Skip to main content

ZIRLAITE HLAWHTLING THAR TE CHAWIMAWINA LEH INFUIHTHARNA HUN HMANG

 


Nimin Zirtawpni khan Sihphir Branch YMA, Education Sub-Committee bultumin Community Hall, Tlangveng

zirlai pass tharte lawmpuina leh infuih tharna hun hman a ni a, he hun hi Pu Lalropuia Pachuau, VCP chuan khuallian niin a hmanpui. Pu K. Biakthianghlima, Visiting Professor, Govt. T. Romana College chuan fuihna thu tha tak a sawi bawk. 


Inkhawm hi committee chairman, Tv. C. Lalremsanga (Valtea) chuan a kaihruai a, Nl Zoremsiami, Comt.

Member, Education Sub Comt. chuan hunserh hmangin prog te tluang taka hman a nih theih na'n Pathian hnenah a hlan.


Hemi hnu hian HSLC pass thar chawimawina thilpek hlan an ni a, anni hi mi 74 lai niin certificate, pen leh file tha tak hlan an ni.

Hemi hnu hian Chief Guest, Pu Lalropuia Pachuau, VCP chuan ama chanchin atangin zirlaite chona thu tha takin a sawi.

Hemi hnu hian HSSLC pass thar mi 39 te leh Under Graduate pass thar mi 38 te thilpek hlan an ni leh bawk. Hemi bakah hian Sihphir Branch YMA huamchhung ațanga class tina ti țha ber te  chawimawina thilpek (special) pek an ni bawk. Chawimawina (special) dawng tu te : HSLC - H. Liandingpuii d/o Lalfakzuala, Distinction, Govt. Sihphir High School, Letter mark - Eng, mizo, science, SS, Maths


HSSLC - R. Lalsiampuii d/o R. Lalremruata, Distinction, Synod HSS


BA (History) Gold Medalist - Lalrinhlui d/o Lalremruati, Distinction, Pachhunga University College.


Resource Person, Pu K Biakthianghlima chuan zirlaite fuihna thu tha tak tak sawiin taimakna leh tumruhna a pawimawh zia leh mahni inrintawkna neih a tul ziate a sawi a,

Tv. Zohmingliana Hnamte, President, Branch YMA chuan zirlai naupangte, kan nun uluk a pawimawh zia chungchangte, zu leh drug lak a fihlim turte, Mizo nun ze mawi chhawm nung zel turte, zirna uar sauh sauh turtein  fuihna thu tha tak tak a sawi bawk.


Thusawi tha tak tak karah hian tualchhung zaithiam Nl. R. Vanmalsawmi, Arpuveng, Nl. RC. Vanlaldingpuii, Dintharveng

leh Zoram khawvela zaithiam lar tak, Nl. Siampuii Ralte, Damveng te chuan thiam takin kalkhawmte an awi reng bawk.


Zirlai te chawimawina thilpek an nih hnu hian P&E Department atangin Energy Conservation chungchang  awareness chu Tv. Vansangliana, branch YMA Secretary chuan a hmang leh bawk. Programe te hman zawh a nih hnu-ah Pu Lallianfala, Fin. Secretary, branch YMA chuan kalkhawmte chungah lawmthu a sawi leh bawk.

 

Inkhawmah hian YMA Executive committee member, V/C Member, Sihphir Teacher Association OB,

Sihphir Branch YMA huamchhunga High

School leh Higher Secondary School zirlai te bakah heng School aiawh zirtirtu pakhat theuh te chu tel tura beisei an nih angin an tel tha hle. 


Programme pual hian Pu Lalropuia Pachuau, VCP,

STA leh Sihphir

V/C te chuan tanpuina pawisa fai engemawzat an pe a, hengho lakah leh Energy Conservation Awareness buatsaihtu P&E Dept te chungah branch hruaitu te an lawm hle.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more