Skip to main content

LIBRARY

 


Library tih hi JF Laldailova dictionary-ah chuan chhiar atan lehkhabu chi hrang hrang dah khawmna hmun tiin a hrilh fiah. Sorkar leh pawl hrang hrang bakah mimal thenkhat library nei an awm a, library lian tak leh lian vaklo te, mipui chhawr em em leh mipui nawlpuiin a tlawh thei lemloh chhi pawh a awm nual awm e.


Khawvela Library lian ber chu USA a

kum 1800 a din,  US Library of Congress khu a ni a, khu lai hmunah khuan lehkhabu maktaduai tam tak a awm a, lehkhabu mai lo pawh khawvel ram hrang hrang thil pawimawh engemawzat a awm bawk. Library hian nikhatah lehkhabu 15,000 neih belh zel anga chhut a ni a, hetatang ringawt pawh hian a len dan tur chu kan suangtuah thiam mai awm e. 


Kum 1962 atang khan Library of Congress hian ram pawnah office a nei tan a, heng zingah hian India (New Delhi) pawh a tel ve hial a ni. 


Library of Congress-a lehkhabu te ber chu “Old King Cole” tih a ni a,

1/25” x 1/25”, chauh a ni a, lehkhabu lian ber chu feet 5 by 7 laia hlai a ni thung.  

Library-a thuziak hlui ber chu cuneiform tablet a ni a, kum 2040 B.C. a mi daih tawh kha a ni bawk. 


India ramah chuan National Library, Kolkata a mi khu a lian ber a ni ve thung. Building var lianpuia lehkhabu intiang khat dul mai chu tlawh man a awm hle.


Library hi Mizoramah kum 1969-ah sub-divisional library tia din a ni a, chumi hnu kum ngaah (1974) State Library hi din chhoh a ni. Tunah hian lehkhabu 71,000 vel a awm mek a, library member sangruk chuang awmin, chung zinga sangkhat vel chu chu naupang an ni.


Hetih rual hian State Library ai maha lian hi MZU khuan an nei tih hre bawk ila, anni khuan lehkhabu pangngai bakah an university a reserch ti te paper hrang hrang an vawng tha vek bawk a ni.


Sihphir khuaah hian kum 1995 emaw '96 chho vel khan Pu Lalkhawngaiha, Arpu chuan LK Store library siamin lehkhabu hi sangruk chuang zet a nei hman a, a hnu deuhah Pu Lalthanmawia, Tlangveng chuan LTM Library tih hming vuahin library hi a kalpui ve leh a, mipui te pawhin kan chhawr hle a nih kha. Sikul leh kohhran hrang hrang ten Library hi an nei ve hlawm bawk. Pu Makhawa leh Pu Thanmawia ten an library an chawlhsan ti tih hnuin YMA Committee member zînga Pu RK Vanlalrema, tuna Aizawl lama in bengbel ta chuan a thian te leh ngamtlakte lehkhabu dil kualin Sihphir branch YMA library hi bul a lo tan a, tichuan, chhumlo chat loin tuna kan YMA Library pawh hi a kalchho ve ta zel a ni.


Mobilephone leh TV vel a that tawh em avângin lehkhabu chhiar kan ti ta manglo niin a lang a, hriatna ril tak tak heng technology chhuak thar atang te hian hriat theih vek tho mah se a keu a keu dalh dalh mai hi a nuam a, phek hmasa lam enlet a awlsam bakah mit tan a lo hahdamthlak zawk bawk nen, lehkha chhiar lamah tan i la thar leh teh ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more