1st. Saturday: Vengchhak KTP, Johana group ten Sakawrhmuituai tlang tho, Paris mual leh
batminton mual inkar chu ka samsak ve nghal. Hlawh Rs 1500/-lai min pe a, ka lawm hle.
2nd. Sunday : Mawmi zing tawngtai inkhawmah a kal. Chawhmaah Sunday School kan kal a, zanah kan inkhawm leh bawk. Zirlai pass thar te lawmpuina pek an ni. An zingah hian Ponty pawh a tel. BanaHh nimin lama kan kohhran a rawngbawltu, F. Vanlalrochana booklet chu a thlawna sem a ni. Zan inkhawm banah U Fala te inah YMA day lawm dan tur vel relin sub-comtt. hrang hrang hruaitu te kan comtt.
3rd. Monday : Kar hmasa Thawhlehni a Hlimen leh Melthum inkara leimin avanga thi, mi pali te chu kan branch YMA te chuan Sihhmui kaiah zawngin kan hmulo. Mizo dana ni 7 zawn a nih hnua hmuh an nih chuanloh avangin tih tawp nghal a ni. Maawmi zing tawngtai inkhawmah a kal.
4th. Tiuesday : Maawmi zing tawngtai inkhawmah a kal. Inrinni a Sakawrhmuituai tlanga Sihphir branch KTP te hna hmabak ka han sam chhunzawm. Ka zolo deuh.
5th. Wednesday : KTP hna hu hun reilo te ah zoin UPC ho hna, love lock bul a mi chu ka sam leh nghal. IKK ho hnen atangin an hna ka thawhna hlawh Rs 5000/- ka dawng a, ka lawm hle. Rs 5200/- tur a ni naa rin aia hmaa ka zawh leh si avangin ka hniam ve a ni.
6th. Thursday : UPC hna ka han thawh sak leh. Maawmi zing tawngtai inkhawmah a kal.
7th. Friday : UPC hna ka han thawk leh. Ka zo. Ka chauh deuh avang leh chanchinbu heading tur buaipui ka duh avangin a chhutnaah tello in in atangin ka bei. YMA day prog. dah a lo ngaih leh si avangin a chhuak leh chuang hleilo a. A ho khawp mai. Karleh lamah sorkar laipui thar tihlan a rem tak a leh a thlawn lo ah a ngaih theih mahna le.
8th. Saturday : Huanah antam tlem kan va la. Maawmi lokal ve in kumina a vawi khat lo kal ve na a ni nghe nghe. Chawhnuah YMA sports na Kawnveng welfare TT room-ah ka va kal ve.
9th. Sunday : Zingkarah Duha (makpa hmelchhia) Pu Ropuia huana ka thawhpui thin chu a thi. Pawi ka ti kher mai. Chawhmaah Sunday School kan kal a, chhunah Duha vuina, YMA hall-ah ka han kal ve. A in luah hi a tet deuh avangin YMA hll a vui hi a ni. Sunday School kal lai hian bank Rama, Arpu chu a thi ve leh. Zanah khawhar inah ka kal. Chumi hnuin Sangpuii, Secretary, library sub-comtt te inah media ho nena writting competition kan siam chungchangah kan inh,u khawm. Essey endik turin min ti. Edy a hnen atangin YMA chanchinbu ka dawng a, kumin lak man, Rs 120/- ka pe nghal. ‘Ram leh hnam humhalh’ tih thupui hmangin essey in ziah siak, ram pum huapa tel ve turin essey ka ziak tan. (20/7)
10th. Monday : Mawmi zing tawngtai inkhawmah a kal. Huanah sawhtrhing hmun ka va thlo.
11th. Tuesday : Huanah sawhthing hmun ka va thlo. Zan dar 8-ah Pi Lalrintluangi, Lalhmelthaa nupui chu a thi. Maawmi zing tawngtai inkhawmah a kal. ‘Laltluang entu’ By F. Vanlalrochana ka chhiar chhuak.
12th. Wednesday : Chawhmaah thlan ka lai a, chawhnuiah YMA sport na, Neihbawia peinar camp-ah ka han kal ve. Insuknawrtah tel ve in ka chaklo. Zanah Liandi Futsal Ground-ah chhunzawm a ni a, sport meet chu zawh a ni ta. Zing tawngtai inkhawmah kan kal. Zion venga kan in luahtu te chu chin hriatlohin an bo. Bungrua tam tak chhuahpuiin an lak bang thenkhat in lamah kan la phei thung. Pawi ka ti hle.
13th. Thursday : Huanah sawhthing hmun ka va thlo. Chanchinbu kan buaipuina atangin section YMA sport meet-ah kan cham zo;lo tih ka hriatin pawi ka ti hle. Trophy dchawi ve hrim hrim ka chak tehlul nen.
14th. Friday : Huanah sawhthing hmun, hlawhfa U Masaii nen kan va thlo. Zanah YMA day prog. hmasa hmangin YMA hall-ah ka han tel ve. Lengkhawm zai intihsiak a ni a, ‘Ni tla ngailo’ tih hla in kan inel. Chuan sportsmeet kan neih pahnihna lawmman, silpolin leh thingpuife thlitna chu leader ka nih angin ka han la. Editorial atan tia ka ziah, ‘Pathian ram thilpek’ tih chu article type a siam remin Logos a chhuah turin editor, Opa hnenah ka dah lut.
15th. Saturday :YMA day hmanna YMA hall-ah ka tel chho ve. Media & Doucomentation leh Library sub-comtt. ten kan buatsaih, thu in ziahsiak chi hrang hrang leh lem in ziahsiak lawmman te chu sem nghal a ni. Lemziak bik hi pawnah kan tar chhuak. Heng zingah hian Ramdinpuia chu a tel ve. Tichuan, hlim taka hun hmangin tlaiah ruai kan theh. Day chhunga section inelna hrang hrang lawmman chu leader ka nih angin ka han dawng.
