Skip to main content

JULY 2023, SIH (PHIR) DIARY

 

1st. Saturday : Rova leh Vani, Tlangveng tu te chuan June thlaa an unaunu boral ta, Laldinpuii, Kolasib chu an ral.


2nd. Sunday : Presbyterian kohhran chuan Hospital leh Health Sunday te an hmang a, UPC kohhran in Rualbanlo Sunday an hmang bawk.


3rd. Monday :  Village Council chuan MPSC in MCS (Combined Competitive) atan preliminary exam a buatsaih a tling, main exam bei tura inbuatsaih zui chho mek, Tv Lalthafamkima s/o Pi Lalnunhlimi, Kawnveng chu a inbuatsaih nan leh duhsakna lantir nan ₹1,00,00/- an hlan.  


4th. Tuesday : 

Bialtu MLA, Chief Minister ni bawk, Pu Zoramthanga chuan YMA te chu Oxygen Concentrator pahnih, Rs. 1,25,500/- man ve ve a pe.


5th. Wednesday : Neihbawi a Gopichand Academy peng, kawipuiah Shillong atanga lo chho, Creata Car, MZ-01/N 4917 chu   kawnthlangah a chesual a. He Car-ah hian mipa 3 leh hmeichhia 1 pakhat chuangin, vanneihthlak takin hliam na lutuk tuar an awm lo hlauh.


6th. Thursday : MHIP day a ni a, YMA hall-ah hlim taka hman a ni. He hunah hian Pu Lalhmachhuana Fanai, Tlangnuam, 1st. Class contractor chu khuallian a niin Pu Lalnelawma, VCP chu khual zahawm a ni bawk.


7th. Friday : Venglai Presbyterian kohhran in biak in thar sak an tumna atana hna hmasa, leiverh hna chu tan a ni.


8th. Saturday : LIDCAS te chu Sihphir ramri thlirin hmun hrang hranngah an kal. He hunah hian VCP hlui, Pu RK Lalduhsaka chuan kal chhuak te hi a ho.


9th. Sunday : Presbyterian Kohhran te chu Manipur rambuai mek tan an tawngtai.


10th. Monday : Manipur raltlan, Pu Lammuanthang, kum 39, Kawnveng  chuanhnuai (Vailui bul) a Pu C. Lalthlengliana In an luah a khawsa mek chu current man avangin a boral. A nupui duh dan angin an bungrua zawng zawng nen Manipur lamah an inhawn nghal.


11th. Tuesday : Forest department chuan hmun hrang hranga mahni huana thingphun te tan a samna tur pawisa chu ram neitute hnenah bank kaltlangin an hlan.


12th. Wednesday : TBCC, Sakawrtuichhunah Lalrimawia s/o Lianthangpuia,

Tâmlovêng leh Lalduhsaka s/o Lalthansanga (L),

Neihbawih te chu dah an ni.

 

13th. Thursday : Retailer I ,Arpu leh retailer II, Kawnvengah te ration buhfai sem tan a ni.


14th. Friday : Higher Secondary School chuan xerox printer Rs 67,000/-man an nei thar. Hei hi V/C ten pawisa an pek hmanga lei a ni.


15th. Saturday : YMA Committee member te chu thlanmual in tur an sak mekah an hnatlang.  


16th. Sunday : Venglai Presbyterian Kohhranah Rev. Krosschhuanmawia, ATC a thuthlung thar zirtirtu chuan Synod in ATC hmuna kros lian a phun tur chungchangah campaign a rawn nei.  


17th. Monday :   Primary School II, Neihbawi office chu rawk a ni tih hmuhchhuah a ni a, a rawktu te hian uniform, lehkhabu, dawhkan leh,  almira an lo ching pawr nasa hle a, tablet an dawn thar an rubo bawk.     


18th. Tuesday : 

Lalhlupuia s/o  Lalrova, Tamlo Veng chuan City Bus-ah (Zemabawk) buaina a siam avangin  Zemabawk East YMA Duty ten an lo man a, a zu pai engemawzat  an man tel bawk. Police hnena pe loin Zemabawk atangin Bawngkawnah (Sihphir motor dinna) an rawn thawn phei.


19th. Wednesday : Durtlang Leitan chhuk thla a kopang atanga lei a tlak avangin tualchhung mi, khawpui pan te an buai phah hle.


20th. Thursday :

UPC kohhran chuan an pastor quarter-ah double door, fridge thar an dah.


21st. Friday : Sihphir to Durtlang kawng siam tur denchhenin  Sihphir, Sihphir Venghlun, Selesih Branch YMA ten YMA Conference Hall-ah joint meeting an nei a. Lungrual takin Sihphir to Selesih Joint YMA Action Committee dinin, Nausel Branch pawh telh ve nghal an ni. Hetiang hian Convener tur an inruat nghal a ni :

Chairman :

Pu Lalmuankima Sailo,

President

Selesih Branch

Secretary :

Tv Zohmingliana Hnamte

Secretary

Sihphir Branch

Treasurer :

Pu F. Lalrinzuala

President

Sihphir Venghlun Br. Member tur te hi Branch tin OB te an ni bawk ang.


22nd. Saturday :

Thlanmual no 1 (thlanmual hlui) a thlan laihna hmanrua dah na tur leh mi harsa zawk te luah tura tih in te, YMA sak, chhawng khat a sang chu VCP, Pu Lalnelawma chuan hlim tak leh tluang taka a kal zel theih nan tiin ribbon chep chatin a hawng.


23rd. Sunday : Aizawl North Area Meet Selesih a neih mekah bial Masihi zaipawl te chu zan inkhawmah an zai.


24th. Monday : Venglai Presbyterian Kohhran te chu Salem Boarding a

Pu Vanlaldika, Evangelist Teacher, Rinchhan veng

thawhna-ah hostel choka sain mi 10 an

kal.  


25th. Tuesday :  Malsawmtluanga s/o H.

Lalrinzuala, Neihbawih leh H.

Malsawmzuala s/o Lalduhawma, Zion

Veng te chuan nupui an nei.


26th. Wednesday : Aizawl District Superintendent of Police, Pu Rex Zarzoliana Vanchhawng chuan Aizawl-Kawnpui kawnga Vaivakawn ah leimin a awm avângin Durtlang leh Sihphir inkar kawngpui siam mek a nih avanga khar lailawk chu thu leh awm hma chuan hawnna thupek a chhuah.


27th. Thursday : State Bank of India, Regional Business Office, Babutlang Aizawl chuan Rohrenga Hall-ah thlai chingtute tan loan chungchangah campaign an rawn nei. 


28th. Friday : YMA te chu Conference hall-ah an Committee.


29th. Saturday : Tv Vanlalhriata, kum 45, s/o Kapthiangi, Arpu leh Laltlankima, kum 31, s/o Lalnunsanga, Damveng te chu natna hrang hrang avangin an boral.

 

30th. Sunday : Presbyterian Kohhran te chuan thlai thar thawhlawm inkhawm an hmang.


31st. Monday : Venglai KTP te chuan teenage night an hmanga, he hunah hian Rev Johana, Lecturer, MTC chuan Pathian thuchah a sawi.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more