Skip to main content

SOCIAL MEDIA-A KAN PHUNNA HIAN RAH THA CHHUAH NGEI TEH SE

 



Central YMA buatsaih volleyball inkhawmpui lian chu a tiak ta. He hunah hian volleyball-ah na na na chuan an hming dai tawh mai mai lo tur Hunthar veng chuan champion nomawi hlu tak an chawi a nih kha. 


Tournament hi   YMA branch hrang hrang te inelna a ni a, General Secretary in hriattirna a chhuah ang chuan Joint YMA, Group YMA emaw sûb-headquarters YMA anga tel theih a ni lo. Zoram pawn erawh  branch khat aia tam atanga inlak phalsak an ni thung. Tin, FIBV-2017 tecnical rules hman a ni a, tul bik thilah chuan technical committee in a ti danglam thei thung. Player te hi an awmna branch-ah khel tura tih an ni a, player chungchangah in chuh buai/inhnial buaina a awm chuan voter ID/Adhar card-a an home address-a khel tura tih a ni bawk.


Tun tum inelna-ah hian player chungchangah inhnial buaina chu a awm ta ngei mai a, complaint na hun hi inkhelh dawnah hawn a nih chauh thin avangin finfiahna tha tawk a awm anih loh chuan complaint hlawhtling an tamlo hle in a hriat. Buaina tam ber chu mahni branch nilo a khel emaw ID neihlohna branch a khel an awm nia lang chungchang a ni tlangpui. Dan bawhchhia manchhuah an awm nual rualin dan bawhchhe ngei nia lang, finfiah hleihtheih siloh khawpa docoument nei fel an awm bawk. Hetiang ho docoument hi a fel tak tak nge felhlel deuhin an ti tih erawh keini hriat theih a ni lo.


Hemi chungchang hian thalai, dikna ngaihlutu thin a ti na a, social media kaltlangin an lungawihlohna chhiar tur a tam hle. Thenkhat chuan ho mai mai leh awmze neilo a phunah te pawh kan ngaih sak a ni maithei. Mahse, dan bawhchhetu te chuan mipui lungawilo au thawm hi an hre ve ngei anga, kawng khat tal pawha an thatpui i beisei ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more