhung kohhran hrang hrang te pawhin urhsun takin an hmang hlawm.
2nd. Monday : Sakawrhmuituai tlang sang laia khawthlirna tur (Telescope) hmun siam mêk a hman lai, tui dahkhawl sa chu leihbuak a ni tih hmuh a ni.
3rd. Tuesday : Neihbawih Welfare te chuan Krismas leh Kumthar lo thleng tur pualin vêngchhûng thenfai hnatlâng an nei a, mi 101 an thawkchhuak.
4th. Wednesday : Govt Sihphir High School te chuan Murray Picnic Spot-ah outing an nei.
5th. Thursday : Sihphir Teachers' Association (STA) te chuan an member pui, Pu Lalrintluanga Hindi Teacher, Govt. M/S II, Sihphir, December ni 31 a pension tur thlahna hun a chenna in, Chhanhim vengah an nei a, tlaiah chawhlui an kil ho nghal. Pu Rina hi
1997, July thla atang khan sorkar-ah a lut a ni.
6th. Friday : YMA kumtawp committee chu conference hall-ah neih a ni.
7th. Saturday : Nl P. C. Zothanpuii d/o Pu P. C. Thanbanglova, Kawnveng, tuna Research Scholar leh MZU a PhD (Forestry) ti mek thuziak "Tree Inventory and Carbon Storage of Assam Rifle campus" tih chu Chief Minister, Pu Lalduhawma chuan Hyve, Aizawl City Hall-ah a tlangzarh.
8th. Sunday : Tunkâr Thawhlehni zân aṭang tan, Synod Inkhawmpui Vawi 101-na, Mission Vengthlang Kohhran Biak Ina neih chu a tiak. Inkhawmpui-ah hian Pro Pastor 19 dahngheh an ni a, heng zingah hian Tv. R. Vanhmingmawia s/o R. Vanrammawia, Arpu Vêng chu a tel. A ni hi Zâwlpui Bial, Lunglei District-ah a awm ang.
9th. Monday : ZPM Unit 2 te chuan MLA fund Rs 1,00,000/- lokal atangin thlanmual in te thlang tual kawng chu PCC in an chhung.
10th. Tuesday :
Malsawmzuala s/o Rozuala
Venglai leh Dr. Lalremruati Ralte d/o
R. Lalpianmawia, Laipuitlang te chu Sihphir Venglai
Kohhranah an innei.
11th. Wednesday : Govt. Primary School III, Tlangveng
te chuan Advance
Krismas an hmang.
12th. Thursday : Venhlun high School zirlai,r National Institute of Electronics and Information Technology (NIELIT) Aizawl hnuaia computer pass chhuak mi 86 hnenah certificate hlanna hun hman a ni a, VCP, Pu Lalnelawma chuan he hun hi khuallian niin a hmanpui.
13th. Friday:
Liansangkima s/o Lalruatkima
Arpu veng leh J. Lalnunsiami d/o J.
Khualdawla, C.T.I. Sesawng te chu Sihphir Venglai
Kohhranah an innei.
14th. Saturday : Arpu Welfare te chu an area-a vantlâng kawng
leh tui luan kawr ti fai in an hnatlang.
15th. Sunday : Zoramthanga h/o Sangpuii, Kawnveng pian champha vawi 75 na a ni a, kut thinga chibai bukna engemawzat dawngin a mah pawh a lawm hle.
16th. Monday : Pu Malsawmzuala s/o Rozuala, Venglai te nupa chu a (Sawmzuala) nupui, Pi Lalremruati Ralte hnathawh mekna, Karimganj lam panin an chhuk. Pi Remruati hi Presbyterian kohhran hnuaia evangelist teacher hnathawk lai a ni.
17th. Tuesday : Pu Lalrinawma in, Venglai chu misualin an rawka, pawisa fai thahnem tham tak bakah ei tur leh bungraw thenkhat an la.
18th. Wednesday : UPC
(NEI) biakinah
Pathianni zan thleng awh turin crusade tan a ni. Speaker
atan Evan C. Lalngaihawma, Thenzawl a ni ang.
19th. Thursday : Thangliani, kum 75 w/o H. Sapkunga, Kawnveng chu 'Septicemia' avangin Trinity Hospital, Aizawlah a boral.
20th. Friday : Ni nih awh turin Mizoram Sepaktakraw Association chuan State Championship
(Sepaktakraw) chu YMA Hall,
Tlângvêngah an tan.
21st. Saturday : Taitesena section YMA chuan Kawnveng bazar-ah carnival an buatsaih.
22nd. Sunday : YMA chuan Krismas Carol Service an neih puala an pawisa hmuhchhuah te chu khawsak harsa chhungkaw 16 hnenah Rs. 5,000/- theuh leh branch huamchhung a damlo mi 10 hnenah kanna, Rs. 2,000/- theuh an hlan a, khawtlang mipuiin eng hunah pawh kan tangkai pui leh thlamuan pui, UPHC staff ten thingpui an lo in ve nan Branch YMA sum belhin cheng 2,000/- hlan anni bawk.
23rd. Monday : H. Lalchhandama, kum 42 w/o Lalchawimawii, Dam Veng chu fehrehsan lai velin Kolasib Damdawi Inah 'Internal Bleeding' avangin a boral a, a hnu reilote-ah Zonunnawia, kum 36, w/o Lalnunsangi, Arpu veng chu Biakin veng khamah che sualin a boral ve leh.
24th. Tuesday :
Pu Lalngilneiha, kum 40, Neihbawi a Pu Lalramnghaka inhnuai luah mek chu Suarhliap khuaa a nu leh pa hnena a zin laiin rannung seh avang Aizawl damdawi in lian pana an rawn kal mek laiin Kawnpui bul kawng lakah a boral. A ruang hi Sihphir rawn thlen loin Suarhliap khaw lam a vui turin let pui a ni.
25th. Wednesday : Lalrinawma Pachuau, Chhanhim veng chuan Sawiremtlangah phone tibo a, nasa taka a zawn hnu in mifel tak mai, Pu Lalnunthara s/o Lalngaihawma, Tlangveng chuan chharin a pe let nghal a, a chungah Pu Rinawma hi a lawm hle.
26th. Thursday : Pu Parzama, Dinthar veng te vawk chaw bel chu a tak paihin rukbo a ni tih hmuhchhuah a ni. An rod bung nawi engemawzat an la tel.
27th. Friday : Sihphira hmun hlui humhalhtu pawl (LIDCAS) chuan Sehlawh rama Rophum puk chu an luh chhuak.
28th. Saturday : Isua Krista Kohhran te chu kumthar duangin an committee.
29th. Sunday : Taitesena section YMA chuan Pu Thangliana, Dinthar veng te chu tunhnaia an vai (bawngpu), Suresh Bhadur accident avanga damdawi in a awm mek an buaipuina atan Rs 2,000/- an hlan.
30th. Monday : Sihphir Driver Association te
chuan
YMA Conference Hall, Arpu-ah
General Assembly an nei a, kum
2025 hruaitu tur an thlang nghal.
31st. Tuesday : C. Malsawmdawngliana, kum 47 s/o Lalbiaknungi, Tlangveng chu Ebenezer Hospital-ah hearth attack avangin a boral.
Comments
Post a Comment