16th. Sunday : Mawmi zing tawngtai inkhawmah a kal. Chawhmaah Sunday School kan kal a, (Pathian ram ni a ni a, Rs 1500/- kan thawh ve) zanah kan inkhawm leh bawk. Zan inkhawm hi rual banl;o te ni a ni a, hemi pual hian Rs 50/- ve ve kan thawh. Chhunah Au ter huan piahah inti palh an awm a, YMA disester sub-comtt. te mi nrawn pun angin Zopeng thleng ka han kal ve. Kawngah lo la chhuak hmanin damdawi in pan pui nghal a ni.
17th. Monday : Huanah U Masaii leh Chhuangi te hruaiin sawhthing hmun kan va thlo. Thenawm te changel tlu in a pa te tuizem a delh chhiat chu a thar chawiin dah fel a ni.
18th. Tuesday : Pu zorama te Serkhan huan samin ka zu inhlawh. Ruah a sur avang erawh chuan ka thawk tlem hle. Maawmi zing tawngtai inkhawmah a kal. Nu DRi’n hmannia Sakawrhmuituai a ka thawh hlawh ka lak hmaih, Rs 1300/- a rawn dah a, ka lawm hle.
19th. Wednesday : Zing thawh veleh Pu Nghakluliana thih thu ka hria a, ka phei ve nghal a, a vuina hunah kan nuypaa kalin zan, thalai hunah keimahin ka kal leh bawk./ Internet bazar a mi power bank Rs 450 /- man, MaH 20000 chu a lo thleng a, ka lawm hle. Tlo tak ang maw. Ka zam angreng khawp mai.
20th. Thursday : Pu Zorama huanah ka zuk thawk thla leh. Ka power bank thar chu rin ang ngeiin a lo nep khawp mai a, pawi ka ti hle. Huanah U Masaii leh Chhuangi te an va feh. U Vana bike engine oil ka thlak tir. 14/12
21st. Friday : Pu Lungmuana, Arpu a thi. Chawhmaah thlan ka lai. Zanah khawhar in Arpu-ah ka kal a, ka hruai. Chumi hnu in chanchoinbu buaipui tumin ka kal a, amah a lo awmloh avangin ka haw leh daih. Kristian Tlangau a lo thleng.
22nd. Saturday : pu Zorama huanah ka thawk thla leh. Amah pawh a lokal ve. Chuan, hlawh Rs 3900/- lai ka la nghal a, ka lawm hle. U Rinawma, Pi Rothuami fapa chu thin thalo avangin a thi.
23rd. Sunday : Chawhmaah mitthi vuinaah ka kal a, Maawmi a inkhawm thung. Zanah khawhar inah hian kal lehin Maawemi a inkhawm leh bawk.
24th. Monday : Huanah U Masaii leh Chhuanghi te hruaiin ka va feh. Ka dar a nat avangin ka hawnsan. Zanah Zori, Adfawa nau chu a thi.
25th. Tuesday : Nimin lala ka nawmloh avang khan ziaawm viau tawh mah ila inah ka awm. Zanah khawhar inah erawh ka kal hram. Huanah U Masaii leh Chhuangi an va feh leh a, an zo thei a, ka lawm hle. Zingkarah Rohrenga hall-ah gram sabha-ah ka kal. VEC thlan a ni a, heng mite hi thlan an ni:
Chairman-Pu Lalnelawma, ruatsa
Vice Chairman - Pu Lalramliana Pachuau
Secretary - Pu PC Lalrinliana, ruatsa
Asst. Secy - Pu H. Lalawmpuia
Treasurer _ Pi Lalbiakdiki, ruatsa
Fin. Secy. - Pi Lalrintluangi, Zartei ka thlang
26th. Wednesday : Chaw ei kham hlimah Mawi paliani, thianpa Chhuana nupui chu Durtlanf damdawi inah thin thalo avangin a thi. Thianpa Hriatpuia te pu, Durtlang lam mi huan samin Lungtatpart ramah ka zuk inhlawh. Tlaiah, Lalzarmawia, Chhanhim patea fapa chu an huan kawng leihlawn zawh sualin a hnuai luiah a tla hlum.
27th. Thursday : Maawmi zing tawngtai inkhawmah a kal. Hemi ni hian mitthi inah ka kal. Zara te in hi a rawp deuh tawh avangin Rohrenga hall-ah vui a ni. Chawhnuah Chhuana ka han ral a, zan thalai hunah ka leng chho leh bawk.
28th. Friday : Ka hna ngai ka zu thawk leh. Zanah ka chhuak lo. Khawhar in banah ka n inah LIDCAS kan co,mtt. a, kumin chhunga hruaitu tur kan insiam fel nghal :
President - Pu R. Lalsawmliana
VP - Tv Zonunsanga
Secy. - Pu Lalchhanhima Varte
AS - Tv Rebert Vanlalfela
Treasurer - Pu Lalnunthara
FS - Pu C. Lalthlengliana
Ka duhna berah ka awm thei a, ka lawm hle. Comtt. avang leh an lo tih nual tawh tho avang tein chanchinbu chhutnaah ka kallo. Pi R. Lalengmawii, Pu Chhawnthanga nupui chu lungphuchawl in a thi.
29th. Saturday : Ka hna ngai ka zu tyhawk leh.
30th. Sunday : Chawhmaah Sunday School kan kal a, chawhnu leh zanah kan inkhawm leh bawk. Zanah hian Maawmi a inkhawm lo thung. Chawhnu leh zan hi nizan atang khan bial KTP kum chanve intawhkhawm prog. a hun hman a ni.
Comments
Post a Comment