Skip to main content

NILAINI KHAN

 


Tunkar Nilaini kha ni pawimawh leh chhinchhiah tlak tak niin a lang. Thil lawmawm leh lawmawm lo thil engemawzat a thleng a, a langsar zual deuh beng ti varah i'n tarlang mai mai teh ang :


1. MISUAL MAN : Thawhlehni zan, zanlaia Pu Laldanglova, Neihbawi ten an kawta an bike dah petrol ruk tum lai mi pakhat chu nangchingin chupa chuan a scooty chu tlanchhiat sanin anni hian an umzui nghal a, Venglai biakin bulah nangchingin an man. 


He pa hi Hmangaihpuia, kum 20 mi niin ITI veng mi niin a insawi a, a scooty hi a ruk chhuah niin an sawi hmangin damdawi ti thin leh zuar a, supply thina, jail pawh lo tang zeuh zeuh tawh nia hriat a ni.


2. RELKAWNG CHIM : Bairabi leh Sairang inkara rel kawng siam mek zinga no 196 na, Khamrang leh Sihhmui inkara lei dawh lai (la dawh kai chiah loh) chu a chim a, hnathawktu mi 26 vel (company lam hian hnathawk tu zat an hrechianglo)  chimpuiin mi 23 chu a hmunah thi nghalin mi 3 in hliam an tuar a, chin hriatloh hi mi 2 an awm bawk.


Lei dawh hna hi Northeast Frontier Railways (NFR) te thawh a ni a, rel kawng thui zawng hi 51.35 Km a thui niin, kumin hian zawh fel hman tura tih a ni.


3. MIBO HMU : August ni 18 atanga chin hriatloha bo,  Lalremruata,(vohbik) kum 11 mi, Lalvulmawii, Mamit fapa chu khawtlang mipui ten ngawrh taka an zawn hnu-ah Mamit atanga khawthlang lam, Mamit kawng hlui-ah thi a hmuh a ni. 


Lalremruata kar hmasa Ningani zan khan Mamit field venga a ute hnenah a riak a, a tuk Zirtawpni (August ni 18)  zinga a chhuak chu a chin hriat zui a ni talo. A ni hi pianphunga rualbanlo niin, piantirh atanga bengngawng leh tawng thei lo a ni.


4. LEHKHABU DAWNG : Mizoram State Library ațangin lehkhabu thahnem tak chu YMA Library a dah turin dawn a ni. 


Lehkhabu te hi YMA president, Pu Lallianfala chuan State Library atang hian lachhuakin library renewal fee ₹.300/- leh Annual fee- ₹.100/- (Association + packing ) pek nghal a ni bawk. 


5. SESSION ZO : Mizoram Legislative Assembly Session pariatna, fur thutkhawm ni hnih awh chu a tiak. 

 

Tuntum session hi tun term kal mek a tum 12 an thutkhawmna a ni a, tun term chhunga a hnuhnung ber tur pawh a nih hmel. Tun tum session-ah hian official resolution pakhat leh bill pariat pawm a ni.


6. THLALEM HLAWHTLING : India thlalem, Chandrayaan-3 spacecraft chuan a tum ram, thla leilung chhim tawp lamah tluang takin a ṭum ta ruau mai.  Heti hian hla chhimtawp lama tum thei hmasa ber ram a nih phah ta nghe nghe.


Thla leilung zirchiang tur, Chandrayaan hi July ni 14 khan Srikota (Andhra Pradesh) atangin kah chhuah a ni a. Ni 44 a thang hnua ruahman lawk anga him tak a a tum thei hi a lawmawm takzet a ni. Chandrayan hi

thla leilung zir chiang tura tih ani.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more