1st. Friday : Branch YMA te chu Conference Hall-ah an Committee a, he hunah hian hmalak tawhna te thlirlet chungin hmalak zel dan tur thil hrang hrang an rel.
2nd. Saturday :
Central YMA leh PHED ṭang kawpin a buatsaih, Tlawng lui fintu lui then fai hnatlangpui-ah Sihphir Branch YMA atangin Vice President, Pu C. Lalrinawma hoin member pasarih thawhchhuah ve a ni.
3rd. Sunday : YMA OB te chu Secretary, Tv Vansangliana (Pu Remmawia) te inah an Meeting a, he hunah hian July ni khat zana Executive Committee in a rel bawhzuina tur thu engemawzat an rel.
4th. Monday : LBS Suzuki Inter Village Football Tournament
khelh mekah a tum hnihna atan Sihphir V/C team chuan 7-1 in Sailutar lakah hnehna an chang.
5th. Tuesday : LIDCAS OB te chu Treasurer, Pu R. Lalsawmliana te inah an meeting a, Meeting hi an pâwl Vice President, Pu C. Parmawia'n a kaihruai.
6th. Wednesday : Mizoram-a hmeichhia te insuihkhawmna pawl lian ber, Mizo Hmeichhe Insuihkhawm Pawl (MHIP) chuan an pawl dinchampha vawi 48-na chu hmun hrang hrangah an lawm. He hun hi Sihphir Branch te pawhin Community hall-ah an lawm a, VCP, Pu Lalropuia Pachuau chu khuallian a ni.
7th. Thursday : Np. Loicy Lalmuanawmi, Thla 3 leh ni 9 d/o Laltlankima, Dam Veng chu 'Thawhah' natna avangin Synod Hospital-ah a boral.
8th. Friday : Social Reform and Action Committee te chuan YMA Conference Hall-ah ruihhlo leh a kaihhnawih a lo khawsa tawh thin, tunhnaia chhandamna chang ta te chu an kawm.
9th. Saturday : LIDCAS te chuan an pawl din champha chu YMA Conference Hall-ah an lawm. He hunah hian "Sihphir khua indin chhoh dan leh a inrelbawl chhoh zel dan" tih chu zirho a ni a, Pu Lalthantluanga, President, Village Council/Court, Sihphir Venghlun chuan Chief Guest niin a hmanpui.
10th. Sunday : Presbyterian Bial Kohhran Hmeichhia te chuan buhfai tham leh Kristian chhungkaw campaign bial chhûng kohhran hrang hrang a an neih chu a thawh thumna atan an nei leh a, hemi tum hian Venglai Kohhran biakinah campaign hi an nei.
11th. Monday : Mizoram
puma National Health Mission hnuaia
thawk te an nawrh avangin Sihphir
UPHC pawh mipui tan inentir theih
lohin khar a ni.
12th. Tuesday : Kharzawl YMA Secretary hnen ațanga zualko chungchangah Muani, Falam lam mi, Khawzawl-a awm țhin, Lengpuiah rei vaklo vai pasal nei a awm tawh chu Kolasib Hospital-ah a boral a. A ruang hi a damlaia a duh thlan angin Bilkhawtlir, Kharzawl-a awm tura tih chu an (mitthi) ni fanu hi Sihphirah ui vulh tam deuh tih chauh an hriat te in a awm niin an hria a. Amah a chian siloh avanga zawnpui tura ngen kan nih angin social media kaltlangin theihtawp a zawnpui a ni. Amaherawhchu, he mitthi chhûngte hi hriattheih a ni ta lo.
13th. Wednesday : Commerce & Industry Dept.
chuan Sihphir a
bazar hrang hrang te an rawn endik.
Twin Market leh Arpu bazar chung chu
khawtlang mipui ten kan mamawh a nih chuan siam danglam min
phalsak thu an sawi.
14th. Thursday :
Presbyterian Pastor Bial Kohhran Pavalai Pawl te
chuan Venglai Biak Inah
intawhkhawm an nei.
15th. Friday : Village footbal tournament
a tel Sihphir V/C team te chu V/C ten lawmthu sawina leh
infuih thar zelna hun an hmanpui a, zanriah an kilpui nghal.
16th. Saturday : Pu Lalchhandama leh a fanu, Lungdai, bike a Aizawl kal tum te chu Dumping Ground bulah Aizawl rawlthar, bike leh scooty a chuang mi pali te chuan an bike sut sakin kut an thlâk zui nghala, chem nen hial viau zui an ni. Vanneithlak takin hliam na an tawrh hma in Lungdai lam mi an rawn lan tâk hlauh avangin an in tha then thei. Pawikhawih tute Lungdai pana tlân tlang te chu khawtlang mipui te hriattir an nih angin an lo ti dinga, a tuk lama ngaihdam dil thar leh tura hriattirin kaltîr an ni.
17th. Sunday : Ni hnih awh, Masihi Sangati Aizawl North Area Meet vawi 31-na Bawngkawn kohhrana neih mekah chawhma inkhawmah Venglai Masihi Sangati zaipawl te zaiin chawhnu-ah Bial Masihi Sangati zaipawl te an zai bawk. Meet puipa te zîngah hian Pu H. Darhmingliana, Sihphir Presbyterian Kohhran chu Vice Chairman a ni.
18th. Monday : Presbyterian Bial KTP hruaitu te leh bial zaipawl te chuan Venglai KTP te an tlawh.
19th. Tuesday : D3 Amrit Cement 22nd Inter Branch YMA Volleyball Tournament chu R. Dengṭhuama Hall, Mualpui-ah khelh tan a ni. Ni hmasa berah hian Sihphir Branch YMA te pawhin khelin Chanmari West lakah strait (25-20, 25-17, 25-22) in hnehna hlu tak an chang.
20th. Wednesday :
Lalthakimi d/o HS Lalhlimpuia, Damveng, tunkar Zirtawpni a thlangkhuandim tur chu man hlan a ni.
21st. Thursday : PGCI Sakawrtuichhun lamah Zuangtui 132kV line emergency a shutdown a nih avangin thimhlim atangin darkar thum vel eng kan neilo.
22nd. Friday : D3 Amrit Cement 22nd Inter Branch YMA Volleyball Tournament 2022 khelh mekah a vawihnihna atân Sihphir Branch te chuan khelin he hunah hian an khelhpui Chhinga Veng chu 22-25, 15-25, 20-25 (3-0) in an hnehlo.
23rd. Saturday : Kawnveng Welfare member te chu an bungrua enfel leh tifelin an hnatlang.
24th. Sunday : Ruihhlo leh thildang chungchangah Sihphir leh Sihphir Venghlun Br. YMA, Social Reform & Action Committee hruaitute ve ten YMA Conference hall-ah hlawhtling takin joint meeting an nei. Meeting hi Sihphir YMA President, Tv Zohmingliana Hnamte in a kaihruai.
25th. Monday : Central YMA Chanchinbu chu dak kaltlangin agent, Pu Lalchhanhima Varte hnen a lo thleng. Chanchinbu hi copy 20 lak mek a ni.
26th. Tuesday : Pu Lalrinmawia (L) Arpu kawmthlang, (Rinchhan veng kawng) a min a, Motor a lut tlang thei lo.
27th. Wednesday : Lalbiakthanga, Kum 50, w/o Lalrami, Neihbawi chu cancer natna avangin an chenna inah a boral.
28th. Thursday : Pu Laldinpuia, kum 47 h/o Pi Lallenmawii, Kawnveng, a motor khalh lai motor dangin a sut avanga hliam na tak tuar chu Civil Hospital, Aizawlah a boral. A ruang hi a nu in, Tlangvengah dah a ni.
29th. Friday : Mizoram University chuan
B.Ed result a tichhuak a,
Lalthachungnungi d/o Lalrinzuala,
Tlangveng leh Lalngaihawmi d/o Robert Lalchhuanawma, Dintharveng te chu
1st. Division-ah an pass ve ve.
30th. Saturday : D3 Amrit Cement 22nd Inter Branch YMA Volleyball Tournament 2022 chu khelh zawh (final) a ni ta. Final function-ah hian Sihphir tleirawl zaithiam lar tak, Siampuii Ralte, Damveng chuan thiam takin 'Valmawi' tih hla a sa a, Tv Malsawmkima Tochhawng, Chhanhim veng chu assistant refree a ni bawk. Inkhelah hian Hunthar branch chuan Khawhai branch chu 3-0 in an hneh.
31st. Sunday : Venglai Presbyterian Kohhran chuan thlaithar thawhlawm inkhawm an hmang. He hunah hian an thlai thar neih ang ang te lakhawmin inkhawm banah an lilam a, thlai nei remchanglo thenkhat ten a sum faiin thawhlawm an hlan bawk.
Comments
Post a Comment