Skip to main content

LIBRARY ENKAWLTUTEN TRANING LEH SEMINAR AN NEI

 

Tunkar Nilaini leh Ningani chhung khan Chanmari YMA hall-ah YMA enkawl Library enkawl tu te tan Art & Culture Dept., RRRLF Kolkata leh Mizoram Library Association (MLA) huaihawtin 13th. State level Library seminar & traning chu hlawhtling taka hman a ni a, he hunah hian Sihphir atangin Library sub-committee chairman, Pu Lalchhanhima Varte chu a tel. 


Traning hi Nilaini chawhma dar 10:30 ah tan a ni a, chairperson, Pi Carol VLMS Dawngkimi, director, Art & Culture chuan inkhawm a kaihruai. He hun hi Art & Culture Minister, Pu R. Lalzirliana chuan khuallian niin a hmanpui. Thu sawiin Minister chuan library hlutna chhawm nung zel tura hun pawimawh tak buatsaih a ni chu lawmawm a tih thu a sawi a, Library chu lehkhabu dahkhawmna satliah ni mai lovin, zirna in chi khat a ni a, Mizote chu India rama literacy rate tha ber pawl niin kan vannei hle a ni', a ti. Chutihrualin, hmasawn tur chuan ziak leh chhiar thiam chauh ni lovin hriatna dik, hriatna zau leh rintlak kan mamawh thu a sawi bawk. He hunah hian District tina Library tha thlan result puan leh lawmman sem nghal a ni bawk. District dang hi hlawm khata then a nih laiin Aizawl District erawh city atea leh khawpui pawn te a then a ni thung. Aizawl pawnah Muallungthu Br. YMA library te chu pakhatna niin citation mawi tak leh Rs 7,000/- an dawng a, khawpui chhung atangin 

Chanmari Br. YMA library chuan lawmmann pakhatna an la ve bawk. Library tha thlanna hi tunhma chuan rampum anga kalpui thin a ni naa, khawpui leh thingtlang dinhmun a inthlauh deuh avangin hei erawh tih tawp a ni ta thung a ni. Lawmman te hi pathumna thleng a siam a ni a, category hrang hranga lawmman te sem a ni bawk a, he hunah hian kan thenawm Venghlun branch chuan lehkhabu thar khawlkhawm zawng zawnga sang ber (highest total new collection of books) lawmman an la a ni. He hunah hian tunhnaia library lama Ph.D degree dawng thar mi 7 te hnenah lawmman hlu tak hlan an ni bawk.


Chawhma hunah hian Dr

Lalremsiami, President, MLA hnen atangin fuihna leh lawmthu sawina ngaihthlak a ni a, chawhnu lamah Dr. C. Lawmzuala, Vice-president, MLA hnen atangin 

Library services in a tranforming society (Khawtlang nun inthlak danglam zel karah library rawngbawlna) tih  ngaihthlak a ni leh bawk.


A ni hnihna, Ningani khan chawhma hunah Dr. Vanlalneiha, Tech. Assistant, MZU  

hnen atangin Accesioning (mumal taka lehkhabu chin fel) tih ngaihthlak a ni a, India ram in zalenna a neih lawmna kal zelah har ghar tiranga hun hman a nih leh hnuah 2023&2024 chhunga hruaitu turin heng mite hi thlan an ni : 

President : Dr. Lalbiaksanga Hnamte, Librarian, CONSH

Vice president : Dr. Lalremsiami, ex-librarian, MZU

Secretary : Dr. Jacob MS Dawngliana, Librarian, CDS

Assistant Secretary : Dr. Vanlalneia, Tech. Asst. MZU

Treasurer : Zirsangzuali, State Librarian

Finance Secretary : Dr. C. Lawmzuala, Asst. Proffessor, MZU.


Chawhnu lamah hian Tv Zirsangliana,MCOM Librarian hnên atangin classification (thliarfel dan) chungchang zir leh a nih bakah Dr. SR Zonunthara, IGNOU hnen atangin IGNOU Awareness Campaign neih a ni bawk.


Traning naah hian library enkawltu hall khat tlatin an kalkhawm a, MLA te inpekna a sang bawk nen hlawkthlak an ti tlang hle.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